عن امتلاك الزوجه سياره خاصه اتحدث

**esam_comm** · 17-09-2010 04:30 PM

السلام عليكم ورحمة الله وبركاته
طبعا الموضوع باين من عنوانه بس كنت عايز اعرف بمناسبه دخول المدارس هل افضل ان الواحد يجيب لزوجته سياره لتوصيل الاولاد وقضاء حاجات المنزل
ولا يبقي الواحد فتح علي نفسه طاقه جهنم وكل يوم مشكله وحوار وتعالي الحقني خبط واحد وتعالي الحقني العربيه مش عايزه تشتغل
والحوارات اللي كلكم عارفينها دي
بجد عايز اراكم وبالذات الناس اللي مجربه الموضوع ده

hh · 17-09-2010 04:36 PM

يص حضرتك لو الزوج يقدر يجيب عربية ترحمها من البهدلة هي و أولاده طبعا يبقى أفضل. بس في نفس الوقت لو هو حيضطر يجيب حاجة مستعملة لازم يبقى عامل حسابه انه ايده تبقى فيها على طول من صيانة و أهتمام عشان ما تحتاسش بيها لو عطلت لا قدر الله.

**shiko85** · 17-09-2010 04:41 PM

لو الزوج قادر انه يجيب عربيه لزوجته يبقى يشترى علشان يرحمها من البهدله و من السخافات, و كمان من باب التوسعه على اهل بيته

**mahamedaraby** · 17-09-2010 04:47 PM

راى ان اى اربع بيبان للست ارحم ميت مره من اى موصله لو تاكسى اتوبيس او ميكروباص

وكمان لو فيه اطفال فى مدارس هتبقى احسن من قسط الباص

هى من الاخر صفقه رابحه راى

**shiko85** · 17-09-2010 04:48 PM

المشاركة الأصلية كتبت بواسطة esam_comm

ولا يبقي الواحد فتح علي نفسه طاقه جهنم:pointiy2[2]: وكل يوم مشكله وحوار وتعالي الحقني خبطت واحد وتعالي الحقني العربيه مش عايزه تشتغل

الحواث ده قدر, و حضرتك المفروض تجيب عربيه محترمه سليمه علشان تريحها و تريح نفسك كمان و كفايه انها تتعلم السواقه و بلاش تخليها تتعلم الميكانيكا و الكهرباء و صيانه السياره

و ان شاء الله لما ربنا يكرمك تجيبلها عربيه جديده

**remomemo** · 17-09-2010 05:30 PM

انا شايفة ان حضرتك هاتستفيد عن تجربة انا ريحت بابا كتييييييييييير من مشاوير كان بيضطر ينزل اكتر من مرة عشان ماما وعشانى بعد ما سقت

**evram** · 17-09-2010 06:23 PM

معظم الستات خوافه و ملهاش حاجه يف السواقه هما جزي خواف جدا و جزء جري جدا جدا و انا شايف لو تقدر تجيب لمراتك عربيه هاتهله و ارحمه من قلت ادب الشعب المصري في الموصلات

**medo_2060** · 17-09-2010 06:37 PM

لو خوافه من السواقه قوى يبقى بلاش هتقلق من اى مشوار دا غير انها لاقدر الله ممكن تخبط حد... لكن لو شايف انها هتتمكن شويه بشويه وعلى الاقل متخافش بزياده زى اغلب الستات يبقى تجيبلها عربيه وخصوصا لو ربنا موسع عليك وكدا هتريحها برضه وكذلك اولادك

**M!SHO** · 17-09-2010 06:42 PM

لو فى امكانيه لعربيه تانيه يبقى مفيش مشكله

بالعكس أنا شايف أن العربيه ضروريه للست أكتر من الراجل

بس الله يخليك أتأكد من سواقتها الأول

-

الموضوع: عن امتلاك الزوجه سياره خاصه اتحدث

LinkBack

أدوات الموضوع

عرض

-

-

-

-

المواضيع المتشابهه

الزوجه الثانية .... موضوع للنقاش

منع الزوجه من زياره زويها

سياره فيات تيبو موديل 93 للبيع حاله جيده لظروف خاصه جدا.............

دى الزوجه ولاّبلاش

الفرق بين الزوجه ونجوم اف ام !!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة