بسم الله الرحمن الرحيم
انا شوفت على النت العربية bmw m3 E46 2001_2003 وعجبتنى جدا فلو ممكن مساعدة لو عايز العربية اجبها منين فى مصر و بالنسبة لنظام الاستيراد اية قصتة بالضبط ولكم منى جزيل الشكر
عرض للطباعة
بسم الله الرحمن الرحيم
انا شوفت على النت العربية bmw m3 E46 2001_2003 وعجبتنى جدا فلو ممكن مساعدة لو عايز العربية اجبها منين فى مصر و بالنسبة لنظام الاستيراد اية قصتة بالضبط ولكم منى جزيل الشكر
السلام عليكم! اولا فيه شىء للتوضيح لك السيارة ال e46 1999 - 2001 لها شكل مختلف عن ال e46 2002 - 2006 التغيير فى الشكل الخارجى للسيارة فى شكل الفوانيس و الجنوط و إمكانية وجود فتحة سقف و طبعا إذا كنت بتتحدث عن سيارة 318 عاديه فى فروق فى المحركات و الأمكانيات المزوده بها السياره. E46 1999 - 2001 لا يوجد بها فتحة سقف, e46 1999 - 2000 الفتيس الأتوماتيك, e46 أخر 2000 - 2001 فتيس الأستيبترونيك, e46 2002 - 2006 الفتيس الأستيبترونيك, e46 2002 - 2006 الفئه هاى لاين بها فتحة سقف الفئه بيز لاين لا يوجد بها فتحة سقف!
بالنسبة لموضوع ال e46 m3 أو ال m3 بشكل عام نادر وجودها و ان وجد تفتكر فيه شخص هيبيع m3 ؟؟؟
موضوع ندرتها لغلاء أسعار قطع غيارها طبعا بالأضافه إلى قانون الترخيص للسياره المعتمد على سعة المحرك و نوع السيارة و سنة الصنع إلخ....
الحل, إنك تشترى سياره e46 318 عادية جدا, و بعدها تشترى e46 m3 نصفين إما من الخارج او من القاهره بالتحديد إما الحرفيين أو بورسعيد, وبعدها تبدأ فى نقل كل ما هو موجود فى ال e46 m3 إلى ال e46 318 لتصبح معك e46 m3 معظم اللى معهم m3 كان هذا هو الأسلوب لحصوله على m3 و منهم من بعدل الشكل الخارجى فقط (عتب, إكصدامات, باكتات, هوايات) و منهم من يعدل داخليا و هذا نادرا بعض الشىء لأن الأهم هو التعديل الخارجى الظاهر (صالون, عدادت, إلخ...) و منهم من يعدل جوهريا (نظام ميكانيكه كامل). بالنسبة للسيارة النصفين فى حدود 50000 جنيه إلى 60000 جنيه, او تقدر تشتريها من الخارج و تقطعها نصفين من اماكن اللحام و تشحنها ثم تدفع لها الجمارك اللى هتكون تقريبا بنفس السعر المذكور بالأعلى و بعدها تبدأ التعديل...
أما إذا حالفك الحظ ووجدت من يبيع السياره مش هتجد سعرها أقل من 300000 جنيه!
هل حضرتك شاهدت و فتحت الكبوت و رأيت محرك ال M3 بعينك ام كانت رؤيه من بعيد لبعيد, حضرتك بتتكلم عن M3 مش عن 318 ولا 316 أنت بتقول شاهدت 3, من الممكن يكون مجرد تضبيط شكل ليس إلا مش سياره M3 ثانيا أنا نزلت لأحسن معارض فى البلد و لم يكن عندهم M3 مثل ما حضرتك بتقول (منيب, شميس, كل المعارض الموجود بشارع الطيران, جولدن N, و I-Drive)! و متابع بشكل أسبوعى اخبار السيارات, و الوسيط, و مواقع البيع, بالأمانه هم 4 إلى 5 سيارات M3 و واحده فقط E46 و كانت كابروليه حمراء موديل 2003 و كانت مطلوب فيها 320000 جنيه و كانت معروضه فى كونتاكت كارز, و سمعت إن كان هناك واحده فضى معروضه فى مصر الجديده, و E36 M3 1998 كابروليه جمرك (يعنى لسه هتدفع لها جمارك) و كانت معروضه فى الوسيط, و E36 M3 3000cc 1992 و كانت معروضه فى الوسيط ب 75000 جنيه, و حاليا E36 M3 3200 cc 1991 و معروضه فى كونتاكت كارز ب 112000 جنيه! و E36 M3 3000 cc 1995 كوبيه و كانت معروضه فى كونتاكت كارز و بيعت ب 120000 جنيه!
