-
سؤال في الفرامل
أنا عندي عربيه برايد سيدان و عاوز مساعدتكم
لما أدوس علي الفرامل--فيبل العربيه ما توقف بحاجه بسيطه بسمع صوت تخبيط معدني --ذي ما يكون في حاجات بتخبط في بعض
الصوت ده بيكون أقوي لو العربيه علي منزل -عكس مطلع-
الحكايه دي مخوفاني جدا
يا ريت لو حد عنده فكره يساعدني
-
إيه يا جماعه
محدش عاوز يرد
-
-
تصدق ممكن..
ممكن تكون سهيت علي تيل الفرامل لحد ما اتاكل علي الاخر.. وبقي بيخبط ف الطنبورة..
خلي بالك احسن ممكن يقفش منك و يبوظ الطنابير..
اكشف عليه بسرعة بقي ...
-
فعلا ممكن يكون تيل الفرامل
-
بص على القطعة المعدنية اللى بتثبت تيل الفرامل فى مكانه(البسكوتة) فى العجلتين الأماميتين واطمن انها راكبة ومش واقعة
لو كانت المشكلة منها راجع احكام ربط ميزان السيارة، والمقصات
-
-
نفس المشكلة
السلام عليكم
يا جماعه نفس المشكلة بتاعة احمد بتحصلي لما بدوس فرامل فجائية و بحس فيها بكركبة في الدواسة نفسها كمان مع اني غيرت التيل و رجلشت التيل الخلفي و العفشجي قاللي العفشة كلها تمام و قاللي ممكن يكون حاجه من ال Abs
انا عربيتي اوبل استرا اوتوماتيك 1600 سي سي
يا ريت لو حد يعرف ايه سبب المشكله يقلنا لان محدش عارف يحدد سببها
-
هو دا صوت ال ايه بى اس لما يشتغل .. بتحس ان تروس حديد لا مسين بعض و بيلفوا عكس بعض
بس ما ظنش البرايد فيها abs !!
و بعدين فعلا هو ما بيشتغش الا لما تضرب فرامل موت .. فى الفرامل المتوسطه ما بيشتغلش
-
تاكيدا لكلام الاستاذ مدحت انا سقت ميجان زيرو بتاعة واحد صاحبي و سمعت فيها نفس الاصوات دي في الفرامل
و بكده اكون اطمنت :)
Content Relevant URLs by
vBSEO 3.6.0 PL2