الموضوع: محتاج رايكم ضرورى - جزاكم الله كل الخير

بسم الله الرحمن الرحيم :

انا محتاج رايكم ضرورى يا جماعه لان انا فى الحقيقه فى حيرة من امرى ولانى باحترم رايكم جدا وبثق فيه فبطلب منكم انكم تنصحونى .
انا يا جماعه عاوز اشترى عربيه ودى اول عربيه لى ولم يسبق لى شراء اى سيارة من قبل وقد قمت باستخراج رخصة قيادة من حوالى ثلاثة اشهر تقريبا وعدد مرات قيادتى للسيارات قليله جدا ولا تتعدى عشر مرات وعلى سيارات متنوعه لاصدقائى او اثناء تعلمى القيادة ....
المهم ان انا عاوز اشترى عربيه زيرو والحمد لله استطعت بصعوبة توفير ثمن احدى الانواع التى اعجبت بها بعد سؤال كثير عنها ولكن لعدم برتى فى قيادة السيارات اسمع كثير من النصائح بانى يجب ان شترى سيارة مستعمله فى الاول علشان اتعلم عليها وبعد كدة ابقى اجيب جديد ( وفى الحقيقه انا حاولت انى ادور على عربيه مستعمله ومش متهانه وما تتعبنيش عند الميكانيكيه وما يكونش مبالغ فى سعرها ولم اجد او لم اتوصل الى سيارة بكل هذة المواصفات )
وفى رأى تانى بأسمعه( انه مش لازم اجيب مستعمل لانه ها يطلع عينى ومش ها يريحنى وبعدين العربيه الجديدة ممكن تتخبط منى بعد ما اجيبها حتى لو انا متمرس على القيادة من فترة طويله حتى وهى واقفه تحت البيت فا ما تتعبش نفسك وتجيب مستعمل )
دول الرأيين الى انا باسمعهم باستمرار وانا فى حيرة من امرى ....
واسف على الاطاله وعاوز رايكم ويا ريت يكون عن خبرة فى المجال دة ...
ولكم جزيل الشكر