بفكر اشتري مزرعة

**metenawy** · 16-09-2010 10:49 PM

ببساطة انا بفكر اشتري كام فدان و اعمل مزرعة للموالح و غيره فياريت اليقدر يفيدني بمعلومة عن احسن الاماكن للشراء او الاسعار او اي شي يخص الموضوع يساعدنييييييييييي

**abdo_general** · 17-09-2010 01:50 AM

انا كنت بفكر برضه اشتري كام فدان في الصحراء
بس مش هزرعها نجيلة

بس للاسف مش عارف اي معلومات عن الموضوع دا ولا سعر اراضي ولا اماكن

بس الي اقدر افيدك فيه شبكات الري لانها شغلي

لو احتجت اي حاجة ابقي قولي وان شاء الله افيدك

**محمد محمد** · 17-09-2010 02:05 AM

في العبور جمعية عرابي وبيبقي فيها نسبة مباني وفيه كمان في العاشر من رمضان او منطقة قريبة منها.

**MaZaGAngeE** · 17-09-2010 03:25 AM

استصلاح الاراضي مكلف جدا و يحتاج لفتره زمنية 5 سنوات لتبدأ في جني ارباح من الزراعة
و أفضل الاماكن في غرب وادي النيل من غرب بني سويف و حتى اسوان و كمان اراضي الواحات و السبب توفر المياه الجوفية بكميات كبيره جدا و السبب التاني ان التربة لا يوجد بها صخور و ده هيقلل التكاليف في تسوية الارض بنسبة كبيره جدا

**MaZaGAngeE** · 17-09-2010 03:34 AM

اقل مساحة للاستصلاح و تكون اقتصادية30 فدان وده عشان انت هتحتاج تحفر بير و عشان البير يكون ليه جدوى اقتصادية لازم يكون بيروي المساحة دي و تكلفة البير بتكون في حدود ال 120 الف جنيه شاملة المواسير و الطرمبة و الحوض و بعض القنوات
كمان انت هتحتاجتعمل معلف للبقر او الجاموس و مزرعة دواجن عشان يكون عندك دورة رأس مال سريعة لمصروفات الارض
هتحتاج تشتري جرار بمجموعة الملحقات بتاعته و ده يبدأ من 50 الف للروماني لحد 150 الف للمعدات الجديدة و على حسب الجرار بكارونة واحده و لا اتنين كارونة و لازم يكون عندك جراش للمعدات

هتحتاج مولد كهرباء عشان تغذي البير و المباني و ده يختلف على حسب الاحمال الاجماليه و ممكن تشتري مولد مستعمل في حدود 30 الف

**mr_sameh** · 17-09-2010 03:37 AM

الموضوع مكلف جداااااااااااااااااااااا لو الارض جديده هتقعد تصرف سنين لحد ما تجيب عائد

**MaZaGAngeE** · 17-09-2010 03:45 AM

لطبيعة الارض الرملية و عشان توفر في تكاليف تشغيل المولد و طرمبة الميه محتاجة عمل شبكة ري بالتنقيط و دي بتختلف تكلفتها حسب التصميم و الخامات اللي هتجيبها و في المتوسط الفدان 2000 جنيه
طبعا من الاخطاء اللي انا و ناس كتير عملوها المحاولات المستمره في تغيير طبيعة التربة و ده عن طريق نقل كميات كبيره من الطمي للصحراء و دي تكلفة عالية جدا ممكن توفرها بالصبر و بزراعة محاصيل صحراوية و كمان باستخدام مخلفات المعلف و مزرعة الدواجن اللي هتعملهم

افضل محاصيل للزراعة من حيث قلة الري و قلة التكاليف و ارتفاع سعر المحصول
السمسم , الاعشاب الطبية , كركديه , طماطم
و لرفع و تحسين خصوبة التربة البرسيم الحجازي

**MaZaGAngeE** · 17-09-2010 03:54 AM

عشان تشتري ارض محتاج تعمل مراحل كتيرة
اول حاجة لازم تكون في بلدك أو على الاقل في بلد قريبة و ليك فيها اصحاب او قرايب عشان في المشاكل تلاقي حد يقف معاك
تاني حاجة تشتري الارض من العرب اللي واضعين ايدهم على الاراضي الصحرا و دي في حدود 500 جنيه للفدان لو بعيد عن الطريق السريع و بتزيد على حسب القرب من الطريق و على حسب اهمية الطريق ده
طبعا الاسعار دي فيها فصال جامد
تالت حاجة بعد العرب تروح للمحافظة و وزارة الزراعة عشان ترسم على الارض و تدفع جزء من تمن الارض و ده بعد ما تكون زرعتها و طبعا الحكومة مش هتملكك الارض على طول فيه دوره كبيره للورق بس ده روتين عادي و بيخلص

**MaZaGAngeE** · 17-09-2010 04:01 AM

مش عايزك تتصدم من الارقام دي و لا من الدوخة بين العرب و الحكومة
انت مش هتقوم الصبح تزرع المساحة كلها لأ طبعا
انت هتقسمها لمراحل على مدى 10 سنوات عشان مايحصلش ارهاق مادي ليك
يعني كل سنة تعمل حاجة و مع الزمن معدل زيادة التصليح بيزيد معاك يعني انت اول سنة هتحفر البير و تجيب مولد و تصلح 5 فدادين و بس
تاني سنة تجيب الجرار و تصلح 5 فدادين كمان
تالت سنة تعمل المعلف
رابع سنة تعمل مزرعة الدواجن و تصلح 5 فدادين كمان او تجيب باقي ملحقات الجرار
خامس سنة تصلح 10 فدادين
سادس سنة هتعمل تجديد و احلال لشبكات الري و الطرمبات و المولد
سابع سنة تصلح 10 فدادين الباقيين

و ربنا يبارك و يرزقكم في المشروع الممتاز و المربح ده بس كمان محتاج بال طويل و صبر

**Medo.Malek** · 17-09-2010 04:09 AM

موجود عندى ارض مستصلحة و متساوية (منسقة ) و جاهزة للزراعة و ارض تانية مش متساوية للبيع
واحدة 10 فدان و التانية 5 لو حد مهتم يبعت على الخاص

الموضوع: بفكر اشتري مزرعة

LinkBack

أدوات الموضوع

عرض

بفكر اشتري مزرعة - انشر الموضوع فى :

-

-

-

-

-

-

-

-

المواضيع المتشابهه

أنا بفكر اشتري ال tablet دة

بفكر اشتري سي دي كينود ايه رايكو ؟

بفكر اشتري نــيــســـــان تـيـــدا

بفكر اشتري a113

بفكر اشتري ميجان

الكلمات الدلالية لهذا الموضوع

المفضلات

المفضلات

ضوابط المشاركة