عرض للطباعة
السلام عليكم
صحيت امبارح من النوم لقيت عندي الم في رقبتي ومبقدرش احركها وكل ما احركها سلسلة ظهري كلها توجعني ومقدرش احركها ولما اكلم حد او ابص لحد لازم الف بكامل جسمي بس انا لاحظت اني ممكن احركها ناحية اليمين شوية ضغيربن لكن ناحية الشمال بتوجع وظهري كمان بيتوجع
المهم انا امبارح معرفتش انام كل ما انام على ناحية احس بالالم شلت المخده خالص ونمت من غيرها وصحيت انهارده التعب زاد اكتر
ايه سبب الموضوع ده وايه حله
ألف سلامه
ده ياباشا برد دخل على عضلات رقبتك وبالتالي سببلك الآلام ده ومخليك مش عارف تحركها والحاله ده حصلتلي قبل كده وبتحصلنا كتير وغالبا بتبقى خارج من حته دافيه وتتعرض لهوا ساقع
العلاج كالتالي
voltaren emulgel
دهان 3مرات يوميا
multi relax 5mg tab(شريط)
قرص بعد الفطار والعشا
voltaren amp
حقنه واحده بس دلوقتي هتاخدها عضل
ومتخافش الموضوع بسيط جدا وهينتهي بسرعه خد العلاج ده بس وادعيلي..وألف سلامه
الله يسلمكاقتباس:
المشاركة الأصلية كتبت بواسطة fares515
وجزاك الله كل خير
انا هنزل حالا اجيب العلاج ده وربنا يجيب الشفا وجزاك الله خير
بالشفا ان شاء الله وابقى طمنا عليك في اقرب وقت
الحمد لله حسيت براحة بعد الحقنه والدهان لاول مره وانهارده رجعت طبيعي بنسبة 90% بس بحس بغزه كده في العمود الفقري من الاعلى لما بلف رقبتي كامل هل الاعراض دي هتروح مع العلاج ولا عندي مشكلة في العمود الفقري
الف شكرا يابشا وممكن اتعرف على حضرتك اكتر هل حضرتك دكتور ولا ايه ومنين ؟
والف شكر مره اخره وجزاك الله خير
خلى بالك دة مسكن و مضاد للالتهاب و اذا كنت بتتعرض لتكييف فبعد فترة و الاعراض هترجع لك تانى و لذلك ابعد لما تنام عن التكييف و لو فيه مروحة ممكن تلف رقبتك بفوطة طرية و نظيفة قبل النوم
عشان تشرب العرق فى المنطقة دى و متبردش
اقتباس:
المشاركة الأصلية كتبت بواسطة aymanay32
الف شكر ياباشا على نصايحك الغالية دي وجزاك الله خير
انا من يوم مارمضان خلص حسيت الجو اتزبط شوية بطلت انام في التكييف وبشغل المروحة على ااقل سرعة
امبارح لفيت رقبتي بفانلة قطن ونمت وعرقت وصحيت حسيت نفسي رايق شوية
اخي العزيزاقتباس:
المشاركة الأصلية كتبت بواسطة hemalotfy
سلامتك الف سلامه
متقلقش زي ماقالك الاخ العزيز عالعلاج وكل حاجه هترجع تمام
لكن الحكابه الاهم انك تمنع حدوثها مجددا
وده بكلام اخونا ايمن
متنمش في التكييف وهوا موجه عليك مباشرة خصوصا لو انتا من اللي بيعرقوا جامد بالليل
ولا المروحه بردو
وسلامتك مره تانيه....
تحياتي
االه يسلمك من كل سوء وان شاء الله احافظ على نفسي اكتر من كده وربنا يعافينااقتباس:
المشاركة الأصلية كتبت بواسطة hm414
انا في كليه صيدله وعندي خبره من الدراسه وكثره الاحتكاك بالحالات ده في الصيدليه..والأعراض هتزول بالتدريج وان شاء الله خلال أيام بسيطه هتختفي نهائيا بس امش عالعلاج والوقايه والفكره كلها في تجنب التعرض لتيارات هوائيه بارده وانت جسمك دافي زي التعرض للتكييف وانت عرقان او التعرض لهوا بارد بعد شاور ساخن وهكذا..والف سلامه