مواقف من الحرم المكى

**abd_el_7amid** · 17-09-2010 06:52 PM

السلام عليكم ورحمة الله
اللى هقوله دلوقتى يخصنا كمصريين وليس كمسلمين فقط
هحاول اقول مواقف سريعة للى حصل فى العمرة

الموقف الاول
انا كنت جالس فى الدور الاول فى الحرم ورايح اشرب مياه زمزم وراجع
الراجل: ياعم دخلنى انا جالس جوه
الامن : خش من على السلم ممنوع من هنا ( وعايز اقول ان المسافة بين المكانيين متر ونصف)
والراجل لسه عمال بيجادل عشان يخش من نفس المكان
انا: يعنى انا لو خرجت من هنا هاخش من على السلم المجاور
الامن : ايوه
انا : مفيش مشاكل
الامن : اول مرة اشوف مصرى يعجبنى

الموقف الثانى
امى جالسة فى مجلس النساء بالحرم وبيتوزع عليهم تمر ومناديل ورق
امراءه (مجاورة لامى مش مصرية): انتى مصرية؟؟
امى: نعم
المراءة: طب ليه مابتهبشى فى الاشياء مثل المصريات؟؟؟

الموقف الثالث
بالفندق (5 نجوم)
داخل الفندق واذا بصوت عالى من واحدة فى الاستقبال
يعنى تكفينا على وشنا متفتح ...
حضرتها بتزعق للعامل اللى بيمسح الارضية .. طب يمسحها امتى ؟؟ والناس نهار وليل داخلة خارجة

الموقف الرابع
الدور التاسع بالفندق
اول ما دخلت لقيت 2 قاعدين على الارض امام الاسانسير بيشربوا سجاير وشوية مشيت للامام لقيت عيال بتجرى وراء بعضها فى الدور بصوت عالى شوية وشميت ريحة شيشة شوية و سمعت التلفزيون على اخره
هوا احنا فين فى الحرم ولا فى المصيف؟؟؟

الموقف الخامس
السيدات المحترمات اللى ساكنين مع امى فى الغرفة واحدة شافت الحرم ساعة العمرة و الثانية قاعدة للمسلسلات فقط والثالثة بتدمس فول فى الغرفة وبالتالى الفندق فرض غرامة 500 ريال ل اللى هينشر غسيل او يطبخ داخل الغرف ... مع العلم الحملة قعدت تقريبا 20 يوم فى الحرم وامى نصحت السيدات دول انهم ينزلوا يصلوا فى الحرم وكنا فى العشر الاواخر.. ولكن كانت تطلع تلاقيهم بيعيطوا على مسلسل همام و زهرة وخلافه....

بصراحة المواقف كتيير .. وللا سف كوننا مصريين اصبحنا منبوذين بسسب تصرفاتنا بالخارج وبالداخل ايضا
الغرض من كلامى ... اللى يعرف حد طالع عمرة يبلغوا ان الحرم تضاعف فيه الحسنات.... والاثم فيها اعظم من اى مكان اخر. فليشتغل بطاعة الله..
وبصراحة انا كان محروق دمى جدا فقلت اتكلم معاكوا

**A7MED_PHARMA** · 17-09-2010 06:59 PM

المصريين مكروهين جدا في الخليج
المتفوق منهم في مجاله..بيثير حقد إلي حواليه عليه
والحرامي منهم في مجاله..بيثير إشمئزاز إلي حواليه منه
والغبي منهم في مجاله..بيثير تهكم إلي حواليه عليه

وربنا يجازي إلي كان السبب في إلي إحنا فيه

**kamalsalem** · 17-09-2010 07:05 PM

الاعمال بالنيات... ف أرجو من اللي طالع عمرة انه يصلح النيه... اللي طالع للشوبنج اخره من العمرة الشوبنج... ف مش طالبة ندفع الفلوس دي كلها ونروح نتفسح ونيجي

**Soma_Sooma** · 17-09-2010 07:21 PM

المشاركة الأصلية كتبت بواسطة A7MED_PHARMA

المصريين مكروهين جدا في الخليج
المتفوق منهم في مجاله..بيثير حقد إلي حواليه عليه
والحرامي منهم في مجاله..بيثير إشمئزاز إلي حواليه منه
والغبي منهم في مجاله..بيثير تهكم إلي حواليه عليه

