أسـعار قطع غيار ريـجاتا الاصلية والغير .
السلام عليكم ورحمة الله .
بما انى غيرت كل ما فى السيارة بنسبة 99.9 % اليكم اسعار القطع الاصلية والغير اصلية حتى تاريخ اليوم لكل من يمتلك
الريجاتا : -
بوجيهات (ngk) شمعة واحده : 25 جنيه
فلتر زيت مصرى : 12
فلتر هواء مصرى:13 ابو علبة خضرا وعلية صورة الفلتر مش متذكر اسمة
فلتر بنزين روسى : 5 ج ومكتوب علية مصنوع ف روسيا
سير دينامو اتحاد اوروبى (اللى عليه استيكر ازرق - فيات 2000) : 9 ج
سير كاتينة ايطالى : 40 ج الفيات الاصلي احيانا بلون اصفر واحيانا بلون اخضر هو هو نفسة من نفس الشركة الاصلي
مارش (إستيراد ) :140 جنيه من ام المصريين والحمد لله شغال معايا تمام
بوبينة مارش : 35 ج اسبانى ولا انصح بتغيير بوبينة لانها بتبوظ بعد فترة لانهم عاملينها على ايديهم " بنط بلدي "
دينامو (استيراد ) :140 جنيه ألمانى بكتاوت داخلى اصلي بتاع الريجاتا نفسة ماركة بوش BOUSH
دينامو (جديد صينى) : 150 جنيه
كتاوت دينامو خارجية (بلغاري انضف حاجة ) : 45 جنيه فى ام المصريين او شارع شمبليون
رداتير نحاس2ماسورة :250 جنيه شارع شمبليون .. نسيت اسألة على صناعتة تقريبا مصري والله اعلم
ماسورة شكمان " اللى هي الواصلة بين علبة الشمكان والماتور : 50 ج بالتبس والتركيب وكل حاجة
جوان وش السلندر الدبل فيس :40 جنيه
جوان وش سيلندر العادى : 23 ج ... الافضل تجيب 2 جوان عادى هيعملو 46 ج احسن من الدبل فيس
ومش هيخلي الماتور يسخن عكس الدبل فيس ممكن يسخن الماتور ويعمل مشاكل
بالنسبة لطقم البيلات جبت بتاعة البيجو 504 ام علبة زرقا هى افضل حاجة على تجربة : 35 ج
بلية عجل ايطالى اصلي " لونها اخـــضـــر " : 40 ج .... اللى لونها احمر صيني ورخيصة 15 ج اوعى تجبها ابداَ ابداَ
-----------------------------------------------------
اشياء اخري مختلفة : " اخري "
---------------------------------------------
جوز كبالن صينى : 140 جنية فى التوفيقية
تيل فرامل خلفى تركى :65 جنيه فى التوفيقية
بربريز امامى (دكتور جريش) : 375 جنية بالتركيب
فانوس امامى كامل صينى :75 جنيه فى ام المصريين عند اي محل قطع غيار
وش فانوس امامى زجاج مصرى(الاهرام) :9 جنيه جبتة من عند حافظ بين السرايات ..