حضرتك عارف تكلفة إنك تضبط سيارة M3 هتكون كام, و خصوصا إذا كانت E46 حضرتك تعرف هتتكلف كام؟ عارف المحرك الموجود بها كوده ايه؟
يا فندم إذا كان الناس بتهرب من ال 520 و ال 523 إلخ... عشان الضريبه يبقى ال M3 هتكون كثيره منين؟؟؟
شكرا جدا على الايضاح اللى فوق الرائع ومتشكر جدا جدا
توضيح ممتاز
العربية دي في حدود فئة ال 130 - 160 الف ج خيار مناسب جداً جداً وأفضل بكثير من زيرو بنفس السعر لماركات أخرى
انا مش بجيب كلام من عندي...وانا عارف يعني ايه M3 وعارف الفرق بين ان العربية يكون عليها Body kit أو Original..ده أولا..
ثانيا كان في M3 cabrio موديل 2004 عليها Carbon-Fiber Bonnet بتاعت صاحب محل Doksh Performance ومعروضة في فيراري موتورز,,وكان فيه واحدة حمراء علي كونتاكت كارز..وكان فيه واحدة زرقاء لاقيتها معروضة ع النت مش فاكر فين..حضرتك انا من الزقازيق,,كان في الزقازيق لوحدها عربيتين M3 لغاية قريب..ده غير الـ330ci والـ328ci وكله موديلات E46...
وأخيرا كل العربيات دي سواء اللي موجودة عندنا أو اللي انا شفتها معروضة ع النت "نصين"..وكل اللي انا اتكلمت عليهم دول كوبيه (مش سيدان 318 معدل M3)..
وسامحني لو كان اسلوبي عصبي شويه..تحياتي لك,,,
اولا مسامحك :M_yes[1]:
ثانيا انا قولت إن السياره مش موجوده بشكل كبير يعنى مش هتجدها منشره فى البيع مثل ال 318 و خلافه. مثل ما أنت ذكرت غن معظم هذه السيارات "نصين" و طبعا أنا لن ادفع مبلغ فى سياره "نصين" وإن كانت M6 مش M3. بتقول 2 فى الزقازيق و كمان 3 شوفتهم يعنى 5 يعنى برده مش كثير. انت إذا كان معك E46 M3 هتبيع؟؟؟
انا السيارات اللى ذكرتها فى ردى شوفتها على مر سنه فى أثناء البحث عن سياره. الحمراء اللى كانت فى كونتاكت كارز كانت موديل 2003 كابروليه سوفت توب بسقف أسود اللون, و انا عارف السياره وكانت معروضه مثل ما ذكرت ب 320000 جنيه, وكان فيه واحده بتاعت ماجيفر تقريبا كانت فضى بكبوت كاربون فايبر و كانت معروضه فى حدود نفس سعر الحمراء, لكن سياره من ماجيفر معروف ديتها! (متهانه)...
انا لدى صديق بجوارى معه E46 1999 مضبوطه بالكامل M3 ما عدا الميكانيكه يعنى إذا شوفتها فى الشارع لا تستطيع التفرقه إذا كانت 318 ولا M3 الحل الوحيد هو الكبوت ورؤية المحرك فى هذه الحاله أرجو إن تكون فهمت قصدى. انا مش عارف ضريبة السياره كام لكن ال E36 M3 1992 كانت ضريبتها 1250 جنيه سنويا لمحرك 2990 سى سى, وسياره موديل 1992 طبعا ال E46 كموديل يبدأ من 1999 و محرك بسعة 3246 سى سى هيفرق على الأقل ضعف المبلغ للسنه الواحده!
