السلام عليكم
باختصار عاوز اتجوز اعمل اية ؟
ياتري كل شاب بيعرف يتجوز بسهولة ولا !!
ما اقتراحاتكم وارائكم حول هذا الموضوع
عرض للطباعة
السلام عليكم
باختصار عاوز اتجوز اعمل اية ؟
ياتري كل شاب بيعرف يتجوز بسهولة ولا !!
ما اقتراحاتكم وارائكم حول هذا الموضوع
وإنت وحش كده..ماإنت زي الفل أهه
إحمد ربنا على النعمة إلي إنت فيها
بص يا دكتور انا كل يوم اقعد افكر فى الموضوع دة واقول البلد والظروف والدنيا
وارجع واقول الحمد لله
طالما الحمد لله فى رزق معيشنى مستور انا واهلى
ماعنديش اى مشاكل
الحمد لله راضى ربى
تولع الدنيا بعد كدة لان ربنا باذن الله هايتولانى برحمته لولاقدر حصل للبلد حاجة وحشة
دا ربنا قال حتى (ادخلوها بسلام امنين)
سيبها على الله يادكتور وتوكل عليه وان شاء الله عمره ماهيضيمنا ابدا
وبعد كل ظلام فجر ان شاء الله
فاكس جواز .. إبعد عن المخلوقات العجيبة إللى إسمها الإناث ...
هدفها قتل الرجل على المدى البطئ لكى يتعذب و يشعر بأقصى ألم
موضوع جديد و رائع و شيق...يعني في العاده بيكون حد لظرف ما تعرف على إنسانه و يخيل إليه أنه يريد قضاء بقية عمره معها...أو واحد عدى المرحله دي و غلط و عنده شوية ضمير فعاوز يلم الدور و يصلح الغلط....أما الرغبه في الزواج فقط من أجل الزواج فهو لم يثار من قبل..فكره مبتكره فعلا.
بالنسبه للإقتراحات أقترح أن تحاول تهدي نفسك شويه و تركز على توفير السبل الماديه المطلوبه لتحقيق هذا المشروع الإجتماعي "الناجح" مع التركيز على إتمام النصف الأول من دينك لتوفق في إتمام النصف الثاني.
الزواج في حد ذاته مش مشكله فممكن تلاقي إنسانه ترضى بأقل القليل أو بالعدم...المشكله الحقيقيه في كيفية إستمرار الزواج مع شريك يحب شراء الأحذيه و التحدث بكثره و تقلبات مزاجيه تستمر لعشرة أيام كل شهر و تحمل كل هذا مدى الحياة. لكن ده موضوع تاني...
يا جماعه سيبو الراجل في حاله بلاش تعقدوه كفايه احنا
مع اني مش فاهم انت عايز تعرف ايه بالظبط
تـعمل إيه ازاي
تـشوف شغلانه بمرتب يستحمل
تـجيب شقه
تـحوشلك 50 الف جنيه علي الأقل
تـدور علي سعيدة الحظ
تـتجوز
تـصبر وتـحتسب
طبعاً ولا
اهم حاجه اختار واحده تراعي ربنا فيك وتكون بتصلي وتعرف ربنا وتكون على درجه من الجمال ترضيك.... وبص لحماتك وتعاملها مع حماك عشان تعرف الراجل اللى هايجوزك بنته هيبقى راجل ولا....بالنسبه للفلوس استعين بالله ودور على شغلانه تكفيك انت وزوجتك وربنا يكرمك ويرزقك ببنت الحلال اللي تريحك
والله هي سنة الحياة وكلنا عيزين نتجوز (الفطرة السليمة)
بس المهم نتجزو مين
الاختيار
فقال رسول الله صلي الله عليه وسلم (((((فاظفر بذات الدين تربت يداك))))
الزوجة الصالحة التتي تتقي الله فيك وفي مالك وفي عرضك
اما الافلام الهندي الي بنشوفها اليومين دول اصلي بحب وحده من ونا في الدراسة اصلي عارف وحده ووخدين علي بعض وعرفين طباع بعض من زمان وهي محترمة والافلام الهندي ديه بتودي في دهية وبتخرب البيوت
