المشاركة الأصلية كتبت بواسطة nono533223
انا كنت في نفس حيرتك و اول مرة هسوق و برده يا دوب وفرتتمن عربية بس لقيت لو جبت مستعمل هصرف عليها غير اكيد هتخسر و لو نسبة صغيرة لما تبيعها غير تعب المشاكل فا لحمد لله جبت اللوجان و اهه بتعلم واحدة واحدة و صدقني معظم الخبطات بتبقي قدر نتيجة اخطاء اخرين للاسف كتير مش بيتبعوا اي قوانين فانت لازم تاخد بالك و كبداية متعديش ال 40 كم/ساعة و يكون دايما معاك حد بيعرف يسوق و اطلع في الوقت اللي بعد الفجر ده اتمرن علي الشوارع واحدة واحدة ظبط معا واحد زميلك يكون عنده خبرة و متقلقش اللوجان هتساعدك اوي بزات في المطبات
و خليك هاديي و مهما سمعت كالاكسات طنش امشي في حارتك بالسرعة اللي تعجيك مفروض يمين بس الميكروبصات هتقرفك فخد يا نص يا شمال لو اتزنقت بس دايما بص في مراياتك و خد الموضوع واحدة واحدة يعني مثلا اقلها اسبوعين تجرب نفسك في عدم و جود زحمة ثم واحدة واحدة اتمرن علي المطالع و علي تقدير جسم عربيتك براحة كده و ربنا معاك و معانا انا لسا اهه اول اسبوع و الحمد لله ماشية كويس