اللي مع صديق حضرتك دي سيدان ولا كوبيه؟؟ عشان مفيش عربيات m3 سيدان أساسا غير في الموديل الحالي e92...بتاعت ماكجيفر لونها برتقالي علي فكره وباعها لواحد صاحبه علي 150 ألف جنيه أما الفضي اللي بكبوت كاربون فايبر دي بتاعت ميكانيكي اسمه دوكش ...بالنسبة للضريبة أكيد في تظبيط بيحصل في المرور..وشكرا لسعة صدرك في الرد..
أنا قولت لك إن السياره e46 1999 318 تم ضبطها من الخارج و الداخل إلى m3 لكن المحرك مثل ما هو ال m44b19 و ليست m3 بالكامل شكلا و موضوعا. يعنى كل ما ينقص السياره هو التعديل الميكانيكى لتصبح m3 صحيح ليست بأصليه لكن هتصبح فى النهايه سياره e46 شكلا و موضوعا مضبوطه m3.
بالنسبه لهذه النقطه معلومتك ليست صحيحه لأن يوجد m3 سيدان أصليه من المصنع.
ال e36 m3 كانت متوفره فى هيكل الكوبيه بداية ظهورها كان عام 1992 و 1993, ثم بدأت فى النزول فى كل من هيكل السيدان, الكوبيه, الكابروليه منذ عام 1994. كان مزوده بالمحرك ال s50b30 بسعة 2990 سى سى و قدرة 286 حصان (فعليا 282 حصان) مع بداية عام 1995 زودت كل من ال e36 m3 الكوبيه و السيدان بالمحرك ال s50b32 بسعة 3201 سى سى و قدرة 321 حصان (فعليا 316 حصان) ثم بدأ تزويد الكابروليه بهذا المحرك مع عام 1996. ثم انتهت ال e36 m3 السيدان مع عام نهاية عام 1997, ثم لحقت بها الكوبيه نهاية عام 1998, ثم الكابروليه نهاية عام 1999.
بالنسبه لل e46 m3 متوفره فقط فى الكوبيه و الكابروليه و بدأت من عام 2000. و زودت بالمحرك ال s54b32 بسعة 3246 سى سى و قدرة 343 حصان (فعليا 338 حصان) و اصدرت ب 3 موديلات مختلفه و الأختلاف كان فى الكماليات. كان هناك فئتين حصريتين هما ال csl و ال gtr طبعا أحسن m3 من وجة نظرى هى ال e46 gtr.
معلش طولت عليك فى الرد.
معلش لم الأحظ شىء و أنت بتتكلم هو إن السياره سيدان. بالطبع هى مش m3 أصليه لكن انا بتكلم على أن بها شغل m3 كامل من شكل خارجى لشكل داخلى... يعنى إذا وضع بها المحرك مش هيكون الفرق بينها و بين الأصليه إلا هيكل الجسم. مثل ما وضحت بردى فى الأعلى.
الف شكر يا جماعة على النقاش المحترم والمثمر جداً
وفعلاً النوع دا من النقاش هو الي بيفيد باقي الاعضاء
وشكر خاص للأخ TheBuccaneer الي فعلاً متعاون جداً وبيفيد كل الزملاء:satelite:
معلومات رائعه
كملوا نقاش تانى
طيب الفتيس فى m3 شركه البيمر هى إلى بتصنعه ولا بيتجاب من ألبينا
بى إم دبليو لها شركات كثيره بتصنع لها أشياء منها ألبينا, هامان, أيه سى شنايزر, إلخ... إما بتصنع إكسسوارات (مرايات, عتب, سبويلرات, شكمانات, إلخ...) او بتعدل فيه أشياء ميكانيكيه مثلا تعدل فى المحركات و من أشهرها شركة ألبينا.
بالنسبه للفتيس لأ مش ألبينا بنسبه 90% تقريبا هو من صنع شركة بى إم دبليو, لأن شركة ألبينا بتعدل على المحركات الخاصه بالسياره و تنزل مثلا فئه خامسه 540 واخرى من شركة البينا تعرف مثلا ب ألبينا B5 وهو كود المحرك. لكن لم اسمع قط ب m3 البينا فكل التصنيع بيكون داخل شركة بى إم دبليو.