فانوس اشارة يمين او شمال : الواحد 15ج الفانوس بالوش باللمبة بالدواية
سلك دبرياج : 30 ج ايطالى اصلي
سلك دبرياج صيني : 15 ج !!! وبيحذرو منة بتوع قطع الغيار
سلك كيلو متر : 30 ج " السلك اللى بين عداد الكيلو متر والفتيس
زيت شيل HX30 متعدد الدرجات عشرين خمسين جميل جدا 63 ج جربت موبيل وان غيرتة بعد 400 ك لانة معجبنيش وحطيت شيل
قاعدة فتيس صيني : 25 ج
قاعدة فتيس ايطالى اصلي : 45 ج
شربون مروحة ريداتير : 25 ج عند " اشرف بوبينة " اللى ف الدقي بعد محل مي مي تقريباَ .. شارع التحرير اسأل على ابو دومة .. معلش اسمة غريب
وأوعـــى تخلي الكهربائى يعملهولك لانة هياخد منك على الاقل : 80 ج او 100 ج واساسا تمن المروحة جديدة ف حدود 100 ج الاصلية يبقى لية تعمل شربون لما ممكن تجيب مروحة كاملة واصلية بالسعر دة الكهربائى بتاعى كان هيعمل الحركة دى معايا والحمد لله خلصت نفسى منة وعملتها وركبتها واتكلفت 25 ج بس ! .. المروحة الصينى ارخص على فكرة مسألتش عليها لانى جايب مروحة ايطالى
-------------------------------------------------
.... اجزاء المحرك الداخلية ....*
طاقم شنبر برازيلى+ الفرش بتاعة = 100 ج من عند " مجدى رامزي " ش ذكى فى التوفيقية روح هناك واسأل على ملك الشنابر علماَ ان سعر نفس الطقم البرازيلي فى ام المصريين 200 ج - 250 ج سألت عند ما لا يقل عن 8 محلات ونفس السعر العالى !! لا تعليق
طقم سبيكة : 100 ج
شنبر : 105
بنوز : 60 ج
أولسية صباب : 15 ج
أولسية كامة : 6 ج
طقم أولسيهات على بعضة : 23 ج
طقم جوانات : 105 ج طقم كامل
طرمبة بنزين جديدة : 85 ج ايطالى اصلي بتاعة 128 .. جبتها مرتين مش عارف بتقطع لية !
طرمبة بنزين صيني : 50 ج لم اجربها
'جلب مقصات : 26 ج .. الطقم الواحد 13 ج .. ودى هتغيرها كتيييير لو العفشة عندك مش مظبوطة
جلبة كوبلن : 40 ج للجلبة الواحدة
اسطوانة دبرياج ريجاتا : 90 ج
كاوتشة ماسورة الشكمان : 4 ج
طقم اقفال ابواب وشنطة وخلافة بالمفاتيح : 70 ج بدون المصنعية
كــونتاك استيراد بمفتاحة : 100 ج
جوانات طرمبة زيت وبنزين : 5 ج
عمل جلب للمارش عند الخراط : 20 ج
عمل جلب اسبراتير عندا لخراط : 20 ج
ابلتين : 13 ج ... كوندنسر : 12 ج الفرنساوي ابو علبة زرقا
بالنسبة للفتيس : -
برميل : 60 ج بالعافية من عند رضــا ش المساحة الدقي " تانى يمين من بعد الاشارة "
طقم غوايش : 50 ج غوشتين بس .. هتحتاج اطقم على حسب الغيارات عندك اللى بتعض او بتخبط
الفتيس بياخد 3 لتر ونص زيت = 40 ج
---------------------------------------------
2 فردة كاوتش تــويــو يابانى اصلي : انضف حاجة واعلى من البريدجيسون والميشلان واغلي 600 ج العجلتين
الطقم 1200 ج ناعم جدا وطري وريح لى العفشة بصراحة .
----------------------------------------------------
بالنسبه للمحلات و اساميها و عناوينها :
فيات 2000 : امام سنترال رمسيس
لهيطه : ش التوفيقية
الباشا : ش التوفيقية قطع غيار فيات
ملك الشنابر : ش ذكى التوفيقية
ام المصريين : " محطة ام المصريين فى المترو " قطع غيار فيات امام المترو مباشرة المحلات اسعارها متقاربة كلها
حافظ : بين السرايات
لاحظ ان معظم محلات قطع الغيار بتبيع الحاجات بأسعار مغالى فيها لثقتهم بأن العميل لا يعلم سعرها الحقيقي ولا يعلم
تاجر الجملة " على سبيل المثال سعر طقم الشنبر البرازيلي " لذا لا تدفع اكثر من الاسعار بالاعلى الا ان كانت نسبة بسيطة عشرة او عشرين ج فقط غير ذلك روح للمحلات دى لان التلكفة هتفرق معاك كتير عن تجربتى مع الريجاتا اللى تعبتنى وغيرت فيها كل ما يتخيلة بشر حتى الكونتاك اتغير الكوالين العفشة ناقص الـ Body علشان تبقى اتغيرت كلها .
