مساعدة ضرورية بخصوص الفرامل لانى حاسس انى ماشى من غير فرامل

**drmomoking** · 17-09-2010 09:38 AM

كان عندى صوت خبط فى الفردة الشمال و الميكانيكى قالى ممكن تكون السوستة بتاعة الكالبر المهم فكينا وظبطها طلعت اجرب الصوت راح لكن المفاجاة الفرامل حاسيتها ضعفت وبتمسك بس فى اخر الدواسة الاول مكنتش بتعدى نص الدواسة وبتكلبش العربية فى الارض مع انى داخل الورشة وكان كلة تمام الميكانيكى دلوقتى شاكك فى المستر العمومى انو فوت مع العلم ان لمبة الفرامل مش بتنور بس انا مش عارف هل لو فى عيب فى دايرة الفرامل مش المفروض اللمبة تنور ودة اللى حصل معايا قبل كدة لما كان المستر الشمال بيهرب زيت وقلت للميكانيكى نسحب هوا قاللى لو سحبنا هوا ممكن الدواسة تسقط خالص ويبقى مفيش فرامل قاللى استنى يومين يمكن الدواسة ترفع فانا مش عارف اية العمل ولو العملية فعلا مستر عمومى يكون تمنة كام وانواعة اية وهل جديد ولا استيراد ارجو الافادة

**drmomoking** · 18-09-2010 09:27 AM

اية ياجماعة محدش رد عليا لية فين الوحوش بس عاوز اقول ان العملية بدات تتحسن شوية مع الاستخدام و مشوار البدال قل و استجابةالفرامل اتحسنت كتير وانا مش فاهم ايية اللى بيحصل حد يدلن اعمل اية واشيك على اية او ممكن يكون اية اللى بيحصل وشكرا

**drmomoking** · 18-09-2010 01:11 PM

هوا منتدى الدايو قلب صحراء كدة لية ربنا يرجع وحوش الدايو بالسلامة؟

**ahmed_mido1889** · 18-09-2010 03:26 PM

لمبه فرامل اليد مبتنورش لما الماستر يبوظ بتنور لما الزيت يقل

**lakany** · 18-09-2010 03:36 PM

يمكن بدل اماكن التيل فا التيل عاوز يطبع من جديد استنى يومين و شوف لو فى تحسن ولا لأ

**drmomoking** · 18-09-2010 08:02 PM

الحمد لله فى ناس ردت اهو ابتدت تندع :b4_388: مستنيين راى باقى الاعضاء وهو فعلا الموضوع اتحسن شوية عن اليومين اللى فاتو بس لسا حاسسها مش زى الاول

**mahmoudbadr** · 18-09-2010 08:19 PM

ممكن يكون الميكانيكى بدل التيل و ينتظر شوية لغلية ما يطبع

و ممكن يكون فيه هواء فى الدورة و محتاج إنه يستنزف

و عود نفسك إنك تدوس فرامل على شكل كارجة يعنى تمسك شوية و تسيب و تمسك تانى هتديك أحسن آداء للفرامل

**drmomoking** · 19-09-2010 08:17 AM

المشاركة الأصلية كتبت بواسطة mahmoudbadr

ممكن يكون الميكانيكى بدل التيل و ينتظر شوية لغلية ما يطبع

و ممكن يكون فيه هواء فى الدورة و محتاج إنه يستنزف

و عود نفسك إنك تدوس فرامل على شكل كارجة يعنى تمسك شوية و تسيب و تمسك تانى هتديك أحسن آداء للفرامل

حمد لله على السلامة يا دكتور كلامك جميل بس هوا فك وركب مبدلش حاجة واللى مضايقنى انى قبل نص الدواسة كانت العربية بتكلبش كان مشوار الفرامل قصير يعنى بس انا مش عارف هوا دة الصح ولا اللى بقت علية العربية دلوقت فياريت تفيدنى ولو رقم تليفونك على الخاص اكون شاكر جدا اخوك الصغير د. احمد مصطفى من ملاك وعشاق الجميلة دايو اسبيرو

**drmomoking** · 19-09-2010 12:38 PM

98 مشاهدة وردود اقل من عدد صوابع اليد مع ان المشكلة فى الفرامل يعنى حاجة ممكن تقابلنا كلنا واكيد كلنا هنستفاد بس مش عارف لية الدنيا نايمة كدة

**tarek_2005** · 19-09-2010 01:01 PM

اي فك او تصليح بالفرامل لا تعود الفرامل الي حالتها الاولي الا بعد مشوار طويل مع استخدام متكرر للفرامل او بعد فترة من الاستخدام ودا طبيعي جدا جرب استخدام العربية لفترة اسبوع لو استعمالك خفيف وبعدين احكم علي الفرامل