عيب في اللانوس99 ونفسي القي له حل

**mmoustafa** · 18-09-2010 05:48 PM

بأختصار يا خبراء اللانوس العربية عندي تمام ولكن بها عيب هيجعلني أبعها وهو أنخفاض العربية وأقترابها من الأرض حتي أنني لابد أن أحك في أي مطب أعدي عليه علماً بأن المساعدين والسوست جيدة والعفشجية بيقولو أن العربية ده كدا هل هذا صحيح أم هناك حل أرجو الأفادة لاني زهقت

**wlelw2003** · 18-09-2010 06:05 PM

ياريس قلقتنا على العربية انا كان عندي المشكلة دي بس بتحك من الجنب اليمين و رحت للعفشجي و رفع العربية ( علاها ) بكوتشة كدة ب اربعة جنية و اخد 10 جنية الموضوع دلوقتي تمام دة حل وممكن حل تاني انك تركب جنوط 14 او 15 بس دة مكلف شوية لانك هتعدل العفشة

**M.Zaher** · 18-09-2010 06:56 PM

خلي عفشجي كويس يبصلك تاني على المساعدين و السوست
وبلاش حكاية العلايات دي

**wlelw2003** · 18-09-2010 07:37 PM

المشاركة الأصلية كتبت بواسطة m.zaher

خلي عفشجي كويس يبصلك تاني على المساعدين و السوست
وبلاش حكاية العلايات دي

يا ترى اية المشكلة في العلايات و هل لك تجربة معاها او احد الاعضاء لية تجربة مع العلايات

**M.Zaher** · 18-09-2010 08:22 PM

المشاركة الأصلية كتبت بواسطة wlelw2003

يا ترى اية المشكلة في العلايات و هل لك تجربة معاها او احد الاعضاء لية تجربة مع العلايات

العلايات بتخلي ارتفاع العربيه مش مظبوط
فبالتالي العربيه ثباتها بيضيع
مع العلم
ان فيه اخ لينا - م سمير عياد - مركب علايات عنده في عربيته النوبيرا و الثبات معاه كويس بس هوه مركب سوست ورا بتوع لانوس قدام مش نوبيرا
يمكن دول اللى عاملين الفرق اللى معاه

**احمد ابراهيم** · 18-09-2010 10:00 PM

انا كان عندى اصلا علايات و اتطعت مع الوقت و ركبت غيرها ..... تلت اربع اللانوس ماشى بعلايات

توكل على الله و ركبها متقلقش من موضوع الثبات دده اى مش فارقه كتير

**mmoustafa** · 19-09-2010 12:33 PM

أشكركم علي الرد وسوف أركب عاليات وهشوف الفرق المهم ما تأثرش علي العفشة

**shaddadfalcon1** · 19-09-2