الف مبروك على البيع يا ابو حميد
وان شاء الله ربنا يوفقك في عربية اجمد منها ولو اني عارف انك مش هتقتنع الا بالألماني
عرض للطباعة
الف مبروك على البيع يا ابو حميد
وان شاء الله ربنا يوفقك في عربية اجمد منها ولو اني عارف انك مش هتقتنع الا بالألماني
العربيه اللى هتيجى هتبقى قسط فا على كل الأحوال السعر اللى هيحكم
حسبى الله ونعم الوكيل فى الجمارك اللى تخلى الواحد يتنازل عن فكر هو مقتنع بيه انو سليم 100*100
وعمتا الموضوع بالنسبالى بالنسبه للعربيه
بقى وسيله مش غايه
كنت الأول غاوى ركوب عربيات محترمه لكن دلوقتى الوضع أختلف وبقى فى ظروف تانيه هى اللى بتحكمك فى اختيار العربيه
ربنا يعوض عليك بأفضل منها
و يسترها معاك و معانا
تصدق زعلتني وانا لسه جايب البولو وكنت متابع حضرتك قبل ما اجيبها
وقلت فرصه نتعرف على حضرتك ونستفيد بخبراتك في عالم الفولكس وخصوصا البولو
قدر الله و ماشاء فعل بصراحه هيا عربيه تتحب ربنا يوفقك في اختيار العربيه اللي تحبها
خطفتني اول ماركبتها وللهي لا كوري ولا ياباني لدرجه ان صاحبي معاه كورلا العيون
قالي بدل و مش مشكله فرق فلوس xD
وفعلا اللي يركب الماني ما يعرفش يركب غيره
الله المستعان
ليه كده يا حماده يعني بعد الشغل والتسقيط واللي عملته ده كله تيجي تغير
علي العموم ربنا يوفقك للخير ان شاء الله وده حال الجميع في مصر من الصعب جدا ركوب الألماني او حتي ريحته جديد في مصر مع ظل ظروفنا جميعا ومع ظل النهب اللي شغال علينا من الجمارك والتوكيلات وخلافه وربنا يعيننا ويوفقنا لما يحبه ويرضاه ولا تنسي الاستخارة اكثر من مرة قبل الشراء وبنية صادقة حتي يوفقك ربك للخير
ربنا يوفقك فى الاحسن منها باذن الله بس سؤال كده الاسعار عامله ايه وبعت ازاى؟
بالرغم من انى مقبلتكش ومعرفتكش كويس لكن كان فيه معزة مابينى وبينك والله العظيم انا حزين وفى نفس الوقت هدعيلك ربنا يوفقك فى اختيار سيارة أفضل من البولو وربنا يكرمك باحسن منها وياريت ماتتطلعش من القسم حتى لو غيرت ونشوفك ونشوف ردودك الغاليه علينا ومتحرمناش من وجودك الغالى فى القسم والله مش هيبقى ليه طعم وربنا يوفقك مره تانية
أنا فعلا ناوى وكيل
ياااااااااااااااااااااااا ااارب أمين
انا طبعا مش هاين عليا عشرتها بس مفيش مفر من القدر والنصيب
والله يابوب انا متحركتش خطوه الا لما استخرت الله والحمد لله على كل حال
الأسعار كانت فى اليوم دا أعلى سعر 35 والتجار أستهبلو وحطو 32 بس على مين
أنا كنت طالب 39500 وخلصت مع واحد محترم جدا على 37000 بس رفعت كل الكماليات الزياده اللى كنت حاطيطها فيها طقم الصوت والزينون والدفى دى
وانت من ساعه مسجلت عضويتك وانا بحب أناكفك واشاكس معاك هههههههههه
وطبعا هفضل وسط أخواتى ومش هتأخر عليهم بأى معلومه أساعد بيها ومن فات قديمه تاه ولا أيه
بجد شعوركم دا خلى عينى دمعت مرتين
مره على أحساسكم الحلو اتجاهى
والتانيه على فراقى للعربيه وخصوصا أنها كانت وش خير عليا وعشره اربع سنين والعشره متهونش الا على ولاد الحرام ههههههههههههه