شراء 128 جديدة

**h_hezzah** · 28-05-2007 01:23 AM

واحد صاحبى عايش بالخارج وعايز يجيب 128 جديدة يقضى بيها مشاويره لما ييجى اجازاته
فسألنى، وبصراحة ماعرفتش اجاوبه. بصراحة مش اهتماماتى خالص :?
ياترى لسه فيه منها ولا وقفوا انتاجها زى الشاهين؟
وليها فترة حجز؟ ولو فيه قد ايه؟ والسعر؟

شكرا ليكم.

**حسام كرم** · 28-05-2007 09:23 AM

طبعا يا اخ حازم فى منها موديل 2007 وهى سعرها الرسمى بشركة النصر بدون تكييف بـ 34900 ولكن للاسف هما وقفين الحجز من يوم ما بداءوا انتاجها تانى من حوالى سنتين عشان يبعوها للتجار اللذين يتحكموا فى السعر وبتتباع برة الشركة عند المعارض من 38-42 الف على حسب المعرض ونظام الشراء
وشكرا

**شريف** · 28-05-2007 10:17 AM

ياترى لسه فيه منها ولا وقفوا انتاجها زى الشاهين؟

الشاهين لسه موجودة بس لفترة مش كبيرة

**MOHAMED ABD EL SHAFY** · 28-05-2007 04:40 PM

ممكن يأجر سيارة من معرض ايجار هتكون افضل ليه ممكن لانوس شهر ب 2500 جنية مثلا ولانسر ب 3000 وهكذا
بدل ما يوجع دماغة فى رخصة وخلافة وبعدين يبيعها وهوا مسافر تانى واكييد 1000000 * 100 هيخسر يجى 4 او 5 الاف
يعنى ياجر احسن ليه لو هيحتاجها شهرين مثلا

**KiNgMaX** · 29-05-2007 02:56 PM

لا انصحه تماما بها انا اخويا معاه واحدة والصراحة مش عجبانى خالص
اسوأ حاجة فيها برستيجها المعدوم وبالسعر ده ( 38 الف على الاقل )
خليه يزود حبة ويجيب فيرنا

**ola** · 29-05-2008 03:47 PM

انا بفكر جديا فى شراء 128 الجديده لانها فى حدود امكانياتى و مش عايزه اجيب عربيه مستعمله و عاوزه أعرف بغض النظر عن الشكل العربيه كويسه تتجاب يعنى و لا لا
فى كذا راى بيقول العربيه حلوه و ناس بتقول ابعدو عنها أفيدونى فى الموضوع لانى احترت ضررروررررررى

**Islam_galal** · 29-05-2008 03:51 PM

العربية سيئة و الدليل ان مفيش حد بيشتريها
الماروتي نفس السعر و أفضل
أو عربية استعمال في نفس السعر بحالة جيدة حتبقي افضل كتير

**M_HaFeZ** · 29-05-2008 03:51 PM

انا مع الاخوه برضه بلاش 128 وحرام اوى 38 الف فى تكنولجيا منقرضه وامان ضايع زى العربيه دى
يقدر يدفع المبلغ ده علشان يركبها لو يقدر يجيب لادا بس هيزود شويه او يجيب بالتمن ده تقريبا ماروتى
ولو مش قاعد فتره يأجر زى استاذ محمد ماقال كده احسن له واريح
وهو اكيد لو بره مصر كان راكب حاجه محترمه فبلاش 128 جديده ب 38 الف ويتبهدل هنا فى طرق مصر يبقى خراب من كله

**dr_abooody** · 29-05-2008 04:00 PM

نصيحة لله
ابعد تفكيرك نهائيا عنها
لان العربية معدومة التكنولوجا
لا يوجد لها اي برستيج
الجديد اوحش من القديم
لا يوجد بها اي امان
الفرامل تعبانة جدا
ال hand break معدومة
نظام التعليق تعبان جدا جدا
العفشة ضعيفة اوي ي اوي
الدريكسيون مافيهوش باور
ما فيش تكييف
غالية اوي بالنسبة للأمكانيات بتاعتها
المفروض تتباع ب 10 الاف جنية بس (الجديد) كفاية عليها.
العربية اصلا معايا بس موديل 85
حالتها حلوة اوي بس زي الزفتتتتتتتتت
و كذا مرة كانت هتتقلب بيا
و مرة و انا با خد ملف حاجة في العفشة انكسرت و كانت هتتقلب

نصيحة اشتري ماروتي او زود شوية و هات لادا شكل جديد او شاهين حتى
و ابعد عن الادا الشكل القديم تعتبر فيها نفس المشاكل.
و ممكن تجيب هوندا سيفيك موديل 95 او 94 او 93 مستعملة تكون حالتها كويسة العربية دة تحفة و هتلاقيها ب 40 الف.....

و ربنا يوفق في الأختيار الصح....

**kimo-nubira** · 29-05-2008 04:03 PM

المشاركة الأصلية كتبت بواسطة ola

انا بفكر جديا فى شراء 128 الجديده لانها فى حدود امكانياتى و مش عايزه اجيب عربيه مستعمله و عاوزه أعرف بغض النظر عن الشكل العربيه كويسه تتجاب يعنى و لا لا
فى كذا راى بيقول العربيه حلوه و ناس بتقول ابعدو عنها أفيدونى فى الموضوع لانى احترت ضررروررررررى

نصيحه من اخ وانتي مش حمل بهدله واعطال كتيــــــــــــر ابعدي عن 128 خالص

ممكن تزودي حاجه بسيطه وتركبي ماروتي زيرو بارضو ويبقي علي الاقل اسمك راكبه عربيه ياباني واعطلها قليله .. وربنا يوفقك في اختيارك