لية احنا كرجالة منفسنين اوى منهم كدا

**eslam_wega** · 17-09-2010 07:32 AM

لية كل اما ادخل موضوع القى هجوم جامد كدا على البنات اى نعم بيكون بطريقة هزار بس دة ميمنعش انه حقيقى
هل انت تقدر تستغناء عنها صدقنى لا انسا مستحيل الست اهم حاجة فى حياة اى رجل فى الدنيا وصدقنى مهما تقول او تعمل او تهجم وتعند فى نفسك لازم بيجى وقت وتحس انك ناقصك حاجة او تقدر تقول ناقصك كل حاجة فطلما احنا منقدرش نستغنا عنهم وحياتنا ملهش طعم من غيرهم (طبعا والعكس صحيح ) يبقا لية نهجمهم يعنى لو حد فاتح موضوع بيقول عايز اتجوز نقولة ربنا يفوقك لبنت الحلال مش نفضل نقولة ما انت كدا كويس وجواز اية وبتاع اية لان الى بيقول كدا بيضحك على نفسة
الرسول علية الصلاة والسلام فى معنى حديث ان لو معك فلوس ومش هتكفى غير حاجة واحدة من اتنين زوج او حج بيت الله الحرام
فى الحالة دى الزواج افضل من الحج تخيل انت قيمة الزواج وصلت للدرجة دى وحديث تانى «يَا مَعْشَرَ الشَّبَابِ مَنِ اسْتَطَاعَ مِنْكُمُ البَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ، وَأَحْصَنُ لِلْفَرجِ، وَمَنْ لَمْ يَسْتَطِيعْ فَعَلَيْهِ بِالصَّوْمِ، فَإِنَّهُ لَهُ وَجَاءٌ
يعنى دينا الكريم بيقولنا كدا وطبيعتنا بتقولنا كدا واحنا نسيب كل دة ونفضل نهجم فى المراءة ونهجم فى الجواز ونقول احنا كدا احسن انا كدا باشا و100 فل وشمعة منورة
يا سيدى انت ظروفك صعبة انك تتجوز حاليا قول ربنا يكرمنى واكمل نص دينى
مش تفضل تقول بلا جواز ولا بتاع دة كدا قصر ديل اسف فى اللفظ يعنى دة رقم واحد
رقم اتنين طلما احنا كلنا كدا منقدرش نستغنا عن نصنا التانى يبقا لية بنهجمهم كدا
ايوا ممكن يكون فيهم عيوب ودة طبيعى لاننا كلنا مش ملائكة وطلما هتاخد الحاجة يبقا خدها بالحلو والوحش واحمد ربنا
يا متخدهش خالص بس متعبش فيها
معلش لو طولت عليكم بس دول كانو كلمتين كانت عايز افضفض بيهم لانى مبحبش غير الصراحة

**AirForces** · 17-09-2010 07:39 AM

انا معاك طبعا فى كل اللى قولته
انا شايف انه الهجوم دا بيكون بسبب مبالغة الأهل فى الطلبات وبيعسروا الشباب ويخلوا الحاجة الحلال صعبة المنال
والسبب التانى انه الفساد دلوقتى منتشر اوى والبنات اللى مش كويسة هى اللى ظاهرة اكتر وبالتالى اللى بيتظلم فى الموضوع هو البنات المحترمة لأنه السيئة بتعم
وربنا يعافينا

**magyver** · 17-09-2010 07:47 AM

كلامك صح
بس الجواز اليومين دووووول صعب
غير بقي لما والدك اللي يجهزك وطيب بعد كدة هاتعمل اية
هيا اللي هتصرف علي البيت
فالايام اللي جااية دة هاتبقي من اصعب ايام الواحد هايمر بيها
بس الحمد الله علي كل شئ وربك بيسترها انشاء الله

**elassar2010** · 17-09-2010 10:28 AM

المشاركة الأصلية كتبت بواسطة AirForces

انا معاك طبعا فى كل اللى قولته
انا شايف انه الهجوم دا بيكون بسبب مبالغة الأهل فى الطلبات وبيعسروا الشباب ويخلوا الحاجة الحلال صعبة المنال
والسبب التانى انه الفساد دلوقتى منتشر اوى والبنات اللى مش كويسة هى اللى ظاهرة اكتر وبالتالى اللى بيتظلم فى الموضوع هو البنات المحترمة لأنه السيئة بتعم
وربنا يعافينا

+99999999
هى دى الخلاصة

لما تكون مرتبط بواجدة وعايز الارتباط دة يكون شرعى وتخطبها وتلاقى اهلها منفوخين على الفاضى اكيد هتكرة نفسك لانك هتحس انك عاجز

