الموضوع: اغرب كوبري في العالم .. حاجة تعقد

المشاركة الأصلية كتبت بواسطة tutankhamoun

آه ........ ده أنا أتباعت من أول مشوار :D :D
ليه كدا يا رجالة ؟؟؟؟؟؟ .......... مفيش حد يقول اجي معاك .......... أونسك :D
و بالمرة سلومة الأقرع بدل ما يتسلى على واحد يبقى قدامه أكثر من واحد فيقلل الحمل شوية

و مفيش حد قال نجبلك محامي .......... أنتوا ماصدقتوا يارجاله و لا أيه ؟؟؟ :D

انت لها و هذا هو مصير المناضلين الشجعان
اتكل انت على الله
واحنا هندعيلك تخرج قبل الالفية الرابعه:D

أنا بصراحة مش مصدق ومش مستوعب الفكرة بشكل كامل !!
قناة علوية تربط بين قناتين لأغراض ملاحية !!
طب تعالوا نحسبها، الغاطس بتاع السفينة كام متر؟ نقول 4؟ وعرض القناة (تقريباً زي ماهو واضح في الصورة) 30 متر ع الأقل، يبقى حجم المتر الطولي الواحد من القناة 120 متر مكعب تقريباً، وبما أن وزن متر المياه يساوي طن يعني وزن المتر الواحد من مياه هذه القناة العلوية 120 طن !! لسة ماحسبناش وزن الخرسانة ولا الأحمال (اللي هي بواخر وزن الواحدة منها بمحتوياتها مئات الأطنان !!) هندسوها إزاي دي؟؟
طيب، الباخرة هاتطلع المطلع إزاي؟ حسب خاصية الاستطراق المياه ماينفعش تبقى موجودة على مطلع يعني هاتتزحلق على تحت! ممكن يكونوا عاملين أوناش يرفعوا بيها البواخر وبعدين يعملوا هاويس من الناحية التانية بدل المنزل؟ طب لو الكوبري ده رايح جاي يبقى فيه وحدة رفع في اليمين وهاويس في الشمال، ومن الناحية التانية هاويس يمين ووحدة رفع شمال؟
طيب الباخرة لها غاطس وانا شايف إن الكوبري بيمر من تحته بواخر تانية لها ارتفاع، والكوبري مش باين إنه عالي قوي كدة، قصدي إن القناة المفروض يكون لها عمق عشان غاطس الباخرة، والعمق ده مش واضح في الصورة.
أنا بصراحة مش مستوعب فكرة المشروع إنشائياً، أنا مش مهندس إنشائي ومش مستوعب وياريت حد يفهمني، المشروع ده شكله حقيقي والناس كاتبة عنه بيانات دقيقة، بس برضه مش عارف قلبي متوغوش:)
وكل سنة وانتم طيبين