غيرت التيل الامامى والخلفى ولكن !

**hanyaly** · 17-09-2010 11:05 AM

انا معايا صنى موديل 2008 عامله 55000 الف كيلو حصل معايا حاجه مش طبيعيه انه فرامل اليد اصبحت خفيفه وبمجرد الكشف على تيل الفرامل الخلفى وجدته يعنى حاجه بسيطه ويصبح على الحديد مع العلم انى لم اقوم بتغيير اى من التيل الامامى او الخلفى من ان جبت السياره المهم
اشتريت تيل خلفى صناعته ماليزى وقام الميكانيكى بتركيبه وخرط التنابير من الريجه ورجلش على الفرامل وكله تمام اللى بيحصل دلوقتى انى وانا ماشى على السرعات البطيئه عندما ادوس فرامل واطلع تانى بالسياره التيل الخلفى يصفر عند لفه معينه طول ما ان ماشى حتى السياره تاخذ سرعتها على الطريق والجديد اليوميين دول انى بشم رائحه مش عارف اوصفها بس هيه مش ريحه لبتيل ياترى ممكن تكون ايه
ارجو من لديه الخبره ان يعطينى اجابه سريعه
واسف على الاطاله
وشكرا

**mohamed10** · 17-09-2010 11:47 AM

اعتقد افضل حل هو شراء قطع الغيار الاصلية حتى ولو كانت غالية شوية بس صدقنى الغالى تمنه فيه نظرا لطول عمره الافتراضى مقارنة بالبديل والجودة فى الاداء
ارجو منك عدم التعامل مع ميكانيكى يقعد يفتى خصوصا فى موضوع خراطة الطنابير وانت موديل العربية لسه جديد والافضل فى الحالة ديه انك تروح توكيل محترم زى السبع زهراء المعادى يكشفوا على العربية ويحلولك المشكلة باذن الله

**egypt0777** · 17-09-2010 11:55 AM

الحمد لله ان التيل الفبريكة قعد لحد ال 55000

عموما انا بنصح ان الواحد لما يجيب تيل يجيب الاصلى ولو غالى غشان بيقعد فى العربية

عموما الصفاره ده لا تؤثر فى حاجة ده بس ناتجة عن خامات التيل (نحاس) و ريحة الشياط ده برده طبيعى بس لفترة قصيرة فقط عشان التيل لسه بيطبع

**Bishoy.Girgis** · 17-09-2010 12:07 PM

يانهار خرط الطنابير .. ليه كده بس
حضرتك اتعامل مع القطع الاصلية لأنك هتلاقي في السوق مليون ماركة و في الآخر اللي هتوفره في الفلوس هتدفعه اضعاف مضاعفة عشان مركبتش الاصلي من الاول .. زي بالظبط الميكانيكي اللي خرط الطنابير ده .. ده راجل مش بيفهم خالص خالص

**hanyaly** · 17-09-2010 12:08 PM

شكرا لمشاركتكم معى بس مش المفروض ان التيل الامامى يتغير قبل الخلفى اعتقد ان ده الطبيعى
وعلى فكره موضوع خرط الطنابير من ميكانيكى شغال فى توكيل نيسان
وبعدين الصفاره وأنا ماشى فى السرعات البطيئه

**Bishoy.Girgis** · 17-09-2010 02:07 PM

معلش الصفارة ديه هتبطل بعد فترة بسيطة لأن التيل بيطبع مع الطنابير و بعدين يا استاذ هاني هو الميكانيكي هياكل عياله ولا ايه .. ايه يعني انه بيشتغل في توكيل نيسان .. هو كمان عايز يستنفع و يصرف
خلي بالك يا استاذ هاني بعد كده و بعدين استشيرنا هنا الاول في القسم قبل ما تعمل اي حاجه في العربية .. لأن احنا هنا كلنا اخوات و بنخاف علي عربيات بعض

**fady_anis** · 17-09-2010 03:37 PM

خراطه .... ونيسان صنى دى ولا 128
خليك يا استاذى فى قطع الغيار الاصلية حتى لو كانت غالية شويتين

**Ahmed.TV** · 18-09-2010 03:10 PM

ما ممكن يا جماعة بسبب انه مكنش بيغير التيل وفضل حوالى 55 الف كيلو بيه بوظ الطنابير , او الطنابير كان فيها مشكلة من البداية , والله اعلم

فيمكن عشان كدا خرط الطنابير

لكن لو ماشى بانتظام فى تغير التيل وبيجيبه اصلى كمان حيحافظ عليها
ومش حيفكر يخرط الطنابير الا بعد ال100 الف كمان

ورجاء بعد كدا حاول تيجى على روحك وتجيب تيل الفرامل الاصلى لانه مهما كان غالى بيحافظلك على حاجات كتير
اولها سلامتك
تانى حاجة الطنابير
تالت حاجة بيوفرلك كمان حاجات تانية اخرى منها الفلوس بردوا لانك لو جبت الحاجة الغالية تمنها فيها وبتحافظ بيها على قطع اخرى اغلى لانك عارف الطنابير غالية

واقراء الموضوع ده وشوف القطع الغير اصلية بتعمل ايه

http://www.nilemotors.net/Nile/167732-102.html

وتقبل تحياتى

**M.Al-Hefnawy** · 19-09-2010 02:29 PM

قليل جداً إنك تغير التيل على 55 ألف كيلومتر المفروض إنك تبدأ تشوف هايتغير ولا لأ عند 80 ألف كم...

بالنسبة للصفارة بعد التيل الجديد ... لو حاسس إن سحب العربية قليل عن الأول يبقة التيل قافش على الطنابير زيادة شوية وعاوز يتخف.

-

الموضوع: غيرت التيل الامامى والخلفى ولكن !

LinkBack

أدوات الموضوع

عرض

-

-

-

-

المواضيع المتشابهه

مامقياس نفخ الكاتش الامامى والخلفى فى سيارت التيوتا

سعر تيل الفرامل الامامى والخلفى

إختلاف مواصفات الكاوتش الامامى والخلفى

غيرت التيل الامامى انبارح

تجربتى مع الدفع الامامى والخلفى

الكلمات الدلالية لهذا الموضوع

المفضلات

المفضلات

ضوابط المشاركة