افيدوني جزاكم الله خيرا في فيات 128

**Eiover** · 17-09-2010 04:25 PM

بسم الله الرحمن الرحيم

دي مش اول مره الجأ ليكم وده اللي بيطمعني في شهامتكم علطول...وعشان مطولش عليكو في مقدمات طويله ...انا معايا مبلغ ومحتار اجيب 128 ولا ستروين ax ...ناس كتير خوفوني ان الستروين مش كويسه اللهم التكييف لكن ال 128 تكسب حتى ولو موديل قديم لان معظمها هيبقى اتغير بعكس الستروين اللي موديلاتها وقفت في التسعينيات...انا عارف ان هنا مش مجال للمقارنه بس انتو عاشرتو ال 128 واكيد عندكو خلفيه عن الستروين فيا ريت لو تقارنولي مبينهم واحتياجي للعربيه بيرشحلي حجمهم الاتنين عادي ومسافه 40- 60 كيلو يوميا وطرق نصف مستويه نصف ممهده...

جزاكم الله خيرا وفتح عليكم من ابواب رزقه

**yoko** · 17-09-2010 04:40 PM

بص السيتروين ممكن تكون كعربيه احسن شويه لكن مش عمليه في مصر خالص يعني هيطلع عينك علشان تلاقيلها قطعة غيار بعكس ال128 لو سألت أي عيل تايه في الشارع هتلاقيه عارف محل لقطع غيار ال128
بس أهم حاجة في ال128 تتأكد غن الشاسيه سليم

**yoko** · 17-09-2010 06:10 PM

المشاركة الأصلية كتبت بواسطة eiover

جزاك الله عني كل خير يا yoko بجد كلامك ريحني ولو مجرد بدايه طريق اني اقرر
ربنا يفتحها عليك ويصونك وينور طريقك ويبعد عنك كل شر

انا قدامي 128 موديل 76 مرفوعه 15 سنه فابريكه بالكامل من جوه وحاله الشاسيه كويسه جددا بس متهيألي انه طالب رقم عبيط شويه بالنسبه للموديل 15 الف وبيتحجج انها مرفوعه ولسه شاددها غير بقى انه راششها وكاوتشات وجنوط جديده فيا ترى تتمن كام العربيه دي؟؟ انا متخوف من سعرها لاني باصص يعني لاعاده البيع بعد كده...يا ريت لو همسه رقيقه منكم تساعدني زي الاستاذ yoko مخد بايدي ربنا يجازيه عني وعنكم كل خير

15 كتير قوي على 76 وبلاش عربيه مرفوعة عشان هتحتاج بتاع 1000 جنيه تغير كل الخراطيم الكاوتش وكل حاجة كاوتش جوه العربيه عشان لو مرفوعة (فيه ناس بتقول مرفوعة عشان تغلي التمن وبتكون العربيه مدعوكة شغل) الكاوتش ده كله بينشف وبيعمل مشاكل بعد كده

**moamen_mo3gza** · 20-09-2010 11:50 PM

بص الستروين كويسه جدا وفيها تكيف مبدئيا احسن من 128 ك عربيه لكن ك صيانه وقطع غيار 128 هتلقيها فى اى مكان وبارخص الاسعار بس اهم حاجة اتاكد ان العفشه سليمه القوايم والشاسيه ومتكونش عامله حوادث ربنا يكفينا شر الحوادث وربنا يوفكك واى حاجة عايز تستفسر عنها انا معاك

**yoko** · 20-09-2010 11:53 PM

المشاركة الأصلية كتبت بواسطة memo823000

طيب ازاى اتاكد من الشاسية انا جبت عربية ومحتاج اعرف التفاصيل دى ولو الشاسة لاقدر الله فيه حاجة ايه العمل و مسن اللى ممكن يفيدنى فى الموضوع ده ميكيانيكى ولا سمكرى

لازم سمكري يكشف عليها

**yoko** · 21-09-2010 12:55 AM

المشاركة الأصلية كتبت بواسطة memo823000

طيب ازاى اتاكد من الشاسية انا جبت عربية ومحتاج اعرف التفاصيل دى ولو الشاسة لاقدر الله فيه حاجة ايه العمل و مسن اللى ممكن يفيدنى فى الموضوع ده ميكيانيكى ولا سمكرى

المشاركة الأصلية كتبت بواسطة i_am_legend

بلاش دى ولا دى_ارشق فى 127_او زود شوية وهات ريتمو ريجاتا.وابقى ادعيلى_بلاش 128 بلااااش.ولو مصمم قوى_هاتها ايطالى سبعينات_بلاش بتاعة شركة النصر_والمعدل_علشان شاسيها ضعيف ومعوقة.

هو جابها خلاص وعندك حق في موضوع الشاسيه أنا الي معايا إيطالي عامله 4 حوادث جمدين زأول مره تفتح شاسيه من سنة يعني بعد أكتر من 30 سنة خدمة