وربنا يجازي إلي كان السبب في إلي إحنا فيه

**Ahmed Samy** · 17-09-2010 08:39 PM

عندي تعليق قاسي و غلس و دمه تقيييييييييييل

فقررت ما كتبوش

**Abo_Lina** · 17-09-2010 09:04 PM

ما يبقوش مصريين لو ماعملوش كده ..
دي طباع المصريين في كل مكان
هنا و هناك و في كل حتة

**m_car** · 17-09-2010 09:54 PM

ياباشا والدى عمل اكتر من مرة حج (( ربنا يكتبها لينا كلنا يارب ))

اولا : ساعة رمى الجمرات لقى ست جمبه ماسكة شبشب وبترميه على ابليس وتقول يابن الكلب _ ياحمار

ثانيا : واقسم بالله هذا حصل ناس رجالة فوق عرفات والله بيولعوا سجاير وواخدين شيشة فى الاوضة بتاعتهم

ثالثا : من جوة غرف السيدات عمالين يعملوا لبعض مكياج وحاجات والذى منه واكتر بكتيييييييييير كانهم فى مارينا رايحين حفلة تيمو

رابعا : 99% من اللى كانوا فى عمرة او حج اول ما يجى يحكى عن حاجة واحدة الاكل وكمية الاكل والجبنة اشكال وانواع والتفاح والعصاير (( كانه رايح ياكل ويملى كرشة ))

لما كنا بنرجع من السعودية فى اجازة اخر السنة بتلاقى فى المطار كل طيارة طبعا مخصصة دى مصر دى السودان الطيارة الوحيدة اللى تلاقى فى الممر بتاعها زعيق ودوشة وصويت الممر بتاع المصريين (( على اساس انه لو اتاخر هيقف على الباب ))

شعب كله غلط من اول الحكومة لحد اصغر طفل لسه مولود وانا بكتب الرد ده

**الصيداح** · 17-09-2010 10:12 PM

المشاركة الأصلية كتبت بواسطة m_car

ياباشا والدى عمل اكتر من مرة حج (( ربنا يكتبها لينا كلنا يارب ))

اولا : ساعة رمى الجمرات لقى ست جمبه ماسكة شبشب وبترميه على ابليس وتقول يابن الكلب _ ياحمار

ثانيا : واقسم بالله هذا حصل ناس رجالة فوق عرفات والله بيولعوا سجاير وواخدين شيشة فى الاوضة بتاعتهم

ثالثا : من جوة غرف السيدات عمالين يعملوا لبعض مكياج وحاجات والذى منه واكتر بكتيييييييييير كانهم فى مارينا رايحين حفلة تيمو

رابعا : 99% من اللى كانوا فى عمرة او حج اول ما يجى يحكى عن حاجة واحدة الاكل وكمية الاكل والجبنة اشكال وانواع والتفاح والعصاير (( كانه رايح ياكل ويملى كرشة ))

لما كنا بنرجع من السعودية فى اجازة اخر السنة بتلاقى فى المطار كل طيارة طبعا مخصصة دى مصر دى السودان الطيارة الوحيدة اللى تلاقى فى الممر بتاعها زعيق ودوشة وصويت الممر بتاع المصريين (( على اساس انه لو اتاخر هيقف على الباب ))

شعب كله غلط من اول الحكومة لحد اصغر طفل لسه مولود وانا بكتب الرد ده

الله يجازيك قتلتني ضحكا
فعلا الدنيا عندنا غلط في غلط
وللأسف اللي بيحاول يمشي صح مبيعرفش يمشي صح لأن الغلط بقى هو الصح
فغصبا عنه هيمشي غلط
الله المستعان

**m_car** · 17-09-2010 10:43 PM

بلدنا مايشة غلط وعكس من اول البرنس الكبير لحد اخر واحد فى البلد (( معرفش اسمه ايه بس اكيد فى اخر واحد فى البلد ))

-

الموضوع: مواقف من الحرم المكى

LinkBack

أدوات الموضوع

عرض

-

-

-

-

-

-

-

المواضيع المتشابهه

تغيير مبردات مياه زمزم بالحرم المكى بالكامل

شاهد صلاه التهجد من الحرم المكى

مظاهرات ضد ضم الحرم الابراهيمي

الكلمات الدلالية لهذا الموضوع

المفضلات

المفضلات

ضوابط المشاركة