نيسان صنى 2011 المصرى و لا الخليجى الجديدة (سكالا)

**eggroup** · 18-09-2010 02:27 AM

الحقيقة أنا قريت كل المواضيع اللى مكتوبه هنا و مقتنع تماما بالنيسان صنى و بالفعل قمت بحجزها عند السبع اوتوموتيف و هناك وجدت السكالا و سألت عنها و عرفت من خلال جولاتى على النت ان الصنى موديل 2010 فى الخليج هى اللى نازله مصر باسم رينو سكالا و كلكم طبعا تعرفوا ان نيسان و رينو شركة واحده.

دلوقتى انا متحير اجيب النيسان صنى الأتوماتيك ب 89000 جنيه و الا السكالا الأتوماتيك اللى هى برضه صنى بس الموديل الجديد ب 97000 جنيه.

ردودكم حتأثر كتير على قرارى فى الشراء خصوصا ان توكيل رينو ايضا من التوكيلات المحترمة فى بلدنا.

و شكرا.

**Bishoy.Girgis** · 18-09-2010 02:49 AM

برجحلك الصني في المقام الاول طبعا

**egypt0777** · 18-09-2010 02:50 AM

صراحة ان بستغرب من وكلاء السيارات فى مصر و مدى استخفافهم بالستهلك المصرى

ليه ما نزلوش الشكل الجديد باسمه الموجود فى اى بلد تانى محترم ليه لازم يغيروا فى الاسم --- فى اى مكان فى العالم اكيد عمرك ما حتسمع عن الاسكالا ده خالص لانها ببساطة هى النيسان صنى الجديده

انا انصحك خليك فى الاسم الصيحيح و خليك فى النيسان
وللعلم الاسكالا ده تقفيل برازيلى

خليك فى النيسان اليبانى
الاسكالا ده فشل من رينوا انهم ينزلوا عربية بالاسم ده و الناس كلها عارفه انها هى النيسان صنى الشكل الجديد

**mohamedbook** · 18-09-2010 02:58 AM

هي هي نفس السيارة مع تغير شكل الفونيس فقط اما الموتور وكل شيء والتابلوة متغير حاجة بسيطة
مش مستهلة الفرق الكبير ده
من وجهة نظري ان المصري افضل بكتير من السكلا عشان انا شفتها في المعرض ومعجبتنيش

**moody1** · 18-09-2010 03:02 AM

نصيحتى خليك فالنيسان

لان الرينو قطع غيارها غالية وسعر اعادة بيع واقع

انما الصنى عربية جميلة و منتشرة و يوم لما تغير مش هاتخسر فيها جامد زى الرينو

كمثال الميجان الزيرو ب 140 الف

بتتباع يوزد ب 70 و 75 الف

**Bishoy.Girgis** · 18-09-2010 03:04 AM

بصراحة و انا كمان الاسكالا معجبتنيش شكلها خالص خالص و علي فكرة هي من جوة زي الصني بالظبط و بتفرق في الدريكسيون بس

**eggroup** · 18-09-2010 03:56 AM

شكرا للردود السريعة و الأجماع يا شباب.

و انا حامشى ورا كلامكم و اتكل على الله و اشترى الصنى لأنى برضه شايف ان الفرق كبير فى السعر.

شكرا جزبلا

**Bishoy.Girgis** · 18-09-2010 04:04 AM

You always welcome anytime

**eggroup** · 18-09-2010 04:19 AM

طيب سؤال تانى معلش انا طمعت فيكم!

انا حاشترى الصنى كاش ان شاء الله و السؤال هو:

صنى كاش ام سيلفى تقسيط؟

مع العلم بانى اقدر ادفع القسط باذن الله بس هل الفرق يستاهل مع العلم بانى سألت عليها و لقيتها ب 143000 جنيه اى ان هناك فرق سعر 54000 جنيه بالتمام و الكمال!!!

-----------------
اللون الاحمر خاص للمداخلات الادارية , ولذلك تم تغير لو الخط
يرجى مراجعة قوانين وقواعد المنتدى

1:22 pm
18-9-2010

مشرف القسم
19ب

**Hossam_Zaky** · 18-09-2010 04:45 AM

لو انت وصلت لرقم الـ140000 اكيد حتلاقي اختيارات تانية غير السيلفي لأنها و الله أعلم مش منتشرة و مش واخدة حقها علما بأنها صناعة نيسان الصين أسأل علي أسعار الكرولا أو السيفيك ( توصل 150 ) أو ممكن الكروز الفئة العالية أو الكارينز

ممكن تدخل علي موقع 00000تعرف ايه المتوفر في حدود السعر

---------
لقد خالفت القاعدة رقم 17 من قواعد وقوانين المنتدى
يرجى مراجعة قواعد المنتدى

2:37 pm
18-9-2010

مشرف القسم
19ب