ارجو المساعدة - الدخول للرجال فقط -

**mohamedbook** · 17-09-2010 08:19 AM

المشاركة الأصلية كتبت بواسطة eslam_wega

انا قولت الكلام دة على اساس تجربة مريت بيها لان القطع بدون كلام مفيش منه فايدة
لانها هتفضل تحول وتحول وتحول ومش هتهدا ابدا غيرك لما توصلك باى طريقة وصدقنى مش هتغلب

لاكن لما يتصل ييها وينهى معها بالطريقة الى قولت عليها دى هيبقا الموضوع اسهل وطبعا لازم بردوا يغير رقم الموبيل ويعمل كل الحاجات اللزمة وبكدا هيكون املها اقل بسبب المكلمة ومش هتحول كتير وهتفقد الامل

ماشي بس ياريت يقدر يعمل كده ويديها كلمتين جمدين اللمشكلة بالكلام المعسول بتعها يرجعلها تاني وبكده يفتح علي نفسة فتحة تاني
زي الي بيشرب مخدرات مش لازم يقول للشخص الي بيبعها اوعي تبعلي تاني ولا انا هشتري منك عشان انا بطلت
مني لنفسي اقطع العلاقة تماما ولا اعتبر لها وجود ولو شفتها معبرهاش ولا اكني اعرفها ولو حولت تكلمني مردش عليها ومفتحش مجال للكلام عشان انت عارف نقطة ضعف الرجال هي الجنس الناعم والنواعم

**زهير فكري** · 17-09-2010 08:20 AM

الحق نفسك يا باشا و ارجع من السكه دي بسرعه , و طالما انك حاولت تكتب و عايز تاخد رأي الناس فهذا مؤشر جيد
يدل علي انك ما زلت تحب بيتك و عايز تحافظ عليه و في امل للاصلاح بس عايز مجهود و اراده منك و من زوجتك عشان يبقي اساس في حياتكوا , بس اهم نقطه و بشدد عليها انك لا تتمادي في هذه العلاقه , لان الصنف( المحترف ) ده ما بيبقاش باكي علي حاجه و ما عندهاش حاجه تخسرها بالعكس انت اللي هتخسر , هتخسر بيتك و ثقه زوجتك فيك , و صورتك هتتهز قدام اولادك , و مش بعيد شغلك كمان , لذلك زي ما الاخوه تفضلوا بالنصح و قالوا غير موبايلك و تخلي عندك العزم انك ما تقابلهاش تاني , هتقدر علي التحدي ؟؟؟؟

**magyver** · 17-09-2010 08:22 AM

انا رايي مع اسلام
وهلي الموقف دة لو كان معلش في الكلمة مع مراتك
كنت هاتعمل اية لو عرفت حااجة زي كدة
ومحدش بيحس بالنعمة الا بعد زوالها لاقدر الله
واكيد الرومانسية قلت شوية بينك وبين مراتك هو اكيد في القلب
بس الواحد مننا لازم يسمع كلام حلو ويحس ان فية حد بيخاف علية ويحسسة بحنيتة
فانت حاول تعمل دة مع مراتك وترجع الايام الحلوة
وزي ماسلام قلك مش عيب انك في ساعة صفا كدة تطلب من مراتك قلها انا بعتبك عليكي مثلا انك مش بتعملي كذا ودة مش عيب خاالص
وافتكر ان ربنا رزقك بولد وبنوتة ربنا يخليهملك ياارب
واخرة المشي مع اللي زي حالاتها دة مش مرغووب فية خاالص ت تنساها خالص
الا قلي صحيح
هيا اية مستواها المادي شوالاجتماعي شغالة اية من عيلة محترمة ولا لا