**n_i_t_e** · 17-09-2010 11:51 AM

بالنسبة لكلام صاحب الموضوع اتفق معاك
بالنسبة لموضوع الجواز و تشدد الأهل انا شايف الموضوع عادي...
انت امكانياتك حاجة معينة...لو أهل العروسة عايزين امكانيات أحسن خلاص مفيش نصيب. موافقين يبقى خير و بركة..لكن هم ليهم شروط معينة أفضل انا ازعل نفسي...هم دماغهم كده..صح أو غلط دي مشكلتهم
الموضوع ده عرض...زي الشغل بالضبط. شركة عاملة عرض بمرتب 1500جنيه و انا عايز 2500 يا أقبل عرضهم و اتنازل و اكون راضى يا ألا مروحش..بس مفضلش أقول لا انا عايز اشتغل و هاخد 2500! هى الشركة دماغها كده...بخيلة...دماغها كده...نعمل ايه؟

**kamalsalem** · 17-09-2010 12:09 PM

هل تعلموا انه موضوع المغالاة بتاع الاهل ده حله ف أوقات كتير بيبقى ف ايد البنت نفسها؟ مش عارف بس ساعات بحس انه البنت ممكن تقول لأهلها انا مش عايزة غير كده.. وده اللي كان بيحصل معايا وانا بتجوز.

كمان في حاجة... لو الولد والبنت اصلاً من مستوى اجتماعي متقارب، مهما الاهل افتروا الولد هيحس انهم بيفتروا في حدود المستوى الاجتماعي بتاعهم.. عمري ما شفت بواب بيطلب لبنته فيلا ف مارينا بس اللي يروح يخطب بنت عضو مجلس شعب يستحمل انه يطلب منه 5 مليون جنيه مهر (حدث بالفعل والجوازة اتفشكلت على كده)... التوافق الاجتماعي اهم من الحب بكتييييييير وانا لو كنت من اول يوم حسيت انه البنت اللي بتعامل معاها فوقي ولو مللي واحد مكنتش سبت العلاقة تستمر... هل انا sexist عشان بقول انه البنت لازم هي اللي تبقى اقل سنة؟ لأ لإني شفت كل العلاقات اللي فيها كانت البنت اعلى فشلت.. ببساطة عشان الرجال قوامون على النساء

موضوع التحامل على البنات ده قصر ديل فعلاً.. يا اما واحد مش عارف يسيطر على العلاقة اللي هو فيها وبالتالي فقد التوازن في العلاقة (ولاحظوا اني قلت توازن مقلتش سيطرة من احد الطرفين) يا اما واحد هدام بيوت وخلاص وصدقوني انا قابلت منهم كتير اللي بيقولولك فاكس جواز و ف اول فرصة تلاقيهم بيعزموك على فرحهم

**grumby78** · 17-09-2010 02:08 PM

عزيزي كل واحد بيتكلم عن المرأه من واقع تجربته الحياتيه
ولاننسى قول الرسول صلى الله عليه وسلم " الدنيا متاع وخير متاعها المرأه الصالحه "

**SeiffoZ** · 17-09-2010 02:49 PM

أنا بكره البنات أساسا

**viper911s** · 17-09-2010 03:31 PM

بص يا اسلام
فى رئى المسئلة المغالاة فى الطلبات بتصعب الجواز وبالتالى بينظر للجواز على انو استنزاف مادى بشكل كبييييييييييييييييييييير جدا للشاب
ثانيا
ان الغلب البنات الى ظاهرة حاليا بنات الخبرة والجرائة بتاعت يلا يا بنتى اصطادى عريس وانتى جاية وللااسف ناس كتير بتختار منهم والمحترمة مش بتقدر تعم كدة وبالتالى مش ظاهرة
بس دة رئى
بالتالى هتلاقى شباب مش طايقة البنات والبنات عايزة تتجوز بس علشان تغيظ اصحابها واهلها يفرحوا انهم جوزا بنتهم بدرى بشطارتهم بقا
دة رئى الشخصى فى الموضوع

**Soma_Sooma** · 17-09-2010 07:05 PM

كلامك صحيح جدا بالنسبة للطرفين فى نفسنة جامدة جدا

بس دة بيكون من تجارب شخصية للطرفين

ودة من الضغوط الموجودة دلوقتى (حكومتنا الجميلة مرتباتنا اللى مكفيانا الحياة الأدمية والنضافة فى الشوارع ....الخ)

مبقاش الموضوع كمان بين الراجل و الست

الموضوع بقى محدش طايق حداصلا كلو مخنوق كلو مضغوط (الناس كلها بتغلى) مصر بقت زى البركان

الموضوع: لية احنا كرجالة منفسنين اوى منهم كدا

LinkBack

أدوات الموضوع

عرض

لية احنا كرجالة منفسنين اوى منهم كدا - انشر الموضوع فى :

-

-

-

-

-

-

-

-

المواضيع المتشابهه

اسوء تجربة شد ! ! مع الهوندا سيفيك ! مش اصحاب الكوري بس اللى منفسنين ! !

اذا كنت منهم او مش منهم ادخل وقول ..........

الكلمات الدلالية لهذا الموضوع

المفضلات

المفضلات

ضوابط المشاركة