الموضوع: هل تخفيض الجمارك فى يناير ، سيؤثر على اسعار المستعمل ؟

من اول يناير
هبطل السجاير و اكون انسان جديد

يا جماعه انا نفسي الناس تفهم حاجه مهمه جدا يمكن المتخصصين في الاقتصاد يفيدوكم اكتر وهي ان للدوله موارد سياديه اساسيه في الميزانيه ومن ضمن هذه الموارد الرسوم الجمركيه ورسوم الواردات وقناة السويس وغيرها
يعني تفتكروا موازنه الدوله بتيجي من فين؟؟؟
لما تطلع اشاعة بتخفيض الجمارك لازم الكل يفهم ان ده مستحيل لان ده من الموارد السياديه في الموازنه يمكن يحذف من القيمه الجمركيه لكن بيضيف رسوم اخري بمسميات مختلفه مثل
رسم الوارد
رسم تنمية
ضريبة مبيعات
القيمه المضافه
لكن في النهاية يكون المبلغ المحسوب لاي واردات لها ما يعادل نفس القيمه الجمركيه
الاهم من كل ده ان كل سنه و من 10 سنين ونفس النغمه تبدأ مع شهر سبتمبر لحد شهر فبراير واللي نفسه يجيب عربيه يبطل يشتري وطبعا اللي بيتأثر هو كل واحد عاوز يبيع عربيته

السبب في الاشاعات انها بتطلع في التوقيت ده ان المعروض من السيارات في هذا التوقيت قليل جدا بسبب بدء الدراسه وقلة المعروض في سوق المستعمل مما يوقف حال التجار
السنه دي التجار طلعوا اشاعه مختلفه انهم هايستبدلوا الموديلات قبل سنة 1980 وطبعا الناس اللي مش فاهمه بقت ترمي عربياتها باي فلوس يعني احسن من مافيشواللي استفاد من القصه دي كل اللي فهم ان ده مش ممكن يحصل لاسباب كتيره وهو ازاي اي مصنع هايبيع انتاجه من العربيات لنفس الاشخاص بسعرين؟؟؟
اذا كان القسط الشهري في حدود 1500 جنيه يعني اللي راكب عربيه تحت موديل 1980 هايقدر يدفع قسط 1500 جنيه شهريا؟؟؟؟؟؟
ازاي النتج او المصنع يبيع السياره بسعر مخفض في الاستبدال ونفس العربيه بسعرها العادي في السوق لاي واحد تاني عاوز يشتريها ؟؟؟؟!!!!!!!!
طيب الاجره والميكروباص بيشتغلوا ومضمون سداد الاقساط اما الموظف مافيش غير مرتبه هايدفع القساط من فين؟؟؟؟؟
المهم لازم الجميع ياخد باله من اساليب التجار علشان يحرسوا علي مالهم
التجار كل شويه يطلعوا اشاعه بان العربيات هاتنضرب في السوق علشان يكسبوا والناس بتصدق
المتوقع ان كمان شويه يقولا مافيش قطع غيار هاتيجي من بره لاجديد ولامستعمل علشان اللي معاه عربيه قديمه يخاف ويحاول يخلص منها باي سعر

هيا الحدايه بترمى كتاكيت؟!!!

الظاهر كده البلد كلها بتشرب شاي بالياسمين
يا جدعان جات ايه اللي تتنفذ عندنا دي
طب ده ليا زمن بسمع عليها ومفيش اي بوادر ليها