الموضوع: الجنوط البومبيه

بعد السلام عليكم
انا ناوى ان شاء الله اغير الجنوط عندى و رغم ان الموجوده سبور و جديده نسبيا الا ان موديل العربيه ان العجل بيكون داخل لجوه جسم السياره لو بصيت من قدام او ورا يعنى الرفارف بارزه عن العجل, علما ان الكاوتش مقاسه 185/70/13 يعنى عريض نسبيا لكن العربيه محتاجه استكمالا للشكل السبور ان العجل يبرز لبره علشان على الاقل يكون فى سوا جسم العربيه
فيه حل انى اغير الجنوط بأخرى من نفس المقاس لكن الى بتكون بومبيه يعنى المسامير بتكون داخله لجوه و حواف الجنط بارزه و ده اتصور يحقق المطلوب من غير ما اغير كاوتش او العب فى العفشه
سؤالى بقى هل هناك اضرار من نوعيه الجنوط دى بأعتبار ان قاعده العجلات بتعرض حوالى 5 سم للخارج عن الجنوط العاديه و لا اتوكل على الله و اجيب
وشكرا

فيه حاجة هتحس بيها اول ما تركب حد معاك ورا ...
أو لو حاطط حاجة تقيلة فى شنطة العربية

هتسمع صوت حكة مع طل مطب ولو صغير
الصاج بتاع الرفرف هيخبط فى الكاوتش
وهتكره الجنوط اللى بوظلك الكاوتش

( ملحوظة : ساعات بيتنوا الحواف بتاع الرفرف عشان يمنعوا الحكة دى )