ان شاء الله هسقط موتور 2.0 تربو للفيكترا سي بس عايز اعرف قطع غياره موجودة ولا لأ عشان اصلا الموتور ده مش بينزل مصر..
كود الموتور:
Z20t
ياريت كمان حد يقوللي ايه قطع الغيار اللي المفروض اسأل عليها سواء جديد أو استيراد واسأل فين
انا عملت الموضوع ده ف قسم الاوبل بس تقريبا ماحدش عندو فكرة عن الموتور ده
وشكرا
سوري كود الموتور:
Z20net
ماحدش عبرني ليييييه؟؟:majd(4):
موضوعك صعب جدا ان حد يفيدك فيه
ثم دي عربيه زيرو يعني خد خيرها وخير موتورها وابقي فكر تغير وتسقط
بس الي انا شايفه اي مسمار بيتفك من الفريكه مستحيل تجيب زيه ويدي نفس الاداء
دا انا بشوف ناس بالنسبه ليهم مسأله حياه او موت الاقتراب من فبريكه العربيه ودي عربيات موديلات ستينات وسبعينات
نصيحه بلاش
روح الأول عند بتوع الأستيراد وشوف ايه المكن الدارج لو مش عايز توجع دماغك وخد بالك ان التربو له ظروف تانيه وش هياكل معاك فى مصر ده بيكون راشق فى المكنه وهتحتاج ميكانيكي عارف يعني ايه تربو ومشاكل حراره ولو عطل هتشيله وفليم
غير المكنه عادي لو عايز مكنه تانيه بس بلاش التربو
عوض التربو بزياده السى سى فيه مكنه للعربيه دي 3200 سته سلندر دي جامده جدا
وبيركب لها برضو ال2500 بتاعت فيكترا بي
اللى هيحددك هو المستور اللى بتثق فيه وكميه العربيات اللى بتتقطع من الماتور ده
ولو مصمم اشتري مكنتين وريح نفسك
علشان حصل اي مشكله متعطلش شيل وحط
ربنا يوفقك يابرنس
شكرا ليكم..
العربية عملت حادثة مرة هي كانت من تحت يعني ما غيرتش غير رفرف بس للاسف جابت موتور فخلاص راحت الفبريكة والمشكلة لما جيبت واحد جيبته 1.6 بردو وده قليل موت عليها...
المشكلة ان التوكيل مش بينزل غير 1.6 فمش هلاقي عندو حاجة للموتور ده..
انما التجار فأكتر حاجة شوتها 2.2 بس ده مش طموحي و3.2 كتيير اوي فأنسب حاجة 2.0 تربو..
اسأل فين على قطع غيار ليه؟
صعب الصراحة تلاقيلة قطع غيار فى مصر لأنك حتبقى انت بس الى معاك الموتور دة و ممكن كام واحد كمان
فا انا رأى انك تتعايش مع العربية كدة لو عاوز بقى حاجة اجمد يبقى تبيعها و تجيب هوندا sir او bmw e30 او e36 و حط مواتير زى ما انت عاوز 2000 و 2500 و زى ما انت عاوز و اعتقد ليهم قطع غيار لأنهم دارجين يعنى ناس كتيير معاهم المواتير دية دة غير ان مثلا موجود الفئة الخامسة 2000 سى سى و نفس موتور ال e36 فا حتلاقى قطع الغيار يعنى
دة رأى
لكن تلعب فى عربية ملهاش مواتير موجودة فى مصر بلاش
انت ممكن تجيب موتور الفيكترا ال 2000 دا قوي جدا وفي نفس الوقت متوفر لو قطع غيار في السوق وتعديلات تركيبو بسيطة وانصحك بلاش التربو لان السخونة بتاعت العربية هتزيد بشكل غير طبيعي وهتحتاج تعمل بعض التعديلات للسخونه ومش هيكون زي اللي نازل في الفبريكة ولو نفسك في تربو شوف البرافو موتور ايطالي بتربو وهوا 1.4 بيولد 120 حصان ......... وكان عندي سؤال انت من سوهاج يا باشا !!!
ركب 2200 انا مركبه
جامد جدا وانا معدل عليه الفلاتر والكنترول
سبقت بيه مرسيديس 3000 sel
سلام عليكم
طيب ياباشا انت عملت اي تعدل للعفشة ولا اية !اقتباس:
المشاركة الأصلية كتبت بواسطة buzaki