الاساس الي بتختار علية الوزجة
الشكل - العائلة - المال - الخلق
مفيش مانع ان الزوجة يكون فيها كل الصفات ديه مع مراعات ان الاساس في الزواج يكون الخلق والدين (لان تقوي الله والخوف منة هي كل الامان مع شخص لا يعاملك لشخصك ولكن يعاملك بما امر الله به ونهي عنه ولا يراقب الا المولي عز وجل في جميع تصرفاتة وافعالة )
سمعت ولست متاكدا ان الامام الشافعي رحمة الله قال شربنا ماء زمزم من اجل العلم ولو كنت اعلم لشربتة من اجل التقوي
http://www.nilemotors.net/Nile/181236-a.html :3_3_102[1]:
والله هيا عملية صعبة
يعني دلوقتي الواد عندة 22 سنة
دلوقتي فرضنا ان انا مثلا الواد مش هيجهزني باي حااجة
يبقي انا علي الاقل علشان اجهز نفسي من مجاميعة مش عايز اقل من 10 سنين عشان اعرف اتجوز ودة جال الشباب اليومين دول
ربنا معانا
عايز تتجوز بسرعة وبدون مشاكل؟ ادعي ربنا في كل سجدة ليك إن يعجّل بزواجك ويرزقك الزوجة الصالحة اللي تسعدك في دنيتك. والله أنا عملت كده واتجوزت في اخر سنة ليا في الكلية بس كنت بدعي ربنا بالدعاء ده كتير.
Nile motors gave 'Database Error' and reply was posted twice
انا قصدي ان في مواضيع هنا اكيد اتكلمت عن مشكلة الزواج (المادية ) ودي الشقة والفرش وخلافة دي اغلبنا عارفها وحاسسها وانا منهم لاكن انا اقصد ازاي الاقي الي عاوزها ؟ اجيبها منين ؟ ازاي ؟
وبعد كدة نتكلم بقي في موضوع الشغل والفرش والذي منة
مثلا انا فاكر كان في موضوع هنا (تقدر تفتح بيت بكام ) وكان في عضو فاضل هنا كاتب لك تقريبا تفاصيل مصاريف المنزل الشهرية
يعني تقريبا انا عرفت انا محتاج مرتب اد اية في الاول .
وهكذا الي ما شاء الله ................
وانت مالك عايش حياتك كده جواز ايه يابنى ابعدعن الشر بسرعة ارجع عن الفكرة دى بقت مستحيلة اليومين دول
انا رافض الفكرة دى خالص خالص
وتحية كبيرة للدكتور احمد فارما راجل عاقل بجد
انا كاره الجواز اقسم بالله كاره خالص
وكده كده الواحد مالوش نفس لحاجة تانية خلاص انتهى من زمان
ولية تعمل فى نفسك العملة دى
ارجع
ارجع بدل متندم فى وقت مينفعش فية الندم
مش شرط اللى كاره الجواز يكره غيره فيه
ولاحظوا يا جماعه أن معظم الأعضاء من الشباب
ومعظمهم برده مقبل على الجواز أو ناوى على الجواز فى المستقبل ان شاء الله
كفايه تعقيد أرجوكم
وعليكم السلام ورحمة الله و بركاتة
اولا :::ت دور على عمل
ثانيا ::: تصبر على نفسك شوية لحد ما تقدر تكون مبلغ مش شرط كبير س عالقل مبلغ ولو صغير
ثالثا ::: تشوف العروسة المناسبة واهلها طبعا الأول قبل العروسة (اهم صفة فيها انها تعرف ربنا وتتقى الله ويكون عندها رضا باللى فأيدها)
رابعا ::: تتوكل على الله ومتقولش اجيب منين و ازاى ربنا بيفتحلك ابواب رزق كتيرة جدا وتثق فى الله قوى
مفيش حاجة دلوقتى بتتعمل بسهولة مش بس جواز دة كل حاجة ودة مش عليك لوحدك دة مصيرنا كلنا الله يعينا
انت جيت على مشكلة كبيرة....
