تفاصيل مقابلة الاوبل - سبتمبر 2010 - نايل موتورز

**waoola_78** · 19-09-2010 02:22 AM

السلام عليكم
اخواتى الاعزاء

بصراحه كانت مقابله حلوه قوى قوى وانبسطت قوى ان وليد جارى فى حلوان ووصفنا لبعض بيتنا وان شاء الله نتقابل تانى . اما عمنا طنانى فالراجل حدوته تانيه خالص . انا بصراحه حاولت انى اقابله قبل كده مرتين بس مع الاسف ماكنش فيه فرصه لان عربيتى فيها سبعين ثمانين حاجه فى بعض عايزة تتصلح فما صدقت لقيته . المهم انا يدوبك بكلم فى اول مشكله ماكلمتش كلمتين قالى افتح الكبوت - دور عندك كذا . ماشى . خدنا قعدتنا وقولت بقى بالمره اكمل بقيت المشاكل الكتييييييييررر . لسه بقوله فى كمان كذا قالى قوم سيبنا الناس وروحنا على العربيه افتح الكبوت - دور - جرب - وراح غاطس جوه الموتور يا عم يهديك يرضيك ابدا لازم اصلحها . يا عم نتفق واجيلك عند الميكانيكى بتاعك . ابدا هاصلحها . يا عم هابيعها بسببك . لا يمكن هاصلحها .
لدرجة انه بعد ما اتعاص شحم وراح يشوف عربية الليثى السنتر بتاعى مش عايز يقفل ابدا ومكسوف اقوله روحت سايب العربيه تزمر وماشى لقيته بينادى عليا وبيقولى اقفل نور التابلوه وهى هاتقفل قولتله والله كنت مكسوف اسألك لاتروح مشمر وفاكك الباب ومنزل الضفيره وتبقى شغلانه .
ربنا يباركلك يا طنانى ويباركلك فى ولادك

وعجبنى كمان شغل السماعات اللى الرجاله عاملاه فى عربيتها ونويت ان شاء الله بعد اما اصلح كل حاجه فى عربيتى هاجيب طقم صوت كاسيت وسماعات صينى تحفه

اما تامر ده بقه حكايه ملامحه بس تخليك تحبه ودمه زى العسل بس ربنا يحرسه وهو سايق الصينى

تحيه لكل اللى قابلتهم ويارب تتكرر على طول
وتحيه خاصه لمحمد اسامه اللى جامعنا و للاستاذ طنانى عمنا وعم الشباب الاوبلاويه

**M.Osama** · 19-09-2010 04:00 AM

المشاركة الأصلية كتبت بواسطة waoola_78

السلام عليكم
اخواتى الاعزاء

بصراحه كانت مقابله حلوه قوى قوى وانبسطت قوى ان وليد جارى فى حلوان ووصفنا لبعض بيتنا وان شاء الله نتقابل تانى . اما عمنا طنانى فالراجل حدوته تانيه خالص . انا بصراحه حاولت انى اقابله قبل كده مرتين بس مع الاسف ماكنش فيه فرصه لان عربيتى فيها سبعين ثمانين حاجه فى بعض عايزة تتصلح فما صدقت لقيته . المهم انا يدوبك بكلم فى اول مشكله ماكلمتش كلمتين قالى افتح الكبوت - دور عندك كذا . ماشى . خدنا قعدتنا وقولت بقى بالمره اكمل بقيت المشاكل الكتييييييييررر . لسه بقوله فى كمان كذا قالى قوم سيبنا الناس وروحنا على العربيه افتح الكبوت - دور - جرب - وراح غاطس جوه الموتور يا عم يهديك يرضيك ابدا لازم اصلحها . يا عم نتفق واجيلك عند الميكانيكى بتاعك . ابدا هاصلحها . يا عم هابيعها بسببك . لا يمكن هاصلحها .
لدرجة انه بعد ما اتعاص شحم وراح يشوف عربية الليثى السنتر بتاعى مش عايز يقفل ابدا ومكسوف اقوله روحت سايب العربيه تزمر وماشى لقيته بينادى عليا وبيقولى اقفل نور التابلوه وهى هاتقفل قولتله والله كنت مكسوف اسألك لاتروح مشمر وفاكك الباب ومنزل الضفيره وتبقى شغلانه .
ربنا يباركلك يا طنانى ويباركلك فى ولادك

وعجبنى كمان شغل السماعات اللى الرجاله عاملاه فى عربيتها ونويت ان شاء الله بعد اما اصلح كل حاجه فى عربيتى هاجيب طقم صوت كاسيت وسماعات صينى تحفه

اما تامر ده بقه حكايه ملامحه بس تخليك تحبه ودمه زى العسل بس ربنا يحرسه وهو سايق الصينى

تحيه لكل اللى قابلتهم ويارب تتكرر على طول
وتحيه خاصه لمحمد اسامه اللى جامعنا و للاستاذ طنانى عمنا وعم الشباب الاوبلاويه

