بص للايجابيات ونص الكباية المليان
هو ديما كدا المصري يحب يسيب بصمة فلمكان اللي هوا فيه
يأثر في الآخرين :s
عرض للطباعة
بص للايجابيات ونص الكباية المليان
هو ديما كدا المصري يحب يسيب بصمة فلمكان اللي هوا فيه
يأثر في الآخرين :s
بص انا كنت في العمره السنه دي وكمان السنه اللي فاتت وانا مش مقيم في السعوديه عايز اقول لحضرتك ان السنه دي كانت زحمه جداااااااااااااااااا لان اللي ماطلعش السنه اللي فاتت علشان انفلونزا الخنازير طلع السنه دي فكانت زحمه رهيبه يعني علشان تصلي كل الصلوات في الحرم لازم تقعد من الظهر لحد التهجد لانك لوخرجت بره وخصوصا بعد المغرب مش هاتعرف تدخل تاني وبيبقي في هناك كبار سن يعني مش هايقدروا يقعدوا الوقت ده كله من غير الحمام
تاني حاجه بالنسبه للمصريين والسلوك مافيش جديد هو كده ومش هايتغير لو عايزني احلف هاحلف ولوعايزني احلفلك بالطلاق احلفلك مع اني مابحلفش بيه بس انا متاكد مش هانتغييييير
نفسي احج تاني بس مش مع مصريين
lمش دفاع عن المصريين الى انا وانت وهو منهم
ولادفاع عن خطأ
وانا عارف ان فى سلبيات كتيرة
لكن سيادتك ما شفتش الافارقه وخاصه السيدات وهما شايلين الاطفال على ظهرهم بالزى القومى والاطفال دول بيقضوا حاجتهم اه والله حاجتهم على ظهر امهاتهم وطبعا الارض
ماشفتش الاردنين وهما بيسبو الدين (استغفر الله العظيم ) وخاصه فى الرمى
ما شفتش الايرانيات الى لابسين زى الرجال اذار ونص جسمهم باين
ما شفتش الهنود وهما بيتلموا على الاكل
ماشفتش المتسولين البدون(بدون جنسيه) والزول (الافارقه) المشوهين
من حوالى 20 سنه لقوا متسول على باب الحرم هائم على وجهه فقالوا ده مصرى ورحلوه على مصر
فالاخبار نشرت صورته علشان حد يتعرف عليه تعرف طلع مين ؟؟؟؟؟
والله طلع من اخوال الملك اى والله
وانه مريض نفسى وهرب من القصر بتاعه ورحلوه غلط علشان شبهه المصرى
المصرى الى علمهم بس الحوجه ولقمه العيش طمعت فيه الى يسوى والى مايسواش
.....ربنا يهدى
أنا طلعت عمرة مرة قبل كده ، وأكتر حاجة صدمتني إن الناس والله العظيم بتسب لبعض بالدين عند الحجر الأسود
أنا فعلاً مكنتش مصدق ودني
بس فعلاً .. المسلمين الي بالأخلاق دي لازم ده يكون مكانهم بين الأمم
السلام عليكم و رحمة الله و بركاته
آآآآآآآآآآآآه لو كان بايدى , كنت طلعت ............... ولا بلاش لحسن يقولوا على مش وطنى و أتوقف :3mla:.
HAMANN
الصورة مش سودا اوى كده ... بلاش نعمل زووم على السلبيات علشان ما ننساش الايجابيات
كان نفسى جنب الكام موقف دول تذكر مواقف اخرى ايجابية لمصريين فى الحرم ..
انا حجيت الحمد لله اكتر من مرة واعتمرت كتير وشوفت من الايجابيات ما لا يعد ولا يحصى ومش مجاله لذكرها ....
اما السلببيات فهى عامة وتخص جميع الجنسيات ولو عايزنى احكى لك عن كل جنسية هاديلك عشرات السلبيات + عشرات الايجابيات ايضا ..
بلاش نجلد ذاتنا ونمتهن كرامتنا علشان فينا بعض السفهاء لاننا ايضا فينا الفقهاء والصالحين و الاولياء ..
