الموضوع: قدر الله و ماشاء فعل و حسبى الله و نعم الوكيل

المشاركة الأصلية كتبت بواسطة mo7hamedemad

قدر الله وما شاء فعل يا هيثم
والحمد لله من قبل ومن بعد والحمد لله انها جت على قد كدة

عمدة معلش يا باشا كان نفسى أول موضوع يجمعنا يبقى أحسن من كده بس النصيب

المشاركة الأصلية كتبت بواسطة khpopo

قدر الله ولطف ربنا يجيرك فى مصيبتك ويعوضك ..ان شاء الله ترجع احسن من الاول
ربنا يسترها

أستاذ خالد ربنا يخلى حضرتك

المشاركة الأصلية كتبت بواسطة hugan

الحمد لله
قدر الله وماشاء فعل
قضاءا خف من قضاء
الولد اللي خبط عربيتك عنده 15 سنه
عندنا ولد في الشارع ابوه معلم بتاع كله
بيسوق الباسات والربع نقل الدبابه
الولد ده في 4 اتدائي يعني 10 سنين
وكل مايخبط عربيه ابوه يقول مفيش مشكله ابني يخبط وانا اصلح
قمه الجهل بجد راجل متخلف.

و الله انت خففت عليا بكلامك ده بس على الأقل أبو بيعوض على الرغم إنه لو دفع فلوس الدنيا مش هيعوض لو ابنه دهس روح بدل عربية

المشاركة الأصلية كتبت بواسطة mido_soliman

ربنا يعوض عليك وياخد كل العيال المفترية دى هما واهاليهم

يا رب يا ميدو

المشاركة الأصلية كتبت بواسطة shiko85

طيب مش ممكن لو حضرتك تعرف حد فالمرور يجبلك النمره
مش هى ماركه العربيه و لونها معروفين (دايهاتسو سيريون نبيتى), يبقى فاضل الرقم او الحرف الناقص بس
انا عارف انها صعبه شويه بس مش مستحيله

هى فكرة برده بس تفتكر لما ألاقيه هلاقى العربية لسه مخبوطة و لا هو نفس الولد اللى سايقها أكيد العربية اتصلحت و الولد بيتعاقب دلوقتى و مش هيركبها لمدة أسبوع مثلا و لو قابلت حد من أهله هينكر طبعا ولا كأن حاجة حصلت

المشاركة الأصلية كتبت بواسطة hugan

الكلام ده مش في مصر ان حد يهتم بحادثه

ممكن واحد يخبط حد علي الطريق ويموت ولا بوليس يسال ولانيابه تحقق كله علي الورق واستيفاء

أنا رأيى كده برده

المشاركة الأصلية كتبت بواسطة tarek gen 2

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}

صدق الله العظيم (أفضل تعليق والله)

المشاركة الأصلية كتبت بواسطة أبومريم

معلش يا هيثوم ربنا يعوضك خير بس انا رايي من رأي الزميل اللي كاتب تحت هنا المرور بيجيب باقي الرقم من نوع العربية ولونها

معلش يا محمد أنا عارف إننا بندور فى حلقة مفرغة و مش هنوصل لحاجة فى الآخر يا الله الحمد لله على كل شىء

المشاركة الأصلية كتبت بواسطة ahmedfathy77

قدر الله وما شاء فعل
معلش يا هيثم والحمد لله انها جت على اد كده
نمر الجيزة بتبقى حرفين واربع ارقام وانت من المهندسين فغالبا هتبقى ناقصة رقم واحد مع بقية المواصفات بتاعة العربية ممكن توصله
ربنا معاك يا هيثم وترجع احسن من الاول ان شاء الله نا لسه قارى الموضوع حالا حتى وانت بتكلمنى النهاردة مكنتش قريته
على العموم الف سلامة عليك وترجعلك عروسة تانى

إن شاء الله يا أبو فارس و والله فرحتى بفارس نستنى الموضوع على الرغم من إنى كنت لسه كاتبه

المشاركة الأصلية كتبت بواسطة raul_7

لا حول ولا قوة إلا بالله...معلش يا هيثم منه لله اللي عمل كده...وإن شاء الله ربنا يعوضك خير.

ربنا يخليك يا باشا

المشاركة الأصلية كتبت بواسطة ahmed_h_g

لا حول ولا قوة الا بالله
تتعوضلك خير ان شاء الله

إن شاء الله يا أحمد

المشاركة الأصلية كتبت بواسطة m.almaghraby

معلش يا هيثم ولا يهمك و الحمد لله علي كل شيء ....

محب باشا الحمد لله

المشاركة الأصلية كتبت بواسطة seashark

ماتزعلش نفسك العربية هتتصلح و ترجع زي ما كانت و كويس انها جت علي كده

و بعدين الخبطة دي يمكن شالت عنك حاجة تانية

أكيد ربنا قدر و لطف و الحمد لله على الأقل إنها ما كانتش أكبر من كده

المشاركة الأصلية كتبت بواسطة tweety26980

الحمد لله قضاء اخف من قضاء
اشكر الله

الحمد و الشكر لله

قدر الله وما شاء فعل
ان شاء الله يا هيثم ترجع أحسن من الاول
بس ابقى قولنا عملتها فين وبكام لتعم الفائدة

ان شاء الله حتحصل فيه ولو بعد حيييين

المشاركة الأصلية كتبت بواسطة midosalah

قدر الله وما شاء فعل
ان شاء الله يا هيثم ترجع أحسن من الاول
بس ابقى قولنا عملتها فين وبكام لتعم الفائدة

إن شاء الله يا ميدو أكيد هقولكم على كل حاجة بس هى مبدئيا فى التوكيل لأنى أخاف أعمل أى حاجة بره أخرجها من الضمان فأدينى مستحملهم لحد الضمان ما ينتهى

المشاركة الأصلية كتبت بواسطة darehawk

ان شاء الله حتحصل فيه ولو بعد حيييين

بينى و بين نفسى بتمناها مش عشان هتفرق معايا و لا هتؤيحنى أنا يمكن ما أعرفش أصلا إنها حصلتله بس احتمال يتعظ و ما يأذيش حد تانى

المشاركة الأصلية كتبت بواسطة densfog

قل اللهم اجرنى فى مصيبتو وأخلفنى خيرا منها ..... وفداك أى حاجه ياهيثوم ..... وبأذن الله تكون أخر حاجه وحشه تحصلك ... ( كلام فى سرك كده من غير حد ما يسمع فاكر اللى كان بيحصلى فى العربيه أيام الخطوبه )

(ربنا يخليك يا إسلام طمنتنى الحقيقة و أنا أصلا عامل حسابى على فترة خطوبة طويلة حبيتين يعنى أجهز نفسى من دلوقتى)

قدر الله وما شاء فعل قول الحمد لله