الوداع بولو الوداع فولكس

**M.Mostafa80** · 22-09-2010 02:47 PM

المشاركة الأصلية كتبت بواسطة smalltoto

خسااااره لشركة فولكس وخسارة للقسم يا استاذ محمد
مبروك بيع العربيه وربنا يباركلك فى الجديده يارب
واتمنى متنساناش الواحد لازم يلجأ لخبرة حضرتك الكبيره
وبالتوفيق ان شاء الله

مش للدرجادى ياراجل
الله يبارك فيك وانا تحت أمركم كلكم

المشاركة الأصلية كتبت بواسطة meladadel

ربنا يرزقك بأحسن منها يا محمد... انت انسان محترم وطيب وبتحب الخير وعلشان كده ايا كانت العربيى اللى هتجيبها فربنا هيباركلك فيها ويكفيك شرها ان شاء الله. وده مش معناه انك هتنسى المنتدى بعد السنين دى.... ربنا يهديك للإختاير الصحيح ويرزقك وتركب احسن من اللى بتفكر فيه كمان... عمرى ما هنساك كأخ ومش هبطل اكلمك بعد ما اسلم عليك طبعًا استشيرك والسلام عليكم

ربنا يخليك ياميلاد على دعواتك الجميله دى كلها هو دا الكنز الحقيقى اللى طلعت بيه من المنتدى محبه الناس ودعائهم ليا
وطبعا فى اى وقت انا تحت أمرك وأمر أى حد فى منتدانا الجميل فولكس
أنا هعتبر نفسى واحد منكم بردو بالرغم من بيعى العربيه

**Islam_galal** · 22-09-2010 03:09 PM

إن شاء الله ربنا يرزقك أحسن منها
و شوية و ترجع للألماني تاني . . . . قول يا رب

**M.Mostafa80** · 22-09-2010 07:28 PM

المشاركة الأصلية كتبت بواسطة islam_galal

إن شاء الله ربنا يرزقك أحسن منها
و شوية و ترجع للألماني تاني . . . . قول يا رب

ياااااااااااااااااااااااا ااااااااااااااااااااارب
يأسلام
مش متخيل الموضوع ده مقلقنى قد أيه

**elshrpeny** · 22-09-2010 08:50 PM

المشاركة الأصلية كتبت بواسطة m.mostafa80

حتى الأن مستقرتش بس انها هتبقى ألمانى فا للأسف مش هتبقى المانى لأنى مش هقدر على سعر الزيرو فى الألمانى أما انها فئه أعلى فا أكيد عشان وضعى الأجتماعى والأسرى بقى محتاج عربيه أكبر

طيب و أنت إية إلى يخليك تجيب زيرو يا محمد ما بتمن الزيرو دا تجيبلك حاجة ألمانى تكون حالتها نظيفة ؟
ولا أنت تفكيرك أزاى ؟

**Mostafa.Mahran** · 22-09-2010 09:02 PM

بعد التعب ده كله و حوار التسقيط هتهون عليك البولو

بس على العموم طالما هتاخد خطوة اعلى يبقى ربنا معاك و يوفقك

بس فكك من السيراتو و شوف حاجة تانية

**ahmed_gman** · 23-09-2010 02:20 AM

السلام عليكم ورحمة الله وبركاته
ازيك يا ابو حميد يا عسل يا فاكهة القسم كل عام وانت بخير والاسرة
واللهى انا بقالى فترة منقطع لظروف بس خير والحمد لله بس اول لما شوفت الموضوع قلت مينفعش اعدى من غير ما ارود واسلم
اولا الف مبروك عامتآ فكرة التغير وان شاء الله للاحسن دائمآ
ثانيآ ربنا يعوض عليك خروجك من الالمانى
ثالثآ فكرة الزيرو فى الفترة الحالية اربح شئ الانسان يفكر فيه بجد احسن فكرة فعلن بالنسبة لك ولكل من فى وضعك
وانا واللهى بفكر فى هذه الفكرة مثلك تمامآ والله المستعان

واخيرآ انا ارى فى كلامك انك ناوى والله اعلم على ال س ي ر ا ت و والله اعلم
طيب ايه رأيك فى السول شايف فيها انها هاتش باك وكاجول كده وقليلة

وان شاء الله ربنا يوفقك للخير وللأحسن وتكون خطوة مع الكورى وبعدهــــــــــــــــــــ ــــا هوب للالمانى مرة اخرى مع البسات او البى ام
خالص دعواتى لك بكل خير
والسلام عليكم ورحمة الله وبركاته

**original** · 23-09-2010 10:46 PM

ربنا يوفقك يا محمد..

