انا حاسس انها ايام واموت من اللى بيحصل فيها !!
انا حاسس انى هموت وبجد نفسى اموت لان حاسس ده هيبقى احسن
انا مريض بالضغط عالى جداااااااا وكنت بتمرد عليه كتير ومش مهتم اوى وظلمت نفسى كتير فى الاكل طبعا وده سبب رئيسى فى هذا المرض اللعين
وطبعا اكل امى الرهييييييييييييييب جدااااااا وطعمه رهيب هيموتنى قريب اكيد
ضغطى وصل لحد 160 رقم كبير اوى اوى اوى
وانهارده يوم الجمعة قمت من النوم طبيعى وعادى وكويس اوى وفجاة الاقى صداع رهييييب وعنيا الشمال فيها نغز جامد اوى اوى
طبعا اخدت حباية صداع ووصلت لمرحلة بردة ان حباية واحد مش بتعمل حاجة معايا لازم حبيتين للاسف الشديد
وطبعا الصداع مرحش اوى بس بدا يقل يقل شوية ورحت صليت بالعافية وانا بدعى من ربنا الشفا
لكن انا تعبت بجد لان لسه واحد جارى توفى وهو ماشى فى الشارع لانه من اصحاب الضغط العالى وضغط ارتفع مرة واحدة وحصلت جلطة ومات وهو اب لاطفال ابرياء
انا عارف انى ظالم نفسى كتييير اوى بس انا من النوع العصبى اوى وده بيأثر جدا على الضغط
ونفسى انتظم فى لعب الرياضة اوى لانى لما كنت بنتظم كنت بحس انى طاير فى الهوا وريشة وخفيف وطبيعى
قررت انى اورح بكرة اعمل تحاليل دم وكبد وانزيمات ودهون لانى لازم ابدا حاجة جديدة ياما اموت وانا كده كده ماليش حاجة ابكى عليا لا زوجة ولا اولاد الا اب وام واخوات
انا بكتب الموضوع ده وانا دماغى فيها شواكيش وناس ماشية بتجرى عاملة صداع وتقل رهيب
على فكرة انا اخويا دكتور ومتابع معاه فى الضغظ طبعا بس المشكلة انه مرض وراثى والدى كده ووالدتى
ربنا يكرمنا كلنا ونشفى من الامراض ويشفى كل المسلمين ؟
سؤال صغير انا نفسى اجيب ماشية رياضية اللى هى فيها مشى _ وحزام كهربا اللى بيتلف للوسط _ وقرص دوار علشان تقف عليه وتلف نفسك يمين وشمال
عاوز اعرف بكام ؟
وشكرا ليكم واقابلكم تانى وانا كويس وفى صحة جيدة
احسن تلاقوا بعد كده ادعوا للمغفور له