الموضوع: ارجو المساعدة - الدخول للرجال فقط -

يعني اتضح أنها بائعة هوى وأنها بالفعل كانت "بتصطاد زبون"... وطبعا كل زبائنها متزوجين ... علشان تضمن إنها ماسكه عليهم ذلّله... وفي نفس الوقت مش هيبقوا متفرغين لها على طول فيبقى عندها وقت "تشتغل" مع الكثير من الزبائن في وقت واحد... مُحترفة يعني.
اسمح لي يا أخي الحبيب إذن ..... لماذا صوّرت لنا أن المسألة "مشاعر" وأحاسيس" و"حنية" وهي كما قلت لك في ردي السابق "مجرد غريزة ذكورية حمقاء"....

سبحان الله

اولا:
على قد ما بتحب ابنك و بنتك على قد ما حتقدر تقطع معاها و تشيل من دماغك اي وساخة تانية - متزعلش من طريقتي

لان اي حاجة حرام صغيرة او كبيرة ناحية البنت ديه واي جرح لزوجتك اولادك و بنتك بالذات هيدفعو الثمن

كما تدين تدان - و انت مترضاش ده لبنتك

ثانيا:

احنا لما بنشوف فقرة لساحر و احنا فاهمين ازاي خدعنا بسحره مبتبقاش ممتعة

بالظبط لو انت نلت غرضك منها - مش هاتحس بأي متعة بل بالعكس ممكن تموت نفسك من الندم

هي امرأة لعوب - وياما شفنا رجالة بشنبات طراطير ليهم

زوجتك الله يكون في عونها متظلمهاش - جرب حط نفسك مكانها فعليا اسبوع مش هاتستحمل

بالنسبة لكيفية التخلص من الشيطانة ديه (و رأيي قد لا يعجب البعض):

افضحها في شغلها بحيث تطرد - هاتتلهي و تسيبك
لان في شبان محترمين و بنات شريفات اولا منها مليون مرة

إبحث فى النت و موقع اليوم السابع عن حادثة المذيع إيهاب صلاح و خذ منها عبرة و عظه

المشاركة الأصلية كتبت بواسطة popupp

شكرا لردك وتفاعلك معايا
بس انا مش حديها حاجة غير اللي انا عايز اديهالها
والمشكلة اني مش عارف انهي العلاقة دي لاني انا اللي محتاجها
يا باشا انا محدش بيهتم بيا خالص غير امي
اول مرة احس يعني ايه حنية
انت فاهمني؟؟؟؟؟؟

أنا آسف إنى أقول لك أنها أزمة منتصف العمر و كلنا كرجال مررنا بها و لكن الذكى هو من يعرف متى يتوقف عن التمادى فى الخطأ و يثوب إلى رشده قبل فوات الأوان
إحمد الله على ما أعطاك و تمسك بدينك أكثر حتى يبعد عنك شيطانك

طلع موبايلك دلوقتي وابعت لمراتك رساله حلوه كده وروح شوف البيت هيبقي عامل ازاي بس برده متزعلش لو اتصلت بيك وقلتلك فيه ايه؟.