**eslam_wega** · 17-09-2010 08:30 AM

المشاركة الأصلية كتبت بواسطة mohamedbook

ماشي بس ياريت يقدر يعمل كده ويديها كلمتين جمدين اللمشكلة بالكلام المعسول بتعها يرجعلها تاني وبكده يفتح علي نفسة فتحة تاني
زي الي بيشرب مخدرات مش لازم يقول للشخص الي بيبعها اوعي تبعلي تاني ولا انا هشتري منك عشان انا بطلت
مني لنفسي اقطع العلاقة تماما ولا اعتبر لها وجود ولو شفتها معبرهاش ولا اكني اعرفها ولو حولت تكلمني مردش عليها ومفتحش مجال للكلام عشان انت عارف نقطة ضعف الرجال هي الجنس الناعم والنواعم

معك حق طبعا :عشان كدا لما انا جيت اعمل دة كنت اختى جنمى عشان تقوينى ومتسبنيش اضعف بمعنى ان لازم يبقا حد جنمة وهو بيتكلم المكلمة دى ويكون عارف الموضوع طبعا عشان يقدر يساعدة يا تكون مكلمة مدتها 11 ثانية ودة الحل الافضل فى رايى يعنى يتصل يرزع الكلمتين بسرعة ويقفل فى وشها
بالنسبة للمخدرات تبطلها اسهل لانها مش هتجرى وراك لاكن دى مش هتسيبة غير بطلوع الروح

**smsmxxxxxx** · 17-09-2010 08:56 AM

انا واحد صاحبي حصله زى ما انتا قلت بالضبط وكان ظروفه في بيته زيك بالتمام لانه اتجوز جواز صالونات

انا حزرته فى اول الموضوع زى الاخوة ما قالولك وطبعا مسمعش الكلام

وعمل ناصح وقاللى انا همشي معاها بس علشان اعوض الحرمان العاطفي وهي موافقة على كدة
وملهاش اى رغبات تانية غير انى ابقي معاها ولا عايزة جواز ولا حاجة

مفيش شهر قدرت تخليه هو اللى يقولها اتجوزك عرفي وكان شرطه ان يبقي معاه هو الورق ناصح بقي

بعدها بشهرين كانت المفاجأة الكبيرة قالتله انا حامل واهلي وهعمل ايه واستر عليا والكلام ده

رفض طبعا وسبها ومشي روح لقي اخواتها الاتنين مستنينه تحت البيت وهددوه انهم يقولوا لأهله ومراته

فالزبون طبعا فهم الفخ اللى حزرته منه بس بعد فوات الاوان

في نوعيه من البنات بيبقي عندهم خبرة كبيرة وبتفهم اللى قدامها ناقصه ايه وبتدهوله

فتتحكم فيه وفي الاول تطمنك وهى بتدبسك حبة حبة يا حلو

انا مش هقولك سيبها لاء لازم انتا تقرر دا بنفسك

والله انا صاحبي دلوقت اتخرب بيته البت واهلها مصين دمه

ومش عارف ازاى يقول لمراته وعياله ايه
والعيل اللى فى بطن البنت دى زنبه ايه وهيعيش ازاى

