صوت شخلله

**mashaly** · 17-09-2010 04:46 AM

السلام عليكم

مش عارف ايه الحكاية بعدماعملت شغل كتير في العربية بتظهرلي حجات تعكنن
المهم فيه صوت شخلله ظهر تقريبا من اسبوعين شاكك انه من العلبه بس انا بسمعه جاي من الجنب اليمين مش من نص العربية ولما بحرك الشكمان جامد عشان الصوت يظهر مابيتطلعش الصوت الا وانا ماشي بطئ لما بزود السرعه مش بسمعه ولا بيطع الصوت وانا واقف بالعربية حتى لو زودت حد عنده معلومة عن الموضوع دا
علما اني بلاحظ السخونة اللي عند فرامل اليد من فتره برضوا ولو طلعت ايدي من الشباك بحس بسخونة جايه من تحت العربيةطبعا الكلام دا وانا واقف في زحمة هو دا طبيعي ولاالسخونه دي جايه من علبة البيئه وهي اللي عاملة القلق دا كلة

حاجة تاني حبيت استفسر عنها القربة الميه فيه بتغلي بعد مابتشتغل بفترة بسيطة كدا الطرمبه عايزه تتغير صح انا قريت كذا موضوع انها المفروض تتغير على 80الف انا العربية ماشية 95 واعتقد انها مااتغيرتش لاني شاريها على 70الف كيلو فيها مشكلة لوخلتها لحد مااغير سير الكاتينه بعد20الف
مافيش مشكلة الحمدلله في حرارة العربية بس حبيت اطمن

**ahmedaliaeg** · 17-09-2010 03:46 PM

انا عندى نفس المشكله تقريبا وبعد المتابعه عرفت انها دشم الفرامل
جرب اخبط على الكاوتش من اعلى بكف ايدك لو سمعت صوت الشخلله طبقه هيه الدشمه

**samirayad** · 17-09-2010 08:14 PM

شيل علبة البيئه أولا

وحط مكانها ماسوره بفلنشتين

وجرب العربيه

ممكن تروح كل ملاحظاتاك

**aymanay32** · 17-09-2010 08:21 PM

غير علبة البيئة بسرعة فيها سدد و بتنفس فى المنطقة اللى تحت فرامل اليد مباشرة و مخليه كبس الموتور ضعيف و بتشخلل معاك لانها متهتكه و فيها حاجات قطع صغيرة واقعة منها بتشخلل و انته ماشى بالراحة تسمعها و لو بتجرى بسرعة مش هتاخد بالك من الصوت الا لو كنت ماشى جنب حيطة قريب منها قوى هتسمع صدى الصوت

و قوللى ايه اخبار السخونة و علبة البيئة انا غيرتها هنا فى شارع زغلول فى الهرم ب70 جنية عند بتوع الشكمان

**mashaly** · 18-09-2010 05:05 AM

المشاركة الأصلية كتبت بواسطة ahmedaliaeg

انا عندى نفس المشكله تقريبا وبعد المتابعه عرفت انها دشم الفرامل
جرب اخبط على الكاوتش من اعلى بكف ايدك لو سمعت صوت الشخلله طبقه هيه الدشمه

ألف شكر للجميع على الاهتمام والرد
فعلا انا النهاردا هزيت العربية من عند الفرده اليمين اللي شاكك انها بتعمل الصوت لقيت الصوت ظهر انا مغير ورا الفرامل سكينه انت قصدك على الدشم السكينه صح ايه الحل طيب
وعندي فيه واير مقطوع ممكن يكون هوا اللي عامل الاقل دا ولا ايه المفروض الواير بتاع فرامل اليد ملهوش علاقة بالسكينه بس الصوت ظهر بعد مااتقطع
الصوت خنيق بصراحة

العلبه شكلها التانيه بتودع بس هصبر عليها شوية لحد ماتجيب الاخر لان سحب العربية لسى كويس هي بس السخونة بدأت تظهر عند فرامل اليد في المشاوير الطويلة بس مش قوي
محدش قلي رأيه في موضوع طلمبة الميه

**ahmedaliaeg** · 18-09-2010 11:53 AM

المشاركة الأصلية كتبت بواسطة mashaly

ألف شكر للجميع على الاهتمام والرد
فعلا انا النهاردا هزيت العربية من عند الفرده اليمين اللي شاكك انها بتعمل الصوت لقيت الصوت ظهر انا مغير ورا الفرامل سكينه انت قصدك على الدشم السكينه صح ايه الحل طيب
وعندي فيه واير مقطوع ممكن يكون هوا اللي عامل الاقل دا ولا ايه المفروض الواير بتاع فرامل اليد ملهوش علاقة بالسكينه بس الصوت ظهر بعد مااتقطع
الصوت خنيق بصراحة:_alshmokh08[1]:
العلبه شكلها التانيه بتودع بس هصبر عليها شوية لحد ماتجيب الاخر لان سحب العربية لسى كويس هي بس السخونة بدأت تظهر عند فرامل اليد في المشاوير الطويلة بس مش قوي
محدش قلي رأيه في موضوع طلمبة الميه

هوه كده غالبا الدشمه فيها بوش وفى حل انك بتخرط علشان تعوض فرق التائكل ياما تجيب دشمه

انا جربت الخرط وقعد معايه 6 شهور ورجعت المشكله تانى وان بدور عليهم جداد
وبرده ممكن تفك الكاوتش وتشوف الدشمه

**mashaly** · 19-09-2010 05:55 AM

الف شكر استاذ احمد على المتابعه
انا من شويا فكيت الفرده اليمين اللي قدام وطلع الصوت منها كأن فيها زلط او حاجه من جوه لما الفردت تتحرك بتعمل الصوت
تقريبا الرمان بيل انتهى وهو اللي كان مزاولني الفتره دي كلها بكره ان شاء الله هروح المكانيكي واقولكم اللي حصل
شكرا للجميع