تقييم لأداء الصني في مشوار من أسوان للقاهرة

**kabara** · 17-09-2010 12:15 PM

سيارتي ex salon 2010 و سافرت بها من أسوان للقاهرة ذهاب و عودة
1- الأداء :-
السيارة أداءها قوي جدا و تشعر بإمتلاكك محرك جبار و سحبها خرافي و ناعمة فعلا سيارة سفريات طويلة و تعطيك شعور بالثقة
2- الثبات :-
السيارة ثباتها ممتاز جدا جربتها حتي سرعة 180 كم مطمئنة جدا و لا تحس بالسرعة و تعطيك إحساس بالأمان حتي مع السرعات العالية
3- التكييف :-
أداءه روعة بالكاد علي مؤشر 2 يجعلك حقا في ثلاجة
4- إستهلاك البنزين :-
الطريق الطوالي :-
302 كم متر ( 21 لتر ) بدون تكييف علي سرعة من 120 إلي 150 كم
داخل المدينة :-
171 كم ( 20 لتر ) بالتكييف
5- شكل السيارة :-
شكل إنسيابي كلاسيك جميل يعطي إيحاءا كبيرا بالوقار و القوة و الفخامة و الصالون الداخلي جميل إلي حد كبير
6-الإنتشار :-
خلال سفري من أسوان مرورا بجميع المدن حتي القاهرة لاحظت الإنتشار الرهيب للسيارة فبسهولة تكتشف أنها أكثر سيارة منتشرة في فئتها بما يشبه الغزو
7- التوكيل :-
مهما وصفنا و بالغنا لن نوفيه حقه فمعاملة غاية في الرقي و الإحترام و التقدير ( عملت صيانة ال 1000 في السبع بزهراء المعادي )
8- عيوب السيارة :-
من وجهة نظري الشخصية :-
1- إحساسك بخشونة الرصيف و هبد المطبات
2- العفشة ناشفة
3- صوت الموتور عالي و مسموع بدرجة كبيرة بعد تخطي سرعة ال 120 كم
( ثقل الأبواب لم ألمسها في سيارتي و ضيق الكنبة الخلفية غير مؤثر و غير ملموس )

**mohamedbook** · 17-09-2010 12:21 PM

ربنا يباركلك فيها
هي لونها ايه فراني

**kabara** · 17-09-2010 01:57 PM

اللون فيراني
وشكرا للرد

**Bishoy.Girgis** · 17-09-2010 02:04 PM

تقرير رائع رائع رائع و ربنا يديك خيرها علي طول و احب اطمنك ان العفشة مش هتبقي ناشفة كده علي طول
لأنك كل ما تستعمل العربية اكتر هتلاقي العفشة هتنعم اكتر و اكتر و الف الف مبروك علي صيانة الـ 1000

**U600** · 17-09-2010 08:27 PM

ربنا يكرمك و ربنا يباريكلك فيها و فعلا هو دة اليابانى على الطرق الرهيبة دى هى المسافة كام كيلو من هنا لهناك و العربية كانت عاملة كام كيلو و الله لو كنت راكب حاجة المانى كانت هنخزلك على الطرية علشان معروف ان الالمانى بيسخن مش هيستحمل المشوار الرهيب دة

**د.أحمد السعيد** · 17-09-2010 09:10 PM

موضوع جميل و العفشه هتتحسن على 5000 كم

**basemsaeed** · 17-09-2010 11:21 PM

تقرير جميل جدا جدا و ربنا يباركلك فيها و يكفيك شرها

و بالنسبة للاحساس بهبد المطبات,,حضرتك ممكن تحط نيتروجين للكاوتش و حيريح احسن من الهوا و فيه اعضاء كتير جربوا موضوع النيتروجين ده و شكروا فيه

**basemsaeed** · 17-09-2010 11:34 PM

و ياريت بعد اذنك حضرتك تقولى العربية اتوماتيك ولا مانيوال

و شكرا

**egypt0777** · 17-09-2010 11:43 PM

عرض شيق للموضوع

مع انى اختلف جزريا معاك فى العيوب -- ده بالعكس تماما من اهم مميزاتها -- حضرتك لو قارنت العفشة باى عربية تانية حتلقي ان عفشة النيسان ده نعمه وده عن مقرنتى بعربيتى الاولى -- عفشه النيسان نعععععععععععععععععععععععع ععععععععععععععععععععععععع عععععععععععمة من عند ربنا

صوت الماتور عالى عشان سير الكاتينة جنزير وده هو سبب علو صوت الماتور