ازاي اشيل الهوا من الراديتير لانة بسخن العربية مساعدة ضروري

**carera** · 17-09-2010 01:16 AM

يا جماعة محتاج مساعدتك ازاي اشيل الهوا الي دخل الرديتير لا بلغط الهوا دخل في الرديتير ازاي اشيلة لان في سخونة مع ان دورة المية تمام و المراوح تمام اشيل الهو ازاي ؟ ارجو الرد سريعا

لكم جزيل الشكر و التقدير

**lancerevolution** · 17-09-2010 04:48 AM

حضرتك هتدور العربية لحد لما تسخن و تفتح القربة سنة صغيرة بسنة صغيرة و بعدين تزود مية لحد لما تبقى مية بس الى بتتقلب فى القربة
هذا و الله أعلم

**haroun707** · 17-09-2010 05:20 AM

المشاركة الأصلية كتبت بواسطة carera

يا جماعة محتاج مساعدتك ازاي اشيل الهوا الي دخل الرديتير لا بلغط الهوا دخل في الرديتير ازاي اشيلة لان في سخونة مع ان دورة المية تمام و المراوح تمام اشيل الهو ازاي ؟ ارجو الرد سريعا

لكم جزيل الشكر و التقدير

بص ياباشا انت لما تبص على الريداتير حتلاقى ليه خرطومين واحد بيدخل المياه البارده من الريداتير للماتور وواحد بيجيب المياه الساخنه من الموتور للريداتير ده اللى حضرتك حتفكه وانت مدور العربيه وتفضل تحط مياه من الريداتير ( بتكون مجهز جنبك كمية مياه كبيرة يعنى سواء بخرطوم مياه او جراكن مياه ) بتفضل تحط مياه لغايه ما تتأكد ان المياه طالعه من الخرطوم المفكوك بأنتظام يعنى مافيهاش اى تقطيع او هوا وبعدين بتربط الخرطوم والمياه خارجة منه بس بسرعه وتكمل الريداتير مياه وكده اقولك الف مبروك الريداتير مافيهوش هواء

وعلشان تتفادى ده يحصل تانى بلاش تخلى المياه تفضى خالص من القربه

**carera** · 17-09-2010 01:54 PM

شكرا ليكو جدا جدا و جاري التنفيذ

**carera** · 17-09-2010 02:04 PM

انهو خرطوم يعني من الي في القربية
؟

**haroun707** · 17-09-2010 09:07 PM

المشاركة الأصلية كتبت بواسطة carera

انهو خرطوم يعني من الي في القربية
؟

لا ياباشا الخرطوم اللى بيرجع المياه السخنه اللى طالعم من الموتور ورايحه للريداتير

**gebreel** · 17-09-2010 09:14 PM

طيب مرة كانت العربية واخدة هواء و بتاع الريدياتير فك اللي داخل على القربة و فضل يحط مية و فضلت تقطع لحد ما بقت منتظمة ركب و زود مياه و الدنيا بقت عادي هل كدة صح ولا انا اللي مختش بالي؟!