عرض للطباعة
ياجماعه باختصار شديد انا عربيتي 28 وساكن في فيصل بس الشارع اللي بروح مننه دمروووه منهم لله بقيت بمشي بالعربيه كأني طالع الجبل مطبات غريبة الشكل وحفر وبلاوي زرقا قولولي اعمل ايه انا خايف شاسيه العربية يفتح بصراحه محتار ابيعها واجيب 32 بيقولو عفشتها امتن وتستحمل الهم ده ولا ينفع اعمل فى ال 28 حاجه تخلي الشاسيه ما يفتحش افيدوني ربنا يكرمكم ولو جبت 32 هل قطع غيارها موجوده واستهلاكها في البنزين اخباره ايه انا بقول 32 عشان سعرها قريب من ال 28 ال 31 عاليه عليا في المرحله الحاليه
شكلك كده سا كن فى الطوابق و بتعدى فى شارع الشيشنى
على العموم فيصل بقى كله جبال .........
بالنسبه للعربيه اعتقد مش هتفرق قوى لام برده ال 132 حتبقى قديمه شويه
و ماتعرفش عفشتها هتبقى عامله ازاى
على العموم استنى راى ناس تعرف اكتر منى شويه فى موضوع 132 ده
وتحياتى
بص يا باشا .
الأول انت عامل حسابك انك تدفع كام فرق ؟ يعنى عربيتك هتجيب كام ؟ ومعاك كام زيادة علشان نعرف نفكر معاك .
أعتقد ان أحسن واحد ممكن يفيدك فى موضوع انك تعمل حاجة فى ال 28 علشان الشاسيه مايفتحش (ده اذا كان فى حاجة كده) .هو المعلم (المهندس سبعاوى)
انت ليه مافكرتش فى الادا أو فى الريجاتا ؟
32 استهلاك بنزين عالي جدا حتى ال 1600 بتاعتها
لو انت عايز تخليك زي مانت تجيب بس شداد حوض اللي بيربط فرديتين الشاسية من فوق الماتور وكمان زيادة واحد من تحت
اما لو عايز تركب حاجة برضه جامدة
هاتلك بقى رانجلر قديم دي ودي بتبقي موتور 2000 جاز وتمنها مش هايعدى ال 30
بس عيشة بقي لو عايز تطلع بيها سلمم العمارة هاتطلع
وتخلي سواقين فيصل وطوابق يجروا من قدامك خاصة الميكروباصات الفولكس البيضاء اللي ما بيهمهمش حد دول
رأيي مادمت عايز عربية تستحمل بلاش فيات خالص
واضح كده انك بتعاني نفس معاناتي وفعلا بعدي على الشيشيني وكعابيش كمان اللي دمروهاقتباس:
المشاركة الأصلية كتبت بواسطة tarekkasaby
انا عربيتي لسه عاملها عمرة موتور وتجيبلها 20 مثلا ممكان ازود عليهم لحد 5 بس مش عارف بأه
طيب بالنسبه لموضوع الشداد اللي بيركب في الحوض ده ما يقللش من تمن العربية لما اجي ابيعها ولا ايه
ولا اجيبلها مساعدين كويسين ولا برده هايبوظوا نفسي في حل يا جماعه الله يكرمكم وياريت لو سبعاوي باشا شاف المشاركه يدينا اقتراحاته
25 الف . أعتقد انك كده بتتكلم فى ريجاتا أو لادا
بص انا ركبت العربيتين لذا أنصحك ب الريجاتا
وبلاش موضوع ال 32 ده العربية قديمة شوية وبتاكل بنزين كتير .
طيب والريجاتا عفشتها تستحمل فعلا المطبات احسن من ال 28 وهل فيها قصة فتح الشاسيه دي ولا لا
بص يا باشا
الريجاتا :
العفشة أقوى
الموتور أقوى
العزم أعلى
الصالون أوسع
أسعار قطع الغيار قريبة قوى من ال 28
الشنظة أكبر
أصلا نازلة بالشداد اللى قال عليه الاخ كريم منير
بس المهم تكون العربية حالتها كويسة
وطبعا فى انتظار رد المهندس سبعاوى
اجيب 125 ايطالى او بولندى
انا برشحلك برضه الريجاتا بس هتعدي الـ 25 بشوية يعني 27 أو 28 لو حالتها سليمة ,
و موضوع فتح الشاسيه ده موجود في الـ 128 بس ,
كمان الريجاتا هتلاقي فيها تكييف و ازاز كهرباء ,
يعني كماليات كويسة و سعر كويس قطع غيار متوفرة و تحمل كويس و عملية و اقتصادية ,
عايز ايه تاني ,
على فكرة انا من الطوابق و بعدي على كعبيش , يعني عارف التكسيير اللى بتتكلم عليه ده كويس أوي ,
ربنا يرحمنا ....
بالنسبة لشغل الجبال لو متقدرش على تمن الشاهين يبقى عليك بالريجاتا وهتدعيلى بشرط الحاااااااااااااااااااااا ااااااااالة، اهم حاجة تكون اساسيات العربية سليمة ومش سارحة فيها اى بارومة
ويكون تابلوهها سليم واكصداماتها سلام علشان الحاجات دى غالية
امتن بكتير من ال 128
فيها شداد الشاسيه اللى بيخترعوه لل 128 نارل فى الريجاتا فابريكة
موتورها مرعب فى سحبه وفتيسها مشاوير غياراته تحفة
كل قطع غيارها نفس قطع غيار ال 128 ، ما عدا الكاربراتير والبستم والشنبر
عفشتها ارخص من عفشة ال 128، ما عدا علبة الديريكسيون فقط غالية شوية
تسلم يا سبعاوي باشا على الإهتمام
ال 132 رغم انها امتن لكن بلاش منها لانك قليل لو لقيت منها نضيف غير كده استهلاك بنزينها فظيع و قطع غيارها غاليه غير كده لو العربيه مش نضيفه حتلاقي الركبه اللي ماسك فيها الشداد كل شويه عاوزه تتلحم .
شوف ريجاتا فعلا
مش قلت لك تستنى المعلم .اقتباس:
المشاركة الأصلية كتبت بواسطة sab3aawy
طبعا جبل محتاج جمل (سفينة الصحراء ) و ريح دماغك بلا 128 بلا وجع دماغ
بصراحة طرق مصر محتاجه نركب جمال و نرجع بقي لأيام زمان و بالنسبة للستات تعمل هودج فوق الجمل مش عارف اسمه صح ولا غلط بس انا اقصد كبينه صغيرة كدا تحميها من الشمس و ممكن تكييف كمان
و اي خدمة يا باشا و لا تزعل نفسك ههههههههههههه