والله حالته تصعب على الكافر واهمل شغله وفى خسارة مستمرة

معلش طولت عليك بس انا حاولت احكيلك حكاية صاحبي دا علشان تستفيد من تجربة سابقة

وربنا معاك

-----------------
محمد سالم

**mikho83** · 17-09-2010 09:37 AM

بص يا باشا أول خطوة تعملها روح قول لمراتك إنك على علاقة بواحدة تانية وشوف هاتعمل إيه؟؟؟؟؟ أعتقد إن حضرتك مش موافقني إنك تقول لمراتك صح؟؟؟؟ ليه؟؟؟؟؟ قلقان لتعملك فضيحة؟؟؟؟؟ ولا ممكن تسيب لك البيت وتروح بيت أهلها وساعتها الفضيحة هاتبقي بجلاجل .صح؟؟؟؟؟؟؟؟؟ خلاص بلاش تقولها قول لمامتك وباباك أو أخوك أو أختك وشوف رد فعلهم إيه؟؟؟؟؟؟؟ متردد صح؟؟؟؟؟؟؟ بس أكيد اللي جواك إنهم هايطلعوك غلطان صح؟؟؟؟؟؟؟ خلاص روح لأقرب الناس ليك من أصحابك شوف رأيه إيه؟؟؟؟؟ أكيد هايخنقك بالكلام ويقولك بيتك ومرتك وأهلك أولى بيك واللي انت بتعمله ده هايخرب البيت صح؟؟؟؟؟؟؟ بص بلاش دول خالص روح لأقرب جامع وشوف شيخ محترم واسأله شوف هايقولك إيه؟؟؟؟ أعتقد الرد معروف.صح؟؟؟؟؟ سيبك من البشر خالص واتجه لرب البشر قوله يا رب أنا على علاقة بواحدة أكمل ولا أسيبها؟؟؟ (أكيد بتقول عليا مجنون) طبعا مش هاتقدر تدعي ربنا لأنك من جواك مقتنع إن علاقتك بيها حرام.
ياباشا كل الناس بتقول إنك غلط ورب الناس قالك قبلهم في القران إن الطريق ده غلط وبردوا لسا مصر إنك تكمل؟؟؟؟!!!!!!!!!
وبالنسبة لمراتك لو كانت مهملة معاك في جانب العاطفة والحب ما تنساش إنها مهتمة جدا بأولادك ومش بتخليك تلبس لبس مش نضيف وبتعملك أحلى أكل، هو ده كله مش دليل حبها ليك بس العيال شاغلينها حبتين؟؟؟ وما تنساش ربنا بيقول " ولا تنسوا الفضل بينكم"
انا اسف للإطالة يا باشا بس عايز أقولك حاجة أخيرة ممكن تكون انت السبب في ضياع الرومانسية من البيت بإنشغالك الكتير أو الروتينية اللي في البيت... حاولوا تخرجوا كل شهر فسحة كده صغيرة تغيروا بيها جو.وآخر نصيحة هاقولهالك حاول بالليل انت وزوجتك تصلوا مع بعض ركعتين لله وشوف النتيجة بعدها مباشرة بخمس دقايق هاتبقي عاملة ازاي...وربنا يكفيك شر البنات الجريئة.

**ams** · 17-09-2010 10:24 AM

اتقى الله
اتقى الله فى نفسك
اتقى الله فى مراتك
اتقى الله فى ابنك
دى بنت رخيصة و رخيصة قوى كمان و لا هتحفظك و لا الكلام اللى بتسمعه منها حقيقى

امتنع عنها تماما
و روح لمراتك و نبهها للحاجات اللى انت محتاجها
و نببها ليها بعقل
يعنى اعمل انت الحاجات اللى انت بتحتاجها
و هى هتتجاوب معاك
يعنى خدلها ورد النهاردة و قولها قد ايه هى مالية عليك حياتك - حتى و لو كدب مش مشكلة
اعزمها برة
خدها لمكان هى عاوزة تروحه
و قولها على اللى انت عاوزة بشياكة مش عيب ابدا ابدا و لا ضعف منك بالعكس تماما
شوية شوية هى هتباددلك السلوكيات الحلوة دى و هتغنيك عن اى واحدة فى الدنيا
و ده طبعا شىء مش سهل بس ربنا هيعينك عليه طالما انت نيتك صافية
ربنا يعزك و يكرمك و يوفقك لما فيها الخير

**mohamedbook** · 17-09-2010 10:34 AM

المشاركة الأصلية كتبت بواسطة eslam_wega

معك حق طبعا :عشان كدا لما انا جيت اعمل دة كنت اختى جنمى عشان تقوينى ومتسبنيش اضعف بمعنى ان لازم يبقا حد جنمة وهو بيتكلم المكلمة دى ويكون عارف الموضوع طبعا عشان يقدر يساعدة يا تكون مكلمة مدتها 11 ثانية ودة الحل الافضل فى رايى يعنى يتصل يرزع الكلمتين بسرعة ويقفل فى وشها
بالنسبة للمخدرات تبطلها اسهل لانها مش هتجرى وراك لاكن دى مش هتسيبة غير بطلوع الروح

