انا غيرت الرشاشات من 3 ايام
رحت على الحرفيين زى ما الاستاذ محمد ممدوح ربنا يباركله وصفلى تماما
على محل المتحدة
و طلبت منه رشاشات بى ام مكنة m40 ال 1600 المهم ادانى الرشاشات ب 200 جنيه و رحت بيها على محل اسمه انجكشن اند انجكشن فى نفس الشارع بتاع المتحدة الراجل ده اسمه نور و هو محترم جدا اديته الرشاشات قاللى لا الرشاشات دى هتاكل معاك بنزين رجعهاله و قولله انا عايز رشاشات بوش اللى لونها ازرق رجهتله تانى راح جايبلى الرشاشات اللى قلت له عليها و رجعت على المهندس نور فقاللى هما دول تمام و حطهم على جهاز عنده علشان يختبرهم و بعدين قاللى فيه ثلاثة سلام و واحد بيسيل رجعت للراجل بتاع البى ام غيرهولى و بعدين رجعت للمهندس نور قاسه على الجهاز و قاللى كدة تمام و ركبهم
المهم بعد ما ركبتهم لاحظت الاتى
اولا السحب اتحسن الى حد كبير
بقيت حاسس ان العربية مظبوطة عن الاول
الدوارة بقت من اول لمسة الاول كانت مغلبانى فى الدوارة
كان عندى دخنة بيضاء كثيفة جدا عند الدوارة الصبح و دلوقتى بقت دخنة بسيطة جدا جدا مش عارف دة طبيعى ولا ايه
لسة ملاحظتش استهلاك البنزين فرق و لا لا لما الاحظ هقول
المهم كنت عايز اخد رايكوا فى حاجة
انا عندى طرمبة البنزين كانت بتجيب بنزين من عند الفيشة و بعدين صلحتهاو لكن من ساعتها حاسس انى مقلق فسالت على واحدة استيراد و انا فى الحرفيين لقيتها ب 200 جنيه بس خفت اجيبها فقلت اخد رايكوا اجيبها و لا لقيت فيه كورى ب 300 جنيه على فكرة مفيش طرمبة مكتوب عليها الصناعة لا الصينى و لا الكورى و لا الجى ام