ماهي اضراا الترامادوول ........

**shooter123** · 18-09-2010 08:37 AM

ينفع كدا حولنا الحوار لهزار

فين دكاترة المنتدي يا جماعه؟؟؟؟؟؟؟؟

فلنفرض ان في شباب بيننا بياخدوه وانا يا اخونا منهم عشان محدش يقول كلمة كدا ولا كدا

ايه العلاج؟؟؟؟؟؟؟
ومحدش يقعد يفتي بقي ويقولك له اضرار جانبية مثل اي دوا لان دي معروفة وكمان غالبيتنا بنشرب سجاير وعارفين اخرتها

فين الدكااااااااااااااااااااا ااترة؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟

**homme49** · 18-09-2010 08:42 AM

المشاركة الأصلية كتبت بواسطة sniper_007

مش مجرب بس تقريبا البيئه اللي حواليا كلها مجربه
بيقولو يا باشا اللي بياخد ترامادول بيبقي نسبه تركيزه عاليه جدا جدا جدا وبالتالي بيتاخد عشان المذاكره الكتير والتطبيق والحاجات دي
او الشغل او السواقه لمسافات طويله او مشوار مهم محتاج تبقي مركز ومتكلم وكده
وفي سبب كمان بس عيب:pointiy2[2]:

أهو السبب العيب ده هو اللى يخليك تعمل أحسن شغل فى سيارتك مع أى ميكانيكى أو أى صتايعى لو إديته قرص من هذا العقار
يقدرك و يعمل لك أحلى شغل فى العربية

**meza** · 18-09-2010 09:38 AM

الترامادول الإدمان سهل جداً فيه و قرص بيجر قرص لحد ما يبقى شريط

و أنا هحكى اللى شفته فى قسم السموم عندنا فى مستشفى الدمرداش

اللى كان بيجيلنا واخد ترامادول و جاله تسمم منه أقلها بيتحط تحت مراقبة 24 ساعة و رسم قلب كل شوية عشان القلب ممكن يقف فى أى لحظة بسببه.

جالنا ولد بتاع 18 سنة فى حالة وحشة جدا و مش دريان بالدنيا مع أخوه الكبير و صاحبه و والده ... الولد بلع شريط ترامادول و لقيوه مرمى فى الشارع بيتشنج جنب البيت.
قعدنا نسأله هو واخد ايه مرضيش يقول غير لما كلمته على جنب ... و بدأت بقا رحلة العذاب .. خليناه يرجع كل اللى فى بطنه و لو مكنش رجع كنا هنعمله غسيل معده بعدها فضلنا متابعينه من 11 بالليل لحد 10 الصبح و الواد كل شوية يغيب و يفوق ... و نعمله رسم قلب لأن قلبه ممكن يقف فى أى لحظة ...
قانونا كان المفروض نتابعه لحد 11 بالليل تانى يوم بس أبوه لما لقيه إبتدى يفوق عالساعة 10 الصبح كده كتب إقرار إنه هيخرجه على مسئوليته و الله أعلم حصل ايه بعد كده لأنى مشيت بعدها ... بس نبهنا عليه لو إبتدى يغيب تانى يجيبه فوراً و ربنا يستر.

بس كده ...

**A7MED_PHARMA** · 18-09-2010 09:51 AM

أنا أول مرة أشوف الموضوع ده

بإختصار ..الموضوع ده إدمان نفسي(حب التأثير بتاعه)....ييجي وراه إدمان جسدي(جسمك مابيستغناش عنه)
أقول إيه أكتر من كده
بيجيلي ناس الصيدلية عاوزين منه
أقولهم مفيش
بيبقوا هيعيطوا علشان أديهم حباية واحدة...شباب بتعيط بدموع حقيقية
وللأسف
البتاع ده إنتشر جدا ..وخصوصا بعد أزمة الحشيش في البلد
الناس عاوزة تعمل دماغ وخلاص..أي دماغ
وزي ماشوفت من ردود الأعضاء
الأفيل .. والتافيجيل....وبعض أدوية الكحة ...إلخ....إلخ
بيتم إستخدامها برضووو للهدف نفسه..السطل
بإختصار

ترامادول ده نار حمرا ...وخراب بيوت

**Ahmed Samy** · 18-09-2010 05:50 PM

المشاركة الأصلية كتبت بواسطة misoalex

حضرتك تقصدنى بالجمله دى وده تهكم واضح على كلامى وممكن اقدم فيك شكوى واخد حقى بوقف حضرتك

بس انا مش حعمل كده لان مخى اكبر من كده بكتير

ياريت تحسن اسلوبك فى الكلام وتحترم كلام الاخرين مدام رأيى مغلطش ولا زعل حد وفى سياق الموضوع
وهو الى احنا بنتكلم عليه ده والى بيحصل بسببه مش من الاضرار والاعراض الجانبيه بتاعته ولا انا بقول اى كلام

لا يا ميزو القعدة دي ما ينفعش ندخل فيها الحكومة هههههههههههههههه

**Medo.Malek** · 18-09-2010 06:10 PM

همممممم .... موضوع شيق

**SHNORY** · 18-09-2010 07:05 PM

المشاركة الأصلية كتبت بواسطة ahmed samy

لا يا ميزو القعدة دي ما ينفعش ندخل فيها الحكومة هههههههههههههههه

هي دماغ البرشام كده
تقوم الصحاب علي بعض

**pro_samir** · 18-09-2010 08:22 PM

افهم من كده ان الترامادول بيفوق و بينيم في نفس الوقت :) يعني اضرب حبايه وفكر في اللي انت عايزه

انا جربته مره برضو كانت ايدي مكسوره ومش عارف انام من الألم ، والدي اداني حبايه قالي ده مسكن قوي ومرضيش يقولي إسمه ، خدتها فعلا ريحتني ونمت نوم عمييق وبعد كده لما دعبست عرفت انها ترامادول

بقيت عايز اقوله في أب يبرشم ابنه ههههههه

-

الموضوع: ماهي اضراا الترامادوول ........

LinkBack

أدوات الموضوع

عرض

-

-

-

-

المواضيع المتشابهه

ماهي البطاحات

ماهي الكامة

ماهي الكساحات ؟

ماهي بلد منشأ الكورولا

ماهي Glx

الكلمات الدلالية لهذا الموضوع

المفضلات

المفضلات

ضوابط المشاركة