زيت توتال 10 الاف الزيت الوحيد صنع فى فرنسا معبا فى مصر

بعد السلام عليكم

زيت توتال 10 الاف الزيت الوحيد صنع فى فرنسا معبا فى مصر

الموضوع باختصار انا طول عمرى بستخدم زيت شل 10 الاف والمره اللى فاتت لقيت زيت توتال ال 10 الاف مكتوب عليه صنع فى فرنسا معبا فى مصر وطبعا بصيت على كل لزيوت سواء شل - موبيل - ايسو - كالتكس
صنع فى مصر المهم استخدمته لقيته ماشاء الله جامد جدا فعلا فى نعوميت الموتور بالزات مع كمان تركيب بوجيهات هيونداى الموضوع اختلف

فهل اكمل عليه ولا ارجع شل وليه

وبرده انا داخل على 30000 كيلو والمفروض اغير زيت الفيتيس اتوماتيك لعربيتى الافيو5 2009
وخايف من زيت ايسو وموبيل وبرده لقيت زيت الفيتيس الاتوماتيك لتوتال نفس الكلام صنع فى فرنسا معبا فى مصر
فهل زيوت توتال كويسه ولا لأ لانى محتاااااار جدا وخايف اعك:rfds:

برجاء الافاده ضرورى جدا

والسلام عليكم ورحمت الله وبركاته

حكاية صنع فى فرنسا تقلقنى مش تبسطنى لية ؟
علشان فرنسا برد و مصر حر فهل الزيت بيستحمل الجو بتاع مصر ؟يعنى مناسب للاجواء المصرية ؟
اما عن زيت الفتيس
المجرب فى المنتدى بالنسبة لقسم شيفورلية ( على حد علمى ) موبيل و امارات مصر والاثنين لم تاتى منهم شكوى
اما عن زيوت توتال انا مجربتهاش و معرفش حد جربها سواء ماتور او فتيس( ولا حتى بنزين) انا مش عايز افتى اذا كانت جيدة ولا لأ
فلو فية حد مجربها ياريت يقول لنا اية الاخبار

انا بستعمل زيت فيسكو 3000 من حوالي سنة و نص
و هو حتى الأن تمام التمام الطبيعي انه بيقعد من 10 إلى 15 كم
بس انا بنزله على 8000 كم او 9000 و بيبقى نازل كويس

اقتباس:

---

المشاركة الأصلية كتبت بواسطة memo823000

بعد السلام عليكم

زيت توتال 10 الاف الزيت الوحيد صنع فى فرنسا معبا فى مصر

الموضوع باختصار انا طول عمرى بستخدم زيت شل 10 الاف والمره اللى فاتت لقيت زيت توتال ال 10 الاف مكتوب عليه صنع فى فرنسا معبا فى مصر وطبعا بصيت على كل لزيوت سواء شل - موبيل - ايسو - كالتكس
صنع فى مصر المهم استخدمته لقيته ماشاء الله جامد جدا فعلا فى نعوميت الموتور بالزات مع كمان تركيب بوجيهات هيونداى الموضوع اختلف

فهل اكمل عليه ولا ارجع شل وليه

وبرده انا داخل على 30000 كيلو والمفروض اغير زيت الفيتيس اتوماتيك لعربيتى الافيو5 2009
وخايف من زيت ايسو وموبيل وبرده لقيت زيت الفيتيس الاتوماتيك لتوتال نفس الكلام صنع فى فرنسا معبا فى مصر
فهل زيوت توتال كويسه ولا لأ لانى محتاااااار جدا وخايف اعك:rfds:

برجاء الافاده ضرورى جدا

والسلام عليكم ورحمت الله وبركاته

---

زيت توتال كوارترز 9000 زيت تخليقي عالي الجوده و ممتاز جدا ، انا حطه و داخل علي 8000 ك لونه مقبول و صوت العربية هادي ... الحقيقة انصح بيه

اقتباس:

---

المشاركة الأصلية كتبت بواسطة dark_smoky

زيت توتال كوارترز 9000 زيت تخليقي عالي الجوده و ممتاز جدا ، انا حطه و داخل علي 8000 ك لونه مقبول و صوت العربية هادي ... الحقيقة انصح بيه

---

انا برده حاطه بقالى 6000 كيلو زماشاء الله سحب وصوت الموتور كويس جدا يعنى اكمل

طب محدش رد عليا فى زيت الفتيس الصناعه الفرنسيه ولا اخلينى فى اللى اعرفه موبيل او ايسو

اقتباس:

---

المشاركة الأصلية كتبت بواسطة أشرف العدوي

انا بستعمل زيت فيسكو 3000 من حوالي سنة و نص
و هو حتى الأن تمام التمام الطبيعي انه بيقعد من 10 إلى 15 كم
بس انا بنزله على 8000 كم او 9000 و بيبقى نازل كويس

---

انا بصراحه خايف من زيت فيسكو حاسس انو رخيص قوى وبصراحه مقلق من فرق السعر يبقى على حساب الجوده مابينه وبين توتال او شيل ال 10000

اقتباس:

---

المشاركة الأصلية كتبت بواسطة memo823000

انا بصراحه خايف من زيت فيسكو حاسس انو رخيص قوى وبصراحه مقلق من فرق السعر يبقى على حساب الجوده مابينه وبين توتال او شيل ال 10000

---

انا كنت مقلق زيك بالظبط
بس قولت أجرب و لو ما نفعش ابقى اعمل فلش و اغير تاني لموبيل
لقيت مختلف تماماً عن موبيل و شل بفكر كبير جداً
صوت الموتور أهدى بكتييييييير جداً بطريقة ملحوظة
مع كثرة الكيلمترات صوت الموتور مش بيعلى عكس موبيل كان صوت الموتور بيعلى بعد اول الف
دلوقتي تقريباً كل صحابي بيستعملوه في نيسان و النترا و لانسر و تويوتا و انا و كلهم مش بيحطوا غيره من ساعة ما استعملوه
يكفي انه مستورد ( فيسكو 3000 انجيلزي معبأ في الامارات )
و كمان في حاجة مش عارف ايه علاقتها بالزيت اداء التكييف تحسن بطريقة ملحوظة
بأمانة الزيت ده يعتبر أنظف زيت في مصر سعراً و أداءً

بص يا باشا عن تجربة رينو مبتستخدمش غير توتال في توكيلاتها و بتنصح بيه و بكل منتجاتها و كلنا عارفين مواتير الرينو و العربيات دي عموما بتبقى حساسة لأي حاجة

الزيت في العربية اللوجان بتاعتي عامل بيه 8300 كيلو و موجود من ساعة ماشتريت العربية يعني داخل على سنة الا شهرين و لازلت لزوجته كويسة و الموتور صوته عادي مفيهوش حاجة و لزوجته لسة كاشف عليه كويسة

و بيستخدموه للموتور و الفتيس كمان

هوه الزيت الفرنساوى دة سعره كام و هوه فعلا فرنساوى بتاع اوربا و لا بتاع فرنسا الصين

انا مجربة في الالنترا و كان كفائة و مجرب الشيل بردة مفيش فروق تذكر

عايزين اخر الموضوع دة ؟
بتستعمل مسحوق غسيل اريال ولا برسيل
يعنى لولا تعدد الازواق لبارة السلع
طبعا هاتقولوا زى ما قلى كريم منير فى مشاركة المهم المواصفات
و كان ردى كالتالى
ان فية ناس ما تبصش فى مواصفات على قدر الراحة النفسية للمنتج
يعنى انا مرتاح مع موبيل سواء ماتور او فتيس جربت شيل ماتور و حسيت انة برجل العربية
على العكس فية ناس جربت شل و قالت عنة انة احسن من موبيل
و قيسوا على كدة كل حاجة
يعنى فى الاخر كل واحد بيختار حسب تجربتة الشخصية و حسب راحتة النفسية للمنتج
فلو فضلنا نكتب 10 سنوات لن نتفق كلنا على منتج واحد
و الكلام دة قاعدة تسويقية سليمة
و الدليل ان لم يتفق مجموعة من الاشخاص على سيارة واحدة ولا كانت الشركات الاخرى قفلت
و انصح باستعمال ما ينصح بة الوكيل حتى لو كان الفنكوش
تقبلو مرورى

والله انا لى راى سواء كان مهم او لا
بالنسبه ل موبيل والله وصدقونى كعادت المصريين الحلوين ان اى حاجه عليها سحب وكبيره ولها سمعه زى موبيل لازم يكون فيها لخبطه انا بغير الزيت مره ا يكون حلو ومره يكون مش ولابد ويتغير بسرعه
واليوم انا حطيت زيت توتال000 10 الفرنساوى اجرب هيكون عامل ايه