الرجاء من خبراء التمبرا (((تسعير)))

**tefahossam** · 17-09-2010 07:13 PM

بسم الله الرحمن الرحيم

ارجو من خبراء التمبرا تسعير العربيه الل فى الصور نظرا لاتى لا اعرف عنها اى شىء بخصوص قطع الغيار والصيانه
من حيث الرفاهيه و الكماليات العربيه دى معروضه عليا مو1993 1600CC جميع الكماليات ب28500 ارجو من الخبرا مساعدتى فى تسعير العربيه واى معلومات عنها .
وجزاكم الله خيرا.

**tefahossam** · 17-09-2010 09:22 PM

يعنى 7مشاهدات دى على اساس انى بابعها ولا من باب الفضول.
يا جماعه الحقونى ده انا كنت حاطط امل انى الاقى حد يفيدنى وخصوصا
ان فى رابطه للتمبرا فى المنتدى
بس انا عايز الخلاصه وخصوصا بلاقى
مشاركات ملهاش علاقه بالموضوع زى
رد بعض الاعضاء على بعض وده ولا عيب ولا حرام بس بتبقى
الصفحات كتير على الفاضى
بالله عليكم تفيدونى لانى بقالى كتير مش معايا عربيه
ومتبهدل فى الموصلات.

**MAK_US1977** · 17-09-2010 11:53 PM

سلام عليكم
صراحه بعد مشفت الصور دي ادتني امل كويس في سعر عربيتي
انا عندي تمبرا موديل 1997 1600cc
بس الحمد لله حالتها احسن من دي كتير ( بناء علي الصور اللي انا شايفها) وكنت بفكر ابيعها بس مكنتش عارف تجيب كام دلوقتي
انا فعلا معرفش العربيه اللي معروضه عليك دي تسوي فعلا 28500 ولا
عموما انت لو موفقتش في العربيه دي ممكن تكلمني وتشوف عربيتي لو تناسبك مش هنختلف في السعر

**mxz911** · 18-09-2010 01:27 AM

بصراحه ا لعربيه شكلها مبهدل دى ! طب عاوزين اى مواصفات ؟ رشه دواخل مثلا فيها ايه بارومه ؟؟ ياريت توضح انت اصلا !

**tefahossam** · 18-09-2010 11:04 AM

المشاركة الأصلية كتبت بواسطة mak_us1977

سلام عليكم
صراحه بعد مشفت الصور دي ادتني امل كويس في سعر عربيتي
انا عندي تمبرا موديل 1997 1600cc
بس الحمد لله حالتها احسن من دي كتير ( بناء علي الصور اللي انا شايفها) وكنت بفكر ابيعها بس مكنتش عارف تجيب كام دلوقتي
انا فعلا معرفش العربيه اللي معروضه عليك دي تسوي فعلا 28500 ولا
عموما انت لو موفقتش في العربيه دي ممكن تكلمني وتشوف عربيتي لو تناسبك مش هنختلف في السعر

تم الرد على الخاص.

المشاركة الأصلية كتبت بواسطة mxz911

بصراحه ا لعربيه شكلها مبهدل دى ! طب عاوزين اى مواصفات ؟ رشه دواخل مثلا فيها ايه بارومه ؟؟ ياريت توضح انت اصلا !

انا كل صلتى بالعربيه من على النت وماشوفتهاش ده واحد صحبى فى المنوفيه صورها ليا وبعد كده اتصلت بالراجل ونزلت لحد 22000قالى لما تيجى مش هنختلف لانها فى المنوفيه وانا فى القاهره فا قلت اخواتى يلحقونى قبل ما اسافر.
بس واضح انه مش فاضيين وكل الحكايه مجرد ...........ولا بلاش علشان محدش يزعل منى.

**mxz911** · 18-09-2010 02:02 PM

الناس هنا لو عارفه تساعدك مش هتتأخر عليك على فكره وانا عشان اشترى عربيه فضلت زيك كده على مدار كذا شهر وفى الاخر استقريت على عربيه بعد استشاره اعضاء المنتدى

دلوقتى بصراحه سعرها 22 ده يخلى الواحد يشك جامد اوى .. دى غالبا شكلها عامله حادثه ورشه دواخل !

**hazoom2006** · 18-09-2010 02:37 PM

حاله العربيه يرثى لها العربيه متبهدله بهدله السنين والايام والساعات

واضح ان صاحبها غير مهتم بيها على الاطلاق

التابلوه سئ جدااا والكاست اكيد مش شغاله بشكلة ده ويا عالم لو شغال هيكون فى سماعات ولا اية
التكييف واضح انه مبيشتغلش اصلا
فانوس الاشاره شمال مكسور باين فى الصورة الاخيره

برغم انى مش خبره اوى بس الافضل تبعد عنها واشترى حاجة نضيفة احسن

**tefahossam** · 18-09-2010 06:54 PM

الف شكر ليكوا يا جماعه يعنى اكبر دماغى وابعد ولا ايه؟
ومحدش قالى تساوى كام؟

**sherif_m72** · 18-09-2010 07:21 PM

المشاركة الأصلية كتبت بواسطة tefahossam

الف شكر ليكوا يا جماعه يعنى اكبر دماغى وابعد ولا ايه؟
ومحدش قالى تساوى كام؟

انا مش بحب اعقد الامور لحد
بس مع شكل العربيه وحالتها الكامله اللى انت موضحها بالكامل فلازم اقولك
اخلللللع وكبر دماغك
ومن جهه انها تسوى 28000 ولا لآ
متسواش حتى مجرد الكلام عنها بصيغه (الالاف) اساسا
اسف لو كلامى واسلوب زعلك بس
يابخت من بكانى وبكى عليا ولا ضحكنى وضحك كل اللى يعرفونى عليا

**tefahossam** · 19-09-2010 12:33 PM

المشاركة الأصلية كتبت بواسطة sherif_m72

اسف لو كلامى واسلوب زعلك بس
يابخت من بكانى وبكى عليا ولا ضحكنى وضحك كل اللى يعرفونى عليا:e_braces[1]:

ايه اللى يزعلنى ده هو ده اللى انا نفسى اسمعه عموما الف شكر على النصيحه.
وبكده اقول الحمد لله انى مش اشترتها والا كنت ندمت.
جزاكم الله خيرا.

الموضوع: الرجاء من خبراء التمبرا (((تسعير)))

LinkBack

أدوات الموضوع

عرض

الرجاء من خبراء التمبرا (((تسعير))) - انشر الموضوع فى :

-

-

-

-

-

-

-

المواضيع المتشابهه

الرجاء من خبراء ال bmw تسعير e30 ..

الى خبراء التمبرا

خبراء التمبرا

سؤال هام الي خبراء التمبرا

سؤال هام الي خبراء التمبرا

الكلمات الدلالية لهذا الموضوع

المفضلات

المفضلات

ضوابط المشاركة