الموضوع: ازاى الحاجات دى بتشتغل ؟!!!

المشاركة الأصلية كتبت بواسطة abdallahyassin

ربنا يخليكم يا رجاله كيا
انا كنت فقدت الامل ان حد يرد عليا :) بس مش متعود على كده منكم الصراحه

لا يا نورمال هيا عامله 18 كيلو بس هيا عربيه زيرو ان شاءالله

وشكرا جداااااا على الشرح انا كده فهمت شويه الحمدلله

وابو ليلى هيا العربيه 2010 هيا خليجى سعودى من جابر عبد الشهيد وتقسيط من بنك المشرق ( بنك محترم بجد جداااااااا ) واخترته علشان اقل فايده مع المقدم بتاعى
والفئه بقى اللى هيا فيها كل حاجه ماعدا البصمه و 6 سى دى غير كده هيا ان شاءالله فيها كل حاجه
وحتاكد برده من الورق واقولكم ان شاءالله التفاصيل هيا موديل 4/1 عند جابر عبد الشهيد

بس اللون بقى محتار فيه
موجود منها الاسود والسلفر والسماوى

انا كنت فى الاول مقرر اسود وبعدين قولت اجيب بنتجانى كان موجود ساعه ما حجزت بس كنت حجزت اسود دلوقتى مش لاقى البتنجانى

اخلينى فى الاسود ولا اغير ؟؟؟

اه
وفى مندوب حييجى معايا يرخص

وهما عندهم ضمان تربل ايه ... ايه رايكم اشتريه ولا اشترى تكنو وان ؟ انا عارف ان كلكم مع تكنو وان بس مش عارف اقرر بقول اجرب سنه
ياريت تفيدونى لو تعرفو تجربه سواء كويسه او سيئه مع تربل ايه ؟
واشترى منين لو قررت ضمان تكنو وان؟؟

خلى بالك اوى و انت بتشترى من جابر عبد الشهيد .ناس نصابين
باعولى العربيه و هى مغيره فرش الابواب شويه جلد و وواحد قماش
منهم لله استلمت بالليل و الفرق مكنش ملحوظ لان القماش كان نفس لون الجلد و تحبيبته كمان انا عرفته من الملمس فقط
نصيحتى ليك تراجع على كل حاجه كويس عشان متندمش بعد كده
فلى العربيه كوبس اوى جوه و بره و فوق و تحت و خلى بالك تجرب التكيف و الكاسيت
فى مواقع تانيه على النت ان المعرض ده ناصب عليهم و مدلهم عربيات فيها مشاكل. انت بس اعمل سيرش كويس على النت باسم المعرض .و هتلاقى بلاوى
خد بالك و هات واحد فاهم فى السمكره و الدوكو كويس لانهم بيصلحوا العربيات اللى بتتخبط و هى بتتشحن عند واحد فى عين شمس , رهيب ابن اللذينه بيدارى اى حاجه لدرجة انك لو سمكرى ممكن تتخدع فيها.
استخير ربنا و توكل على الله و لو هتستلم منهم يبقى فى النهار ,اوعى تستلم بليل ابدا .