كثر الحديث عن التدخين ورغم كل الفتاوى والنصائح إلا أن الكثيرين يدخنون
عرض للطباعة
كثر الحديث عن التدخين ورغم كل الفتاوى والنصائح إلا أن الكثيرين يدخنون
الحمد لله انا بطلت التدخين من 9 سنوات
في ناس ( الجمهور ) بيقولو انه حرام
وقله بيقولو انه مكروه كراهه تحريمية
وفي كلا الحالتين فهو فعل يغضب الله عز وجل ومش معقول ان الانسان الفقير الي الله والذي لا يستطيع حتي التنفس بدون فضل الله عيه
مش معقول يغضب الله كل نص ساعة ...... بصراحة ده يبقي اسمه جحود
ربنا يتوب علي المدخنين
الحمدلله مش بدخن
بدخن من 7 سنوات علبة مارلبورو ابيض في 3الى5 ايام
و نفس المعدل ده من ساعت ما بدأت
و ممكن عدي عليا ايام من غير ما ادخن
لكنها عملية مزاجية و ليست ادمانية بالنسبة لي
الحمد لله مش بدخن و مش حدخن ان شاء الله
الحمدلله ...مفيش دخان دخل صدري قبل كده...و مش هيدخل ان شاء الله
الحمد لله مش بدخن وربنا بتوب علي كل المدخنين
...................
تم تعديل لفظ الجلاله
الإدارة -3
أنا مشكلتي مشكلة :)
أنا بدخن من أيام ما كنت في المدرسة (ما يوازي ثالثة إعدادي في مصر )
لما كنت في الجامعة بطلت التدخين ٣ شهور ورجعت تاني ومن ساعتها وأنا مش في دماغي موضوع اني أبطل التدخين دة نهائي يمكن بس بأخفف فيه .
يمكن أبطله في المستقبل إذا كان في عمر إن شاء الله .
Thanks
Eng.Sherif Shaker
الحمدلله لا ادخن مطلقا وبكره ريحه دخان السجائر جدااااااااااااا
الحمد لله لأ
هذا الموقع قد يفيد
http://www.whyquit.com
لقد ساعدني كثيرا
لا ادخن والحمد لله
وبكرة ريحة الدخان بكل اشاكلة بطريقة بشعة
وكنت هاسيب شغلي في اكتر من مرة بسبب تدخين مديرني وطالبت بنقلي لمكان اخر
المفتي وجمهور العلماء اجمعوا على حرمانية
وبعض العلماء ذهب الى عدم جواز صلاة من يوجد في جيبة علبة السجائر
لانها محرمة باجماع العلماء
دعوة من كل قلبي يا رب يتوب على كل من مدخن من هذا الداء المهبب
انا عندى حساسيه فى صدرى...وبكره الدخان جدااا
الحمد لله عمري ما دخنت بس انا مدخن سلبي من زمان لأن كل اخواتي مدخنين ربنا يتوب عليهم وعلى كل عبيد السيجارة
تسمحولى اقول تجربتى باختصار شديد
اقلعت عن التدخين تماما من 14 سنه بعد فتره تدخين طويلة وشرهه (3علب)يوميا
ليه بقى ؟ لانه (اى التدخين) كان السبب الرئيسى فى اصابتى بازمة قلبية مازلت اعانى بعض اثارها -وقانا الله واياكم شر المرض--
رجائى وبالذات الى الشباب الصغير ابتعد عن هذة الملعونة المسماة سيجارة فما هى الا حية رقطاء تنفث سمومها فى جسدك ويخيل اليك -من غفلتك - انك سعيد ومستمع
ادخن بمعدل علبه كل يومين تلاته
و جاتلي فتره كنت بشرب شيشه الصبح و سجاير بالليل
و دلوقتي بقلل منها بقدر الامكان
كنت بدخن بقالي 12 سنه والحمدلله بطلت بقالي تقريبا 20 يوم او شهر مش فاكر بس الحمدلله اقدر اقول اني بطلت
انا والدى مدخن شره زده اللى خلانى أكره التدخين جداً ... لأنى شفت الأثار "الوحشيه" للسجاير على صحته ...ومابطقش ريحة سيجاره وبأمنع تدخين اى حد حواليا .... ممكن تعتبرونى كده انتى نيكوتين .... وطلعت اجدع من كريم وفرضت عدم التدخين على مديرينى لما يدخلوا مكتبى .... وربنا يرحمنا ويعفى عن كل المدخنين
والله حاجة تفرح ان اللى مش مدخنين كتير كدة
الحمد لله
لسة فيه امل :)
بفضل الله
عمري ما حطيت سيجارة في بقي :)
بالرغم من إن أبويا الله يرحمه كان مدخن شره جداً
ادعوا معى لمن يدخن بأن يوفقة الله بلاقلاع عن التدخين لانة افة حفظنا الله منها ومن اضرارها
وعلى فكرة من يدعى القول بأنة لا يستطيع الامتناع عن التدخين اقول له استعن بالله وتوكل عليه وانوى الامتناع عن التدخين والله الموفق
لا و ألف لا للتدخين
علي فكرة انا رياضي جدا و مواظب تماما علي الذهاب للجيم
لكن اعتبر نفسي بين البينين لاني مثلا ممكن اشرب شهريا من عشرة الي 15 حجر معسل لان الموضوع مرتبط عندي بالفراغ يعني لما بيكون عندي وقت فاضي شوية او حقابل حد من اصحابي علي الكافيتيريا باخدلي نفسين كده
لاني بصراحة مقدرش اتخيل اقعد علي كافيتيريا و ما اشربش شيشة لان الشيشة هي اللي بتميزها عن اي حاجة تانية في البيت فكل انواع المشروبات متوفرة في البيت الا الشيشة
و طبعا لو متواجد في اي كافيتيريا او في النادي و معايا مازن ابني او مالك بمتنع تماما عن الشيشة بس ببقي قاعد متغاظ قوي
لذلك ان مقل في الجلوس علي الكافيتيريا و دايما صاحبها و القهوجي و صابر بتاع الشيشة زعلانين مني جدا
انما حتة حرمانيتها دي بالنسبة الي انا اشك فيها لاني معتدل جدا و متعبتش بسبب التدخين قبل كده فمتهيألي العلماء حرموها للمدخنين الشرهين اللي صحتهم اتأثرت بالتدخين خالص
و علي فكرة ده كلام الدكتور عبد الرشيد سالم وكيل اول وزارة الاوقاف و كان بييجي في برنامج حديث الروح و الكلام كان بشكل شخصي بيني و بينه و استدل ان الشيخ الشعراوي عليه رحمة الله كان يدخن طيلة 25 سنة و هو شخصيا كان مدخنا الي ان شعر بتأثره صحيا فاقلع عن التدخين
محمد فهمي