هى دى مصر ولازم تقبلها زى ما هى على بعضها زى ما الاخوة فى الخليج ( اللى عشت معاهم كتير ) قابلين مصر كلها بحلوها ومرها وفاهمين ده اكتر من بعضنا ... ومش قصدى طبعا حضرتك لانى مفترض فيك حسن النية
أولا: لصاحب الموضوع عمرة مقبولة بإذن الله لك وللحاجة
ثانيا: للأخ اللى بيقول ان الإيرانيات بيلبسوا إذار ونصف جسمهم باين المعلومة دى منين؟؟؟ انا كنت فى الحج من سنتين والايرانيات لابسين كلهم زى واحد عبارة عن خمار اسود لا يظهر منه الا وجوههن و هن فى منتهى الحياء والحشمة و يتحركن فى جماعات نسائية ولا يختلطن بالرجال نهائيا فى داخل الحرم وخارجه هذا ما رأيته وشاهدته بنفسى. هدانا الله جميعا الى تقواه.
ثالثا: للعلم مشكلة بعض المصريين اللى بيروحوا فعلا انهم مبيفرقوش بين رحلة الحج ورحلة المصيف و للأسف فيه ناس طالعة لأهداف اخرى غير عبادة الله وارضائه لتجارة او رياء وسمعة او فسحة ومنظرة او بعض البسطاء اللى بيتعاملوا مع الفنادق نفس تعاملهم مع المصاطب طبعا ده غير العادات اللى اكتسبناها كلنا كمصريين زى عدم الاهتمام بنظافة المكان و الخلق الضيق وعدم الاهتمام بالآخرين كأنهم هوا مش موجودين و التحفز الدائم والاستعداد للخناق عمال على بطال والأنانية المفرطة و المحاولة الدائمة لأخذ كل شيئ وترك الآخرين بلا شيئ و إنما الأمم الأخلاق مابقيت فإن هم ذهبت أخلاقهم ذهبوا.... و كفاية كده
اللسان الطويل موجود في جميع الجنسيات
الكلام ده مش مظبوط
كذب في كذب
الإيرانيات من أكثر الناس تحشماً
لما الفقراء يتلموا على الأكل لا تكون مشكلة
مالهم
هو التشوه عيب ولا حاجة ؟
ولا الحوجة ولا حاجة
المصري علمهم زمان وتعلموا
والآن أنظر لسلوك المصريين وإلى سلوك الآخرين
أنظر إلى نظافة المصريين وشوارعهم
أنظر لنظافتهم
إقتربنا من إستيراد خبراء منهم
المصريين فعلا من شئ الي اسوء
قله ادب و عدم نظام و اللعب با 3 ورقات و الفهلوة و اللبط و السفه
انا بصراحة وصلت لمرحلة اني فقدت الإنتماء لكل ما هو مصري و لو جاتني فرصة اني امشي و اهاجر لمكان تاني مش هتردد
الشيخ الشعراوي رحمه الله لما كان بيتكلم امام الريس حسني مبارك بعد حادثة اديس ابابا قال كلمتين لسه بيرنوا في ودني من ساعتها و فعلا الراجل دا بيقول الحق قال ايه " و شعب آسف ان يكون سلبي "
فعلا دا حال الشعب بس للأسف الأمور تطورت للأسوأ انهيار اخلاقي و اجتماعي و ديني و كل حاجة ماشية غلط و بالعكس
انا لما بنزل القاهرة و اشوف اخلاق الناس في الشوارع و في المواصلات حاجة فظيعة و اعصابي بتتعب و بعد الثواني عشان ارجع
الصعيد نوعا ما اهدي و ان كان بدأت السوسه تدخل جواه و ماعادش زي الأول
فاكرين الشعب المصري زمان في الأفلام الابيض و اسود
انا بستمتع جدا لما بشوف الأفلام دي و بتحسر علي حالنا
النظام و الإحترام و الأمان و الحياء و مراعاة الناس بالرغم من ان نسبة التدين مكنتش بالدرجة الكبيرة لكن الأخلاق و العادات كانت موجودة
حسبي الله و نعم الوكيل في الللي عمل كدا فينا