السلام عليكم يا شباب
انا معروض عليا سياره تويوتا ستارليت 1994 ب 28 ايه رايكم في العربيه دي مميزاتها و عيوبها و هل هتكون متعبه ولا ايه نظامها ارجو الافاده :) و شكرا
عرض للطباعة
السلام عليكم يا شباب
انا معروض عليا سياره تويوتا ستارليت 1994 ب 28 ايه رايكم في العربيه دي مميزاتها و عيوبها و هل هتكون متعبه ولا ايه نظامها ارجو الافاده :) و شكرا
السلام عليكم يا شباب
انا معروض عليا سياره تويوتا ستارليت 1994 ب 28 ايه رايكم في العربيه دي مميزاتها و عيوبها و هل هتكون متعبه ولا ايه نظامها ارجو الافاده :) و شكرا
ممكن تبحث في قسم تويوتا وهتلاقي مواضيع عنها كتير
دورت ماكو شيء
بص انت ممكن تسئل في قسم التيوتا هيفيدوك اكتر
بس انا معلوماتي عن العربية هقولهالك وهي هتفرق علي حسب استخدامك
بص انت هتجيبها بـ 28 الف
ودي عربية تيوتا ياباني ليها اسمها في السوق واعتماديتها طبعا
واكيد لما تركب تيوتا احسن ما تركب هونداي
انت عندك برضه في السعر دا سوزوكي سوفت 1300 برضه ياباني
بس التيوتا اعتقد احسن بس عيوبها بقي
انها تقريبا يا 1000 يا اما 1100 سي سي
يعني مش هتفع سفر ولا تكيف استخدامك قليل يا دوبك الشغل وخروجاتك
مش هتعرف تشد بيها لو بتحب
وبرضه تفرق علي حسب حالة العربية نفسها
وربنا يوفقك
انا بعت في قسم التوتيا بس باين محدش هناك او اول مره حد يسمع عنها :(
يارب حد يكون سمع عنها :)
واحد صاحبي عايز يجيب عربية
وفكرنا فيها
بس انا معرفش مميزاتها وعيوبها
بس العربية قليلة اوي
وواضح ان قطع غيارها مش هتبقي متوفرة .... ولو موجودة هتبقي غالية
انا رأيي سيبك منها
صاحب الموضوع كان ضايف نفس السؤال في موضوع عن الاستارليت وتم الرد عليه
http://www.nilemotors.net/Nile/174564-a.html
الستارليت عربية يعتمد عليها جداً من حيث الاعطال.. لكن مش متأكد من قطع الغيار
شكرا علي الردود يبدو ان هناك حاله من التشكك في العربيه دي :(
انا صاحبى معاة العربية دية
اولا : هية 1000 سى سى كربراتير , ماتورها كويس الى حد ما , صغيرة من جوة جدا , مش هتلاقى فيها تكييف الاغلبية او اى اوبشن عموما
السيارة مش ناعمة , قطع غيارها غالية جدا ومش موجودة عند اى حد هتلاقيها غالبا فى الحرفيين لان الجديد بيبقى مبالغ اوى فى سعرة , العربية مش موفرة للبنزين بالرغم انها 1000 سى سى
العربية دية ميزتها ان عظمها قوى وبالذات سقفها
لأ تم الرد يافندم راجع اخر ردود في الموضوع
بس حضرتك بتقول هناك انها معروضه عليك ب24000 وهنا بتقول 28000 ؟
طبيعي لأن الناس بتتكلم عن حاجه متعرفهاش لكن اللي معاه العربيه بيتكلم عنها بثقه
- الموتور كويس فعلا وهو نفس كورولا الملكه لكن 1000 سي سي
- مش صغيره جدا ولا حاجه حضرتك قارنها بالعربيات من نفس الحجم زي الابيزا والبولو والأونو ، الكنبه الخلفيه بتبقي ضيقه فعلا لو الكراسي راجعه لورا لكن لو ظبطت الكراسي اللي ورا بيبقي عادي وكتير كنت بتحط في مواقف يبقي راكب في العربيه ورا 3 أحجام ما شاء الله + انا قدام وبرضو انا مش رفيع كنت بطلع الكرسي قدام علشان اوسعلهم ومش بتزنق ببقي عادي لكن مش مرتاح طبعا + حد جنبي يعني 5 أفراد
- بالنسبه للأوبشن برضو حضرتك قارن بعربيه من نفس الموديل وأهم حاجه التكييف
- نعومه العربيه دي معظمها بتعتمد علي الكاوتش ميكونش ناشف ومظبوط 28 بتكون مريحه جدا لكن لو الهوا زياده بتحس العربيه ناشفه
- قطع الغيار حضرتك ممكن تراجع الموضوع ده فيه معظم اسعار قطع الغيار ومش غاليه جدا ولا حاجه
http://www.nilemotors.net/Nile/174564-a.html
- استهلاك البنزين بيكون في المتوسط 14 كم لكل لتر وده سفر + في وسط البلد عادي ، يعني لو سفر فقط بتعمل اكتر من 300 كم في الصفيحه وداخل المدينه مش عارف احسبها الصراحه لأني بسافر يوميا لكن في متوسط 250 كم
مع العلم انها بنزين 80 عادي جدا فا مش فارق خالص يعني موضوع الاستهلاك
- عضم العربيه بالفعل ناشف خصوصا بعض الأماكن زي فوق العجل العضم محمل جدا ومهما اتحك مش بيتطبق ما شاء الله وكذلك عضم السقف والصاج بشكل عام محمل ، لكن صاج السقف عادي مش محمل قوي
تمام ياباشا كل اللى حضرتك بتقولة دة
بس انا صاحبى كان لسة بيجدد العربية بتاعتة
جاب كوعة مياة بس ب220 جنية , بالنسبة للمرايات بردة غالية جدا كنا بنجيبهم استيراد الواحدة عملت 200 جنية بالعافية
وماشاء الله انا بقولك ان العربية دية صاجها ناشف جدا لان صاحبى بعيد عنك وعننا وعن كل الناس يارب
اتقلب بيها فى نفق الازهر وهو على سرعة 70 كيلو بس مش عيب فى العربية لأ ة واحد خبطة من ورا وهو بيلف
فانا عايز اقولك انة طلع فوق على الحيطة ونزل على سقف العربية والعربية فضلت ماشية حوالى 10 متر والحمد لله خرج من غير خدش واحد ودة فعلا اللى خلانى اقول ماشاء الله على العربية فى الامان بتاعها
وهية عربيتة من غير تكييف او اى اوبشن , وهو اصلا محولها gti ومغير الوش بتاعها وكلفة 1200 جنية بالشبكة بالفوانيس الشبورة
ربنا يباركلك فيها ويحافظلك عليها
يا جماعه الله يكرمكو حد يفيدنى ويقولى مين الى عندة قطع غيار الستارلت ..
انا عاوز ارقام تليفونات المحلات والعناوين
ولو حد يعرف سعر تيل الفرامل و فوانيس امامى واللوحة الفيبر الى فى الشنطة من ورا الى واصلة ما بين الفنوسين بكام يبقى عمل معايا الصح
كل حاجة عن الاستارليت هتلقيها فى الموضوع دة
http://www.nilemotors.net/Nile/174564-a-5.html