شراء سيارة استيراد الخارج

**petergeorge** · 17-09-2010 08:00 PM

لو سمحتم انا عايز حد فاهم فى الموضوع ده يرد عليا ضرورى

هو ممكن واحد يروح بورسعيد ويشترى عربيه استعمال الخارج وبعدين يعدى من الجمرك ويدفع الجمارك بتاعتها ويروح يرخصها ملاكى عادى فى المرور اللى هو تبعه من غير حوار المعوقين وكده.

أظن ان بالطريقه ده الواحد هيجيب عربيه حالتها نظيفة ومواصفات اوروبيه محترمه وهتكون بنفس سعر المستعمل اللى هنا.

لو ينفع الموضوع ده يا ريت حد يقولى ايه الخطوات اللى المفروض اعملها علشان اخلص الموضوع ده.

شكرا ليكم مقدما.

**Adham** · 17-09-2010 08:04 PM

لا لازم يكون من اهل بورسعيد (البطاقة و محل الاقامة بورسعيد) علشان يشتري عربية هناك اصلا

و لازم تكون اقل من 1600 سي سي

و ماينفعش تتقلب ملاكي و يتدفع جماركها

و بس تخرج برة بورسعيد 3 شهور كل سنة

انما علشان تشتري عربية من برة لازم تكون موديل السنة دي او السنة اللي قبلها و انك تكون كنت مقيم في الخارج عالاقل سنة متصلة في الدولة اللي انت راجع منها بالعربية دي

**power** · 18-09-2010 12:12 AM

للاسف الشديد مينفعش الا لو معاقين او منطقه حره

**windofchange** · 18-09-2010 12:26 AM

فسر منطقة حرة من فضلك

**Adham** · 18-09-2010 12:30 AM

منطقة حرة يعني مقيم في البلد نفسها (في بورسعيد) و حايعلق نمر منطقة حرة و لية 3 شهور في السنة برة و مايقدرش يبيعها الا لواحد تاني من قاطني بورسعيد

و لا يجوز لة امتلاك اكثر من سيارة

و اخرى لزوجتة

حتى لو متزوج اكثر من واحدة

لة سيارة لة و اخرى "لزوجاتة"

وأعتقد لا يجوز ان يقودها غيرة خارج المدينة ولو بتوكيل