انسحابيه
عرض للطباعة
انسحابيه
ياااه الموضوع مش مستاهل خالص...عادي.
و الجملة دي باسمعها كتير..زمايلى فى الشغل بيقولوها على طول نوع من السخرية من موقف معين.
هو ممكن زي ما قلتم ان حظك يا سوما اليومين دول كان فى قصف صواريخ متبادل و محبتش اشارك كنت بتابع بس و اكيد المشااحنات دي عمل ضيق لبعض الأعضاء :)
و كمان اللى بيتابع مشاركاتك فى كذا موضوع يعرف انك مش هتقصدي تهينى أي حد تحت أي ظرف و أن طبيعتك مسالمة :) بعدين مينفعش تمشي من قبل ما نعرف مكان الكافيه.
الاعتذار من شيم الرجال
مش بنقصد بيه انك راجل :-)
لكن بقى دي صفه حميدة من صفات الرجوله وهي الشجاعة
وماعتقدش ان في عضو يرفض اعتذارك الكريم
تحياتي لشجاعتك الادبيه
وفعلا مدام نور ياما بعتتلي اوقفها لما خدت مواقف من المنتدى :-)
وسيبتها براحتها ورجعت تاني
اصلنا كلنا اهل وعيلة واخوة
واتقابلت الوشوش وكلنا مع بعض عيش وملح
مش صفحة انترنت كتبنا عليها ويجي موقع يتوقف تروح الشخصيات
لاء
دي ناس من لحم ودم اتقابلت ونمر تليفونات اتسجلت واصحاب اتجمعو ووقفو جنب بعض في فرح وشدة
من الاخر دخولك هنا سهل
لكن خروجك صعب جدا كقرار تاخديه لانك مش هاتلاقي اصحاب بجد كدة تاني
تحياتي
كريم باشا أزيك و الله كلامك دة بيكبرك دايما فى نظر الناس و بجد انت عشرة على عشرة و الله بتهتم بكل الناس ربنا يوفقك و لو سوما ما رجعتش نقطع البنزين عن عربيتها هههههههههه
اسمحيلي يا استاذه سومه اقولك رأي الشخصي المتواضع...
بالنسبه ليا الانسان اللي يغلط, و يقاوح و يقول انا مش غلطان مهما تقدمله
من دليل, و نقنعه انه غلطان فعلاً... ده انسان بيخسر احترام الناس للاسف
لكن الانسان اللي يغلط, و يعترف فعلاً بغلطه, و يواجه, و يقول انا غلط
و يعتذر كمان... ده انسان بيكسب احترام كل الناس, و بيكبر اكتر في نظرهم
انتي دلوقتي غلطتي, و اعترفتي بغلطك, و اعتذرتي عنه و اكتر من مره
يبقى انت و زي ماهو واضح جدااا من ردود افعال الاعضاء انك كبرتي في نظر الجميع,
و احترام كل الناس ليكي زاد عن الاحترام اللي موجود بالفعل... (و انا واحد منهم )
يبقى ليه تمشي و تسيبي بيتك التاني..؟؟؟ ما كلنا بنغلط, و كلنا بنسامح...
عند الله (( خير الخطــائين... التــوابين ))... ده عند الله سبحانه و تعالى
فما بالك بالبشر..!!؟ اللي يعتذر عن غلطه فينا مش يبقى خيرنا برده..؟؟؟
ارجو اني اكون قدرت اوصلك وجهة النظر, و ارجو انك تتفهميها و ترجعي
عن قرارك في ترك المنتدى, و يا ريت اشوف موضوع باسم
Soma_Sooma قريب جدااااا في القسم هنا...
صلى على النبى كدة
وارجعى عن اللى فى دماغك ومتكبريش الموضوع
اكيد محدش يقصد يزعلك يعنى
بقالنا كتير ماشوفناش موضوع من الكافية ولا حتى من قهوه صغيره