والله ياسلام باشا لازم يكون عنده النية والعزيمة لانة يسبها بس هو متعلق بيها وبكلامها وهي هتخليه عامل زي المدمن الي ميقدرش يستغني عنها مع انها بردوا ممكن تخليه يكرها ويكره نفسة ويكرة الستات الي في الدنيا كلها النوع ده عامل زي الحية عايز استاصال المهم ازاي لازم يكون هو مقتنع بكده

**otefa** · 17-09-2010 10:34 AM

بسيطة جدا......................أتجوزها

ياتري عندك أستعداد تتجوز ها!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!

ولا تحمد رينا علي نعمة الزوجة الصالحة والذرية ألي أنعم الله تعالي بهم عليك.

**n_i_t_e** · 17-09-2010 10:45 AM

رأيلا مفيهوش أضافة جديدة للى أخواتى الأعضاء كتبوه...
بس يتهيألى كترة الأراء المتفقة على نفس الشىء ممكن يقويك على نفسك...
انت كتبت الموضوع ده عشان فى صراع بينك و بين نفسك...انت عارف ان ده غلط بس نفسك ساعات بتبررلك (أصل انت اتحرمت من الحب...العاطفة من حق أي واحد...أنا زوجتى مكنتش بحس معاها بالحنان...أنا هكون واخد بالى من تصرفاتها و مش هاسيبها تتمادي)
طيب بس انت عارف ان الموضوع ده غلط..و طالما غلط متنقنعش نفسك انه ممكن يعدي بدون خساير. المشكلة ان نفسنا بتقنعنا أن المشاكل بتحصل لغيرنا و ان بالنسبة لنا الموضوع هيمشى عادي. لأ طالما غلط دوس على نفسك و متكملش فيه.
انت قلت انها طماعة و عايزة و عايزة...يعنى مش عايزاك لشخصك...على كده لو لا قدر الله حصلتلك ضائقة مالية لن تعنيها فى شىء. كمان هى مش هتفضل كده على طول...هى بتلبس الوش ده بس لما تبقى عايزة حاجة.
فكر كمان فى احترامك لنفسك لو ارتبطت فيها فى السر مش هتكون فرحان..لأنك هتكون قاعد قدام مراتك و أطفالك ربنا يحفظهم و انت مكسوف من نفسك حاسس بالذنب و حاسس بالأحتقار من نفسك.
بلاش..طب واحدة زيها جريئة أوي كده...هل تحب انك ترتبط بيها؟ هل تضمن انها محاولتش مع غيرك؟ هل تضمن انها مش هتسيبك بعد كده؟ أفتكرت أغنية لمحمد فؤاد بيقول فيها (بعد ما تتمسكن تتمكن). و معنى انها جريئة انها واخدة عالمشاكل و الشد و الجذب و هتعرف تعمل خناقات بعد كده.
و بعد لما تخلع من الموقف ده ان شاء الله خليه دافع ليك تكلم زوجتك..اما باسلوب الحزن أو باسلوب الضيق (حسب شخصيتها) عن افتقادك للحاجات دي.

الموضوع: ارجو المساعدة - الدخول للرجال فقط -

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

مطلوب سيارة النترا 2007-2010 ارجو الدخول لمن يمكنة المساعدة

سيارة النترا 2007-2010 ارجو الدخول لمن يمكنة المساعدة

ارجو ارجو ارجو المساعدة فى هذا الاختيار وذالك على سبيل الحصر بين هذين السيارتين

الى كل خبراء ال بي ام ارجو الدخول و المساعدة

الكلمات الدلالية لهذا الموضوع

المفضلات

المفضلات

ضوابط المشاركة