طبيعة الحياة هنا بتخلى كتير من الشباب و البنات الجاهزين للجواز يتقابلوا بطريقة طبيعية بحكم الظروف بالتالى يختاروا بعض.
بالتالى ظهر اكتر فكرة الحل التانى اللى اسمه جواز الصالونات و اللى باسميه جواز الفترينات اللي مش بحبه لأنه أصطناعى بس بحترمه لأنه أحسن من مفيش.
الموضوع بيتم كالأتى بتعلن للأصدقاء و المعارف انك عايز تتجوز و تحدد المواصفات اللى انت عايزها (أهلها ناس طيبين - تعليم عالى - انا على اد حالى معنديش شقة...ألخ ) أمثلة زي دي.
و بعدين المعارف اللى يعرف واحدة بتنطبق عليها الصفات دي بيقولك عليها و يرتب معاك بالشهامة المصرية و حب الخير انه يكون واسطة بينكم و يتم اللقاء سواء فى بيتهم أو مكان عام مع الأهل.
لو من معارفك ميعرفش حاليا لما بيلاقى فرصة بيفتكرك و يبلغك.
طبعا الموضوع بيكون أسرع كتير لو معارفك كتير و لو هم بيراعوا فعلا أختيار المناسب للأسف كتير المعارف بيقلولك ان عندهم المناسب دون مراعاة لطلباتك اللى انت حاططها. أنا عندي المشكلة دي معارفى قليلين و مليش أقارب هنا بالتالى الموضوع ماشى عندي ببطء شديد.
الأعضاء اللى بيقولوا انت كده أحسن من غير جواز انا أختلف معاكم..لأن كده كده الواحد هيتجوز سواء الأن أو بعدين و معتقدتش ان كلكم ناويين تقضوا العمر كله بدون جواز و اكيد عاجلا أو أجلا هتتجوزوا.انتو بالضبط عاملين زي اللى بيجروه لحبل المشنقة و هو بيقاوم و يزعق بس مفيش فايدة هيتشنق برضه فى الأخر :44:
ماشي ياعم ربنا يكرمك وتجوز بس مانجيش ونلاقيك عاملنا توبك وبتقول ايه اللي انا عملته في نفسي ده مانا كنت عاقل
هو شر لا بد منه .. متقلقش حتي لو انت مش بتفكر فيه هتلاقية بيدور عليك وهيحط عليك انشاء الله متخافش .
ههههههههههههههههه بلاش احسن
الله يمسيك بالخير يابو كمال ههههههههههههههههه
نصيحة من أخ أكبر إختار الزوجة الصالحة وإظفر بذات الدين
وسيبك من اللى تقولك أنا مش مسؤليتى الخدمة وعايزة خدامة تخدمنى فى البيت وطباخ والكلام الفارغ ، أمال بيتجوزوا ليه أصلاً أما هما مش قد المسئولية ( حسبى الله ونعم الوكيل فى اللى بوظ عقول الناس وبعدهم عن تقوى الله ) ، الله يمسى أمهاتنا وأخواتنا بالخير والصحة
ياجماعه الراجل ناوي خير وعايز يستفيد فياريت اللي عنده حاجه تفيده يرد واللي معندوش ميفضلش يقول شر وخنقه وانت مالك كده والكلام ده كله
دي حياه وكل واحد حر فيها ومش معني ان حد بيكره الزواج انه يكره الناس كلها فيه
مش فاهم اللي بيكره الجواز بيكرهه ليه ؟ هل جرب؟ ولا كلام بيتسمع وخلاص
مش يمكن لما ينتوي يتجوز ده يكون دافع ليه انه يشتغل ويجد وربنا يكرمه
علي عكس اللي مقضيها وضاربها صارمه واللي جاي علي قد اللي رايح وممكن يعمل حاجات كتيير غلط
علي الأقل اللي اتجوز ده عمل حاجه انما اللي عايش بطوله عمل ايه؟؟؟
