انا حاسس انها ايام واموت من اللى بيحصل فيها !!

**نور القمر** · 17-09-2010 07:41 PM

شافاك الله وعافاك

**A7MED_PHARMA** · 17-09-2010 07:52 PM

زي ما أحمد بيه كمال قالك

إياك والإهمال في الضغط...الضغط مرض قاتل

وياريت لو عاوز تعيش أحسن...شوف مكان بره المدن
وكده هتحل نص المشاكل إلي ممكن تعلي الضغط عندك

**dr-mohamed** · 17-09-2010 08:07 PM

يا راجل حرام عليك اتقي الله بقة عايز تموت علشان ضغط وصداع
ربنا يشفيك يا رب
اخوك سكر وضغط
ومهمل زيك فيهم
بس بتمني ربنا يطول في عمري لما افرح بولادي
الحياة حلوة بس بطل التشاؤم ده وابدا العلاج وانا ان شاء الله اول ما ارجع من السفر هبدا اظبط نفسي شوية انا كمان
وابقي طمني عليك حتي لو برسالة في الخاص

**FrozenFire** · 17-09-2010 08:36 PM

أنا عايز اقول لك على حاجة بس ما تزعلشي مني
أنا طبيب أسنان وساعات بسمع كلمة ما بقدرشي أنتظم على علاج ، وبسمعها كتير من عيانين السكر والضغط
ولكن
يعني إيه ما بقدرشي أنتظم، ده إسمه إستهبال وجهل.
آسف على الكلام بتاعي
بس بجد بتنرفز لما بسمع الكلمة دي، هو الدكتور حيتحايل على العيان عشان ينتظم في الضغط. أنا حاسس إن الدكتور هو اللي حيخف لو العيان إنتظم في العلاج.
إنت حر، إنتظمت ما إنتظمتش إنت حر، بس ما تجيش تشتكي بقى وتقول حاسس بصداع وتحكي عن جارك اللي مات.
طبعا أسأل الله العلي القدير أن يشفيك شفاء لا يغادر سقما وأن يفيض عليك من فيض إسمه الشافي.
بس حيحاسبك ربنا على إهمالك في حق نفسك. إنت عارف إن إهمالك في العلاج ده غلط ومع ذلك بتهمل. زيك بالظبط زي اللي بيدخن وهو عارف إن التدخين بيضره.
سؤال واحد بس، ليه ما بتنتظمشي في العلاج؟ إسأل نفسك السؤال ده وحاول تحل المشكلة دي، عشان محدش حينفع أولادك ولا بيتك لو حصلك حاجة لا قدر الله بسبب إهمالك في نفسك.
ولو كان إنشغالك بأولادك ومصلحتهم ومشاكلهم هو الي مخليك مهمل في نفسك، يبقى المنظق بيقول إني لازم أدي نفسي على الأقل نص ساعة أراعي فيها نفسي عشان أقدر بقية اليوم أراعيهم.....
وأسأل الله مرة أخرى بحق إسمه الشافي أن يشفيك ويعافيك من كل مرض
والسلام ختام

**m_car** · 17-09-2010 09:47 PM

المشاركة الأصلية كتبت بواسطة نور القمر

شافاك الله وعافاك

ربنا يخليكى يارب وشكرا جدا على الدعاء

المشاركة الأصلية كتبت بواسطة dr-mohamed

يا راجل حرام عليك اتقي الله بقة عايز تموت علشان ضغط وصداع
ربنا يشفيك يا رب
اخوك سكر وضغط
ومهمل زيك فيهم
بس بتمني ربنا يطول في عمري لما افرح بولادي
الحياة حلوة بس بطل التشاؤم ده وابدا العلاج وانا ان شاء الله اول ما ارجع من السفر هبدا اظبط نفسي شوية انا كمان
وابقي طمني عليك حتي لو برسالة في الخاص

والله ياباشا انا مش بقول اموت او بتمنى الموت بس انا بجد بحسد كل واحد متوفى بحس انه رايح لعالم الصح والحق وانا مش بتمنى الموت بس اكيد الموت ياتى فجاة ودى حاجة بتعجل بيه بسرعة
ربنا يخليك ياباشا

المشاركة الأصلية كتبت بواسطة ahmed88hassan

ربنا معاك
وبلاش تفكر في موضوع الموت ده
فكر في ان ده اختبار لقوة تحملك وايمانك بربنا
واسعي انك تنجح

والله فكرة الموت دى مسيطرة عليا وحتى احلامى وكان فى موضوع ليا قديم عن الموضوع ده انى بحلم كتير انى بموت وساعات كتير وانا ماشى بلاقى هاتف يقولى انت لو ركتب العربية دى وسافرت هتموت وتعمل حادثة

المشاركة الأصلية كتبت بواسطة frozenfire

أنا عايز اقول لك على حاجة بس ما تزعلشي مني
أنا طبيب أسنان وساعات بسمع كلمة ما بقدرشي أنتظم على علاج ، وبسمعها كتير من عيانين السكر والضغط
ولكن
يعني إيه ما بقدرشي أنتظم، ده إسمه إستهبال وجهل.
آسف على الكلام بتاعي
بس بجد بتنرفز لما بسمع الكلمة دي، هو الدكتور حيتحايل على العيان عشان ينتظم في الضغط. أنا حاسس إن الدكتور هو اللي حيخف لو العيان إنتظم في العلاج.
إنت حر، إنتظمت ما إنتظمتش إنت حر، بس ما تجيش تشتكي بقى وتقول حاسس بصداع وتحكي عن جارك اللي مات.
طبعا أسأل الله العلي القدير أن يشفيك شفاء لا يغادر سقما وأن يفيض عليك من فيض إسمه الشافي.
بس حيحاسبك ربنا على إهمالك في حق نفسك. إنت عارف إن إهمالك في العلاج ده غلط ومع ذلك بتهمل. زيك بالظبط زي اللي بيدخن وهو عارف إن التدخين بيضره.
سؤال واحد بس، ليه ما بتنتظمشي في العلاج؟ إسأل نفسك السؤال ده وحاول تحل المشكلة دي، عشان محدش حينفع أولادك ولا بيتك لو حصلك حاجة لا قدر الله بسبب إهمالك في نفسك.
ولو كان إنشغالك بأولادك ومصلحتهم ومشاكلهم هو الي مخليك مهمل في نفسك، يبقى المنظق بيقول إني لازم أدي نفسي على الأقل نص ساعة أراعي فيها نفسي عشان أقدر بقية اليوم أراعيهم.....
وأسأل الله مرة أخرى بحق إسمه الشافي أن يشفيك ويعافيك من كل مرض
والسلام ختام

كلامك صح مليون المية وعارف انى غلطان كتير فى حقى وانا على فكرة اعزب مش متزوج

وربنا يخليك على نصائحك وربنا يخليك يارب ويكرمك يادكتور