الجامع عندنا اتسرق !! حسبى الله ونعم الوكيل

**m_car** · 17-09-2010 10:48 PM

فى مسجد صغير تحت عمارة جمبنا , ووالدى هو الامام والخطيب للمسجد ده تطوعا لوجه الله

المهم اهل المنطقة استلموا المسجد ده من صاحب المنزل (( ربنا يديله كموج البحر حسنات على العمل الطيب ده )) وبدنا نطور فيه واحدة واحد من سجاد وتشطيب وكله من تبرعات اهل الخير

انهارده الفجر نلاقى فى ساعة مسروقة ,, ايوة زى ما بقولك ساعة حائط مسروقة

طيب سؤال اللى سرقها ده سرقها لييييييييييييييه ؟؟ وجاله قلب ازاى ؟؟ وازاى حد يقدر يعمل عمل قذر زى كده

انا اعرف ان فى ناس بتسرق فى الحرم المكى بس ليه يعمل كده ومش خايف

انا اكتر من مرة يتسرق منى جزمتى فى اكتر من جامع وحظى بيكونوا لسه جداد

**Abdo_Eldesokey** · 17-09-2010 10:57 PM

حضرتك لسه من كام أسبوع واحد مقتول في صلاة التراويح ، فموضوع السرقة ده يبقى ولا حاجة ؟

للأسف خلاص بقى فيه ناس بينافسوا الشياطين ويتفوقوا عليه في المعاصي

وغالباً الي سرق ده محدش قاله إن الجامع ده ليه حرمة ، وتلاقيه مش بيعرف يتوضا أساساً

إحنا حالتنا بقت وحشة أوي ، ربنا يتوب علينا

**Dr Ahmed** · 17-09-2010 11:04 PM

والدى الله يرحمه عامل كولدير أمام البيت بقاله سنين

فى عمق الليل لقينا واحد بيخبط على باب العمارة بعنف اتخضينا لقيناه بيقول الحقوا الكولدير

لقيناه بيكب ماء فى الشارع بغزارة من وقت الله يعلمه

الحرامى سرق ال 3 حنفيات وسابه يدلق فى الشارع

3 حنفيات تتباع فى الروبابيكيا بجنيه ونص ياخد قصادهم قد إيه سيئات؟

منتهى الغباء والدونية والنجاسة

**elgabry1977** · 18-09-2010 01:09 AM

ربنا لا تؤاخذنا بما فعل السفهاء منا

**ashraf_msd** · 18-09-2010 01:28 AM

الحرامي حرامي

ايه الفرق انه يسرق بيت او يسرق مسجد؟؟؟ هو هيسرق ويتحرى الحلال؟!!

**m_car** · 18-09-2010 01:29 AM

السفهاء كتير اوى اوى اوى وحاجة تخنق بجد

الواحد بقا بيشوف كل يوم حاجات تقرفة اكتر من اليوم اللى قبله
انا مش بقول انى ملاك ولا جاى من السما بس بجد انا مشفتش كده والحياة بقت تقرف اوى

**mody_halawa** · 18-09-2010 01:37 AM

حسبى الله ونم الوكيل

**AmAhmed** · 18-09-2010 01:40 AM

الجامع الكبير اللي جنبنا كل يوم بيتسرق من القائمين علي المسجد و بيصرفوا اغلب التبرعات علي انفسهم
و الامن سعيد بهذا الحال و لا يتدخل و هم بلطجية لا يستطيع احد الوقوف امامهم

و من كام يوم ضبط احد عمال المساجد رقيب او امين شرطة بيكسر صندوق التبرعات و مكنش فيه غير 7 جنيه و بلغ عنه الشرطة و بيحققوا معاه

و مساجد آل البيت مثل السيدة زينب و سيدنا الحسين استولي عليها عمال هذه المساجد و يتركون الشيعة يفعلون فيها ما يحلوا لهم و الناس اشتكت لمكتب وزير الاوقاف و الاجرائات التي اتخذها لم تغير شئ من الوضع

مرحبا بنا في مصر 2010

**m_car** · 18-09-2010 01:55 AM

مصر بلد العجائب السبعة والعشرة والخمستاشر عجيبه

احنا بقينا 80 مليون عجيبه

**ahmed ismail** · 18-09-2010 02:13 AM

فى مصر بنشوف حاجات عجيبه
يعنى الكولدير من كتر ما الحنفيات بتاعته بتتسرق بقيت اشوف كولديرات الحنفية بتاعته زرار كهرباء كده
و حنفيات الوضوء بقيت كلها بلاستيك
منه لله بقى اللى غلا الحديد و خلى كل الناس تلم اى حديدة من الشارع عشان يبيعوها وبابكيا مسروقة بتراب الفلوس و تتسيح فى المصانع بتاعته و يرجع يبعهلنا تانى بالسعر العالمى مع انه بياخد الطاقة مدعمة من الحكومة و بيدفع ضرايب 20 بس و ده مش موجود فى اى حته على سطح الكوكب الشريحة اللى بتبيع زيه فى اى حته فى العالم بيتاخد منها ضرايب 80 %

الموضوع: الجامع عندنا اتسرق !! حسبى الله ونعم الوكيل

LinkBack

أدوات الموضوع

عرض

الجامع عندنا اتسرق !! حسبى الله ونعم الوكيل - انشر الموضوع فى :

-

-

-

-

-

-

المواضيع المتشابهه

حسبى الله ونعم الوكيل

حسبى الله ونعم الوكيل

حسبى الله ونعم الوكيل

حسبى الله ونعم الوكيل

الكلمات الدلالية لهذا الموضوع

المفضلات

المفضلات

ضوابط المشاركة