ومالة ياباشا وهيا حاجة وحشة ولا اية
بص انت فركت فى الصح لانك عايز الحلال بتاع ربنا والنى صلى الله علية وسلم قال يَا مَعْشَرَ الشَّبَابِ مَنِ اسْتَطَاعَ مِنْكُمُ البَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ، وَأَحْصَنُ لِلْفَرجِ، وَمَنْ لَمْ يَسْتَطِيعْ فَعَلَيْهِ بِالصَّوْمِ،
يعنى الى قادر على مصاريف البيت يتجوز يعنى لما تقعد كدة ومتتجوزش اكيد الشيطان هايلعب بعقلك لانك عازب ودة خطر بصراحة
والله هو اة الزمن وحش والدنيا وحشة بس انا هاحكيلك قصة :
فية واحد اعرفة حالتة المادية وهو متجوز كانت حالتة المادية مش كويسة للدرجة طبعا اتجوز وخلف وتمام التمام جة بقة عايز مراتة متخلفش تانى عشان الظروف المادية فى الوقت دة والحياة طبعا استخدم اقوى وسائل منع الحمل ويجى فى يوم يفاجىء انة مراتة حامل ازاى متعرفش دية بقة تدبير من الله انة مش احنا الخلق هانمنع الى ربنا عايزة ومهما كانت قوة الوسائل والاسباب ومع ذلك الحياة معاة مش تمام من الجهة المادية بس سبحان الله ربنا سترها وماشية اخر حلاوة ومفيش حد بيجوع ولا اى حاجة
الخلاصة ياخى انت لو تقدر انك تصرف على الانسانة الى هاتتجوزها انا مش هاقولك تاكلوا كباب لا لو تقدر من ناحية عادية خالص والتوسط يبقى على خيرة الله واتجوز
اكيد هتلاقى كتير من المشاركات معارضة الفكرة بتعتك بس دية حياتك وبتوافق دينك وحلال نصيحة منى ادام انتا ربنا ميسرها معاك شوف بنت الحلال الى عندها دين واخلاق وجمال ومتسبهاش واتجوزها وربنا يكرمك ان شاء الله
وياريت تسال الناس الى بتكرة الجوزا لية اسال علاقتهم مع ربنا عاملة ازاى لان ربنا لما يلاقى العبد طائع بيستجيب لة اما بقة لو واحد ولا بيصلى ومقصر فى حق ربنا اظن مش مكسوف وهو بيطلب من ربنا انة يكرمة ولا اية !!!!
الحياة والظروف مش هاتحكم علينا الى احنا عايزينة بالعكس انتا ممكن تلاقى مليون بيشتكوا من الى بيحصل بس فى الاخر بتلاقى كلمة الحمد لله لانة بص لغيرة لقى فعلا ان هو فى نعمة ربنا ادهالة
وربنا لما يدى الانسان الفلوس بيحب انة يرى نعمتة على عبدة
وربنا يكرمك ومتقلقش ومتخليش الشيطان بيلعب بعقلك لانك كدة بالنسبالة صيدة وطبعا انت داخل طريق حلال فلازم
يكرهك فية باى شكل عشان متعملش الحلال وتقع فى الحرام واسال المجرب
توكل على الله وربنا يرزقك بالزوجة الصالحة والذرية الصالحة والرزق الحلال الطيب ويبارك عليكم
بسم الله الرحمن الرحيم(( ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) )) صدق الله العظيم
أكثر من الاستغفار واكثر من الدعاء كما قال الاخوة وان شاء الله ربنا يرزقنا العفة جميعا والزوجة الصالحة والمال والاولاد ويرزقنا الجنة كمان
محدش هيوفقك للى انت محتاجه غير ربنا خليك مع ربنا