ربنا يخليك يا وائل.. انا اللي اتشرفت بمعرفتكم والله

وتحيه لتامر وللفسبا الصيني بتعته كمان مره

**abdelaziz-waleed** · 19-09-2010 04:28 AM

بجد بجد كانت مقابلة جميلة جدا جدا جدا واللي ماجاش فاته كتيييييير
من اجمل مقابلات اوبل اللي تمت حتى الان والعدد كان ما شاء الله وكان ليا الشرف اني اتعرف على ناس كتير
محمد طناني باشا شخصية زي العسل وكان التركيز عليه قوي واستغل اسوأ استغلال وهو اللي حاسب على المشاريب في الاخر. الف شكر ليك يا كبيرنا ونردهالك في الافراح ان شاء الله
طبعا جاري الغالي وائل باشا وائوول78 اللي طبعا لازم هيكون فيه بينا مقابلات ثنائية كتير ان شاء الله
والغاليين اللي اتشرفت بيهم محمد زعتر Opelawy واحمد الطحاوي Brainstrorm ومحمد سمير opel_rekord

المشاركة الأصلية كتبت بواسطة M.Osama

طبعا مش عاوز احكي عن وليد اللي داخل يخبط في العربيات من اولها

كدة بتسيحلي يا حمادة

فعلا اغرب موقف قابلته من ساعة ما ركبت عربيات. انك تركن قدام عربية اخت عربيتك بالظبط وتقف قدامها تماما لدرجة اني ما بقاش شايف منها اي حاجة في مرايات الجنب وبما اني واقف بالعربية على مطلع ما كنتش شايف عربية احمد الطحاوي في مراية الصالون خالص ومش قادر اقدر المسافة بيني وبينها
قولت ارجع سنة صغيرة وهوب لاقيت نفسي مريح عليها

طبعا كان شكلي وحش جدا وانا عامل زي اللي لسة بيتعلم سواقة
المرة الجاية بقى يا اسامة هركن قدام عربيتك انت

المشاركة الأصلية كتبت بواسطة waoola_78

السلام عليكم
اخواتى الاعزاء

بصراحه كانت مقابله حلوه قوى قوى وانبسطت قوى ان وليد جارى فى حلوان ووصفنا لبعض بيتنا وان شاء الله نتقابل تانى .

والله انا اللي كنت سعيد جدا بمعرفتك وائل واتمنى اني اقابلك باستمرار على ارض حلوان المستقلة

**hardman20060** · 19-09-2010 05:34 AM

كان نفسي ابقي موجود والله بس ان شاء الله المره الجايه هبقي موجود معاكم

**N.a.j.d** · 19-09-2010 11:38 AM

معلش المره الجايه ياباشا

**tananybasha** · 19-09-2010 11:26 PM

توضيح هام جداً
مش انا اللى حاسبت على القعده الأولانية انا لقيت الراجل بيقولى الحساب وصل
و معرفشى مين اللى دفع و اعتقد انه وائل والله اعلم
و كان لازم اوضح النقطه دى عشان الفضل يروح لصاحبة

**Opel_Rekord** · 20-09-2010 12:02 AM

طب بما انى عارف القصه فنا هاقولها

الفضل طبعا اولا يرجع لاوبلاوى لان الراجل قام من نفسه وراح يدفع لوحدو --- راجل ذوق ذوق ذوق الحقيقه يعنى :)

بس الحمد لله لحقته وقلتله لا عالاقل نشارك معاك وكده ودخل معاه اخويا واعتقد محمد (بريين ستورم) تقريبا مش فاكر والله عشان ماقولش حد غلط

**buzaki** · 20-09-2010 08:02 AM

ياريت كنت جيت محمد اسامه كان اتصل بيا بس كنت بعمل العربيه عن السمكري وفضل شغال عامل فيها مخترع ذره للساعه 11 بليل

ياريت تحددوا ميعاد تاني قريب وان شاء الله اكون أول الحاضرين

**waoola_78** · 20-09-2010 03:33 PM

المشاركة الأصلية كتبت بواسطة tananybasha

توضيح هام جداً
مش انا اللى حاسبت على القعده الأولانية انا لقيت الراجل بيقولى الحساب وصل
و معرفشى مين اللى دفع و اعتقد انه وائل والله اعلم
و كان لازم اوضح النقطه دى عشان الفضل يروح لصاحبة

باشا
انا لقيت استاذ بيدفع فروح وقولت ادفع حسابى عشان الراجل مايكلفش كتير لانى كنت طلبت طلبات كتير

وهذا للعلم والاحاطه

-

الموضوع: تفاصيل مقابلة الاوبل - سبتمبر 2010 - نايل موتورز

LinkBack

أدوات الموضوع

عرض

-

-

-

-

-

-

المواضيع المتشابهه

انفراد .. تفاصيل زيارة أعضاء نايل موتورز لمصنع نيسان موتورز مصر - حلم تحول الى حقيقة

انفراد .. تفاصيل زيارة أعضاء نايل موتورز لمصنع نيسان موتورز مصر - حلم تحول الى حقيقة

تفاصيل اصلاح الويرا - الحمد لله - و شكر خاص لاعضاء نايل موتورز

مقابلة شهر سبتمبر (تفاصيل بالصور والفيديو)

الكلمات الدلالية لهذا الموضوع

المفضلات

المفضلات

ضوابط المشاركة