عرض للطباعة
السلام عليكم ورحمة الله وبركاته ازي اخواتي اللي في المنتدى كلهم ان شاء الله تكونوا كلكم كويسن وبالف صحه وعافيه معلشي ياشباب كان ليا استفسار صغنن هو الجنط ال17 بتاع السيراتو كوبيه يركب على العربيه العاديه السيدان ولا فيها مشكله ولو ينفع هل لو ركبته بره العافشه بتاعت العربيه تخرج بره الضمان اصل انا عندي سيراتو الشكل الجديد بس مانيوال وكنت عاوز اعرف هلى ينفع اغير الكاوتش اللي فيها بال الجنط ال17 بتاع الكوبيه ولا لاه وشكرا ليكم كلكم ومعلشي بتعبكم معايا باسئلتي الكتييييييييير
لا يا باشا مش حا تخرج من الضمان ولا حاجه بس خد بالك الجنط ال 17 بيزود نشوفيه العربيه بس بيدي ثبات انصحك بالذات في السيراتو خليك في ال16
شكرا على ردك ومعلشي تعبتك معايا انا بس هاركبه علشان الشكل مش علشان جري وكده فبس وشكرا مره تانيه على ردك
باشا الجنط ال 17 شكلة حلو و ثبات كويس بس مش عملى فى شوراع بلدنا...نصيحة خليك فى ال 16 و بردة شكلة شيك و مشكلة اقل بكتير من الجنط ال 17. ميزات الجنط 16:اقتباس:
المشاركة الأصلية كتبت بواسطة jimmy86
و فرق الثبات بين الجنط 16 و 17 مش حتحس بيه.
- اقل نشوفية من ال 17
- تحمل اكثر للشوارع المكسرة و الحفر و مش حيطلع بلالين زى 17
- راحة اكتر لعفشة العربية
اللي معاه جنط 17 نفسه يخلص منه (اللي انا اعرفهم يعني)... بجد العربية بالجنط ال17 لا تطاق
شكرا ياجماعه على كل ردودكم انا عارف والله مشاكل الجنط ال 17 وكل حاجه بس المشكله ان الجنط ال16 بتاع السيراتو مش عاجبني خالص شكله عادي فانا قلت ابص على كل جنوط السيراتو وده اللي لفت نظري وان اشاء الله بالنسبه للبلالين ربنا يعينا على المحافظه على الكاوتش ده وشكرا تاني مره واسف اني تعبتكم معايا في صحيح حاجات كان واحد قالهالي زمان بس عارف الموضوع ده صحيح ولا لاه :
اولا ان قطر الجنط بالكاوتش في كل الفئات بيبقى واحد يعني لو جنط 15 بالكاوتش هايدي نفس الارتفاع بتاع جنط 17 بالكاوتش لان كده او كده بيعوضوا الزياده في الجنط بانهم يقللوا سمك الكاوتش
ثانيا بالنسبه للبلالين شخص تاني قالي حاجه غريبه انا فعلا وانا بره في دول الخليج سمعت الموضوع ده ان في كاوتش بيبقى معمول من اسلاك كده يعني البناء الداخلي ليه بيبقى كده فقالي ان ده مصيبه سوووده وقالي ان ده لو بس اي خبطه فيه بينفجر يعني من الاخر حوار البلالين ده بيظهر فيه وقالي بقى في نوع تاني بيبقى باين الصناعه الداخليه بتاعته معمول مش من اسلاك بيبقى خيوط بس مش عارف من مادة ايه كده قالي ده بقى ان شاء الله لو عملت فيه ايه ولا الهوا يعني من الاخر ياجماعه اللي انا توصلتله فعلا ان المشكله في نوع الكاوتش اللي نازل في العربيه من اسوا واردا الانواع وحسبي الله ونعم الوكيل بس اللي صدمني بقى ان الراجل قالي على ماركات من النوع الاول ماكنتش مصدقه بقى في الحته ده
قالي الميشيلان فيه المشكله ده وقالي ان احسن نوع بيريلي قال ده 100 100 ويستحمل معاك انا قولت اقولكم على المواضيع ده علشان لو هي صح او غلط نستفيد والله المستعان واه صحيح ملاحظه لاحظتها ان العربيات الخليجي بتنزل بكاوتش انضف من الوكيل بمراحل يعني الكومهو اللي بينزل فيه كوري اما للاسف هنا الوكيل بينزل كومهو فيتنامي يعني حاجه تشل يلا ماعلينا ادي بلدنا ولازم نحبها
يا باشاانت كده كده حا تشتري معلش استحملني الجنط الواحد في التوكيل ب 1500 جنيه يعني 5 ب 7500 جنيه دول بقا تجيب بيهم احلي جنط فيكي يا مصر ومش كوري دا انت ممكن تجيب ايطالي او الماني كمان واشكال احلي من كده كمان وانصحك برده با16 عن تجربه البلد دي ما ينفعش فيها 17 خالص
لا ماانا مش هاجيبهم بالتمن ده انا واحد صحبي عارضهم عليا ارخص من كده بكتير وصحبي ده ضامنه يعني ان شاء الله مش هايضحك عليا انا طبعا عارف ان 7500 دووول يجيبوا بلاوي وايطالي فعلا وكل حاجه بس انا علشان الفرصه قدامي اني اجيبهم بتمن ارخص من التوكيل بكتير فقلت اغتنم الفرصه وشكرا على ردك
ههههههههه انت كده جبت مربط الفرس اسال نفسك بقا صحبك بيبعهم ليه وحا يخسر فيهم ليه