و ممكن تجدد عن طريق الانترنت لو معندكش فحص و الرخصة تجلك لحد البيت و تسدد اما بكارت ائتمان او عند الاستلام
MMamdouh
عرض للطباعة
و ممكن تجدد عن طريق الانترنت لو معندكش فحص و الرخصة تجلك لحد البيت و تسدد اما بكارت ائتمان او عند الاستلام
MMamdouh
طيب سؤال معلش يا رجالة
انا سجلت العربية بأسمى فى الشهر العقارى ودفعت حوالى 750 جنية
المهم العقد دة عملتوا من حوالى 5 شهور ولسة مرحتش انقل ملكية واغير النمر فى المرور لانى مش فاضى لوجع القلب والاجراءات ...
سمعت من اخ انه لو عدى شهر على العقد المسجل وما ما نقلتش ملكية العربية بأسمى فى المرور فا العقد يعتبر لاغى ولازم اسجلة تانى وادفع تانى لانى مضيت بايع و مشترى .
وسمعت رأى اخر انه مش مشكلة العقد لو فات علية شهر طالما الرخصة سارية معايا وان كل الى هحصل هدفع ضريبة وربع لما اجى انقل ملكية بأسمى يعنى حوالى 100 جنية غرامة اكن الرخصة انتهت ودفعت ضريبه تأخير ..
مش عارف انه رأى هو الصح ؟؟؟
حاجة تانية معلش طبعا ازمة النمر منتشرة فى ادارات المرور كله فممكن امشى بنمر مرور الشرطة الى العربية اصلا تباعها وانا تبع مرور مدينة نصر
بس السؤال هنا هل هطلع رخص العربية بأسمى ولا همشى بتصريح لغاية ما يجى نمر
ولو همشى بتصريح هيبقى مككتوب فية اسمى ولا اسم المالك بتاع العربية الى اصلا رخصة العربية لسة بأسمة ؟؟
معلش طولت عليكوا
على حسب علمي مافيش الكلام ده لانك اساسا اشتريت العربية وسجلتها كمان فمش هتعمل عقدين
وكمان مادام الرخصة سارية فمافيش ضريبة وربع ولا الكلام ده
موضوع الضريبة ده لما تبقى اصلا العربية مترخصة بأسمك ورخصتها خلصت وماجددتهاش ساعتها بقى تدفع
لو رخصة العربية اللى معاك خلصت بتجيب شهادة بيانات وتوديها للمرور
لو مافيش نمر في المرور ممكن تمشي بالنمر اللى معاك بس ساعتها هيدولك تصريح مؤقت مدته 3 شهور بأسمك طبعا
واي خدمة
رامي (ابو احمد)
شكرا جدا يا ابو احمد
وعلى فكرة انا قريت قبل كدة انك ساكن جنب سوق السيارت فكدة نبقى جيران ياباشا
انا ساكن فى الشارع الى على نصيتة الجامع (محطة الجامع ) فى السويسرى ب
ويسعدنى طبعا اتعرف على حضرتك اى وقت
شكرا جارى العزيز
اي خدمة يا باشا ويسعدني انى اتعرف عليك في اقرب وقت ممكن
نظبط كده الامور ونتقابل ان شاء الله
رامي (ابو احمد)