البيكانتو الجديدة يالهوي

**Adham** · 17-09-2010 07:34 PM

المشاركة الأصلية كتبت بواسطة nedaanagy

طب ما انا كان معايا جولف 1800 تيربو 170 حصان وكانت جميلة في الشكل والسرعة وكل حاجة

بس انا بعتها لاني مش عاوز عربية بتمشي 240 كيلو في بلد اجمل طريق فيه يمشي العربية 100 كيلو انا عاوز عربية جميلة تتناسب مصاريفها مع مرتبي ويكون شكلها رياضي مميز ولما احتاج اجبلها قطع غيار مدفعش مرتبي كله واكتر عليها ذي الجولف

اهي الجولف دي اللي يبقى شكلها قوي بالفول سبويلر و جنوط و يتعمل فيها احلى تنفيخات و بودي كيت

و القرش اللي بتدفعه في قطعه غيار في عربية الماني و تنساها 5 سنين و بتاخد بية أداء و سرعه و تسارع و برستيج و اعتمادية و متانة و أمان غير عربية ميني سيتي كار كوري حريمي معمولة للزحمه جوة وسط المدينة

و قطع غيار الجولف مش اغلى كتير من البيكانتو

بقى بذمتك ماجبتش بالجولف دي سرعه 180 و 200 كم/ساعه عالطريق, طبعاً قمة في المتعه

و من الأخر ماينفعش تقارن عربية سيتي كار كوري ب عربية الماني سبور

لان من الاساس ما ينفش تقارن الكوري بالالماني

**ahmed_su** · 17-09-2010 08:09 PM

مهما كان الشكل الجميل والاضافات المغرية

الا ان القيمة / الاداء مقابل السعر مش متناسب خالص

والعربية المفروض انها عربية مدينة ويتحقق فيها اهم شروطها انها تكون اقتصادية من كله وكمان سعرها

المفروض يكون مناسب والرقم ده غير مناسب بالمرة

**M.ABDEEN** · 17-09-2010 09:01 PM

السعر بصراحة مبالغ فيه ....طبعا مش من حضرتك من اللي بيبيعها كده

**dexter** · 17-09-2010 10:19 PM

اعتقد ان السعر كتير اوي على الامكانيات بتاعتها.

**Adham** · 17-09-2010 10:21 PM

على فكرة الجنوط اللي على شكل الوردة دي شكلها بناتي قوي و مش حلوة

تحس انها عربية لونها بمبي و راكباها بنوتة صغيرة رايحه بيها المدرسة

هههههه

**nedaanagy** · 17-09-2010 10:47 PM

والله يا جماعة انا معاكم في ان السعر مبالغ فيه

بس الفكرة اني حابب البيكانتو وحابب اشتريها مع اني معايا سيولة تجبلي عربية افضل بس انا حابب العربية دي بشكلها بحجمها بكل ما فيها وبعدين البيكانتوا الموجودة الشكل التقليدي ب 000 72 ولو انا اجيت اغير لها اكصدام وجنوط وفوانيس وكاسيت واعتاب وفرش ودركسيون وازاز ومرايا كهربا هتصرف برده فلوس ده غير التعب والتعطيل اللي هتعطلوا علي ما اخلصها ودي جاهزة كده

انا بامانة كنت ناوي اشتري بيكانتوا ب 000 72 واصرف عليها شوية في التظبيط انما دي كده هتريحني لان دي مش هتر حتي احط فيها زينزن لانها نزلة بالزينون

هي دي فكرتي وكمان انا عرضت الموضوع بتمني من حد يكون شافها فعلا ويفدني في السعر المبالغ ده انا عندي احساس ان دي اصلا حتحل مكان البيكانتو العادية وتبق بنفس سعرها علي اول 2011 خصوصا ان العربية اللي انا شفتها 2010

**Adham** · 17-09-2010 10:56 PM

هي البيكانتوا بقت ب 72 ؟؟؟؟ اللي اعرفة انها كانت ب 56 و غللوها بقت ب 62 تقريباً مش متذكر بصراحه وياريت حد يفيدني بسعرها دلوقتي بالضبط

**nedaanagy** · 17-09-2010 11:04 PM

الكاملة الخليجي ب 71 والكاملة المصري ب 72

حضرتك قصدك علي الفاضية خالص مانيول باكصدام اسود تقريبا ب 59 ومانيول ب اكصدام لون السيارة ب 63

**Haitham10** · 17-09-2010 11:06 PM

يعني الي خلا العربيات الصيني وعربيات تانية كتير بلاش الواحد يتكلم عنها متسواش 60 70 الف جنيه واول فئه فيهم ب79 فيما فوق وحاجات بيعدي سعرها ال100 الف وده ضعف قيمتها الحقيقيه

هتيجي علي البيكانتو ام 50 الف جنيه :) :)
وعجبي .........