**M.Mostafa80** · 23-09-2010 11:07 PM

المشاركة الأصلية كتبت بواسطة elshrpeny

طيب و أنت إية إلى يخليك تجيب زيرو يا محمد ما بتمن الزيرو دا تجيبلك حاجة ألمانى تكون حالتها نظيفة ؟
ولا أنت تفكيرك أزاى ؟

الكلام دا لو معايا ثمنها زيرو لكن انا هجيب قسط وصدقنى لو كان معايا مكنتش ترددت لحظه

**M.Mostafa80** · 23-09-2010 11:17 PM

المشاركة الأصلية كتبت بواسطة Eng.M Mahran

بعد التعب ده كله و حوار التسقيط هتهون عليك البولو

بس على العموم طالما هتاخد خطوة اعلى يبقى ربنا معاك و يوفقك

بس فكك من السيراتو و شوف حاجة تانية

والله يامصطفى على عينى بس خلاص للأسف مبقاش ينفع العين بقت راشقه وش وبينى وبينك
مش هستنى لما اموت فيها انت عارف انا كنت مهتم بيها أزاى

المشاركة الأصلية كتبت بواسطة ahmed_gman

السلام عليكم ورحمة الله وبركاته
ازيك يا ابو حميد يا عسل يا فاكهة القسم كل عام وانت بخير والاسرة
والله انا بقالى فترة منقطع لظروف بس خير والحمد لله بس اول لما شوفت الموضوع قلت مينفعش اعدى من غير ما ارود واسلم
اولا الف مبروك عامتآ فكرة التغير وان شاء الله للاحسن دائمآ
ثانيآ ربنا يعوض عليك خروجك من الالمانى
ثالثآ فكرة الزيرو فى الفترة الحالية اربح شئ الانسان يفكر فيه بجد احسن فكرة فعلن بالنسبة لك ولكل من فى وضعك
وانا والله بفكر فى هذه الفكرة مثلك تمامآ والله المستعان

واخيرآ انا ارى فى كلامك انك ناوى والله اعلم على ال س ي ر ا ت و والله اعلم
طيب ايه رأيك فى السول شايف فيها انها هاتش باك وكاجول كده وقليلة

وان شاء الله ربنا يوفقك للخير وللأحسن وتكون خطوة مع الكورى وبعدهــــــــــــــــــــ ــــا هوب للالمانى مرة اخرى مع البسات او البى ام
خالص دعواتى لك بكل خير
والسلام عليكم ورحمة الله وبركاته

ازيك يأبو حميد ياجميل
أنا عايز عربيه عائليه تصلح لأسره مكونه من 4 افراد كل اللى تحتاجه تغيير زيت وفلتر وتكون منتشره وسهله البيع فى حاله أمكانيه التغيير بعد سداد القسط ولأول مره بسيب دماغى للسوق وأعمل اللى السوق بيقول عليه مش اللى دماغى بتقول عليه عشان خلاص العضمه كبرت وعايز حاجه تريحنى ولونها هتزنقنى كتير

المشاركة الأصلية كتبت بواسطة original

ربنا يوفقك يا محمد..

ربنا يخليك يأبو حميد ياجميل أخبار اللى بالى بالك ايه

**ahmed_gman** · 24-09-2010 01:59 AM

الله المستعان
واللهى انا بفكر بنفس فكرك بالضبط بس متحير ما بين السيراتو والسول
وبصراحة السيراتو كلت السوق ووقعة كل الى حواليها وهى بشهادة الجميع انجح عربية فى حدود السعر
عامتآ انتم السابقون ونحن الاحقون وانا فى انتظارك فى هذه التجربة الكورية
والله الموفق