الموضوع: ايهما اقوى ............. ولماذا؟ سؤال للخبراء فقط

الف شكر يا استاذ ادهم على التوضيح الرائع

حاجة كمان

ميزة من ميزات المواتير الرحوية انها مالهاش كامة و لا كاتينة و لا صبابات و بالتالي مافيهاش الاحمال دي بتاتاً
و صيانتها سهلة

عيبها ان الموتور يستهلك و لا يمكن اعادة اصلاحه (لا يمكن عمل عمرة كاملة) لان الشميز الذي يتحرك فية الرحاية هو جسم الموتور و هو ليس باسطواني الشكل فلا يمكن تغييرة و لا خراطتة

و الموتور الرحوي (الروتاري) حجمة صغير جدا لذا تلاحظ ان السيارة المازدا كبوتها واطي لتحت جدا لان الموتور واطي (ليس كرنك و بلوك ووش سلندر و انما هو كلة كأنة حوض يدور بة كرنك )

واعتقد يعيبة ضعف العزم لانة بيشتغل كأنة اتنين سلندر بس

و لا ادري لماذا لم يقوموا بعمل مواتير تعمل ب 4 رحويات بدلا من اتنين كان الفرق سيكون كبيرا في العزم

اقل حاجه تتقال عليك أستاذ و رئيس قسم والله
بأمانة ردك سريع و مقنع
انا عشان كده ماكنتش فاهم ازاي الrx 8 بتطلع مني مع فرق العزم و قوة الsti
بس ليه مابيكملش قوته دي يعني لما بطول في الجري وراها كنت بجيبها وبعديها شرط اني ماهديش سرعتي يعني هو بيبقى ممتاز في بداية انطلاقه بعدها عدد الأحصنة بيتفوق عليه مش صح ؟؟

اعتقد ممكن ان المواتير دي بدايتها قوية لكن مابتوصلش لار بي ام عالي قوي

بصراحه مش متذكر مع اني سبق و كان معايا مازدا ار اكس 7 موديل 84 جابها واحد صاحبي سنة 96 او 97 و انا اللي جبتلة موتورها استيراد من اسكندرية

والموتور كان فية سوبر تشارجر و تبريد زيت و بفتيسة و بسعر خرافي لان اللي جبتة منة مكانش بيفهم اي حاجة و كان فاكر انة موتور مازدا نص نقل و فية فرامل هواء (السوبر تشارجر) ههههههههه اة و الله هو كان مقتنع بكدة, و بالتالي خدت منة الموتور في الارض و صاحبي كان حايرقص لانة اشتراها موتورها منتهي و كانت ب 18 الف و كان متردد انا قلتلة اشتريها و مالكش دعوة موتورها عندي بس مش متذكر سحب العربية و لا تسارعها تفاصيلة اية لان دة من 13 سنة



بس عامه العربية زيها زي جولف 1800 او بي ام 320 بمقاييس وقتها, ماتنساش ان المازدا دي كاربراتير

انا مقتنع تماما ان المواتير دي لو كانت 4 رحويات كان أدائها حايبقى افضل بكتير

لأنها كدة كأنها اتنين سلندر و بس