البيكانتو الجديدة يالهوي

**derailed** · 18-09-2010 07:02 PM

انا من اسكندرية وفعلا شفت العربية عند اباظة وشفتها من جوة العربية فعلا تحفة بس انا خلاص حجزت واحدة توكيل نفس اللون (الفيراني) ب 71 2011 بس انا شايف ان العربية دي لو ارخص 5000 كمان كانت تبقي كويسة خصوصا انها خليجي يعني حصرف عليها في الصيانة

**nedaanagy** · 19-09-2010 01:39 AM

مبروك يا باشا البكانتو الجديدة

تعرف العربية دي اكيد هترخص علي اول 2011 هو بس عشان اباظة هو اللي جبها دلوقتي غالية لكن لو حد تاني جبها انا متوقع ان سعرها ينزل لغاية 75 وسعتها هتكون تمام جدا

**MaZaGAngeE** · 19-09-2010 01:45 AM

مش عظيمة قوي زي ما انت متخيل ده فيسليفت للعربية القديمة
و السعر ده عبط مبالغ فيه قوي قوي

**nedaanagy** · 05-12-2010 10:27 PM

يا جماعة تعرفوا ان البيكانتوا دي في خلال شهر واحد بس وبعد ما حد غير اباظة جبها نزلت لغاية 78 وفي ناس بتبعها ب 77 وكل ده و 2011 لسه مدخلش

انا متوقع كمان ان سعرها هيوصل ل سعر العادية وهتحل مكانها كمان انا ركبت العربية دي بجد صالونها تحفة وقعدتها جميلة جدا وده كفاي عليا عشان اعجب بالعربية دي عن اي عربية تانية

**sayed911** · 05-12-2010 10:48 PM

يا جماعة معظم الإخوةاللي بيتكلموا بيتكلموا مش في كماليات بيتكلموا في امكانيات !! يعني مثلا تقدر تقول انو فئة الـ 70 الف هيا آخر فئة في الهاتشباك الإقتصادية لأنك مثلا لو دخلت في 82 ما يبقى ايه اللي فرقك بقى في 8 كمان وتجيب بقى نيسان صني او جين 2 يعني كده هيا في كاتيجوري تاني واللي ها يدفع فيها مبلغ ها يعتبر مبالغ فيه شوية !! اللي الناس تقصدوا الفئة اللي هيا كانت فيها الـ 70 - 75 دي كانت الرينج المعقول ومع بعض التحفظات عليه ولكن كان الى حد كبير معقول بالنسبة لسيارة اقتصادية ...

**i_Am_Legend** · 05-12-2010 11:40 PM

مرمية قدامى طول اليوم_فى معرض فى مصطفى النحاس_دخلت سألت عليها صعقت وإتصدمت ضحكت ومشيت_82 الف جنيه فى الكتكوت دة_وأيه بدون ضمان!!!_ايوة بدون ضمان_دة إحنا شعب غلبان غلب النملة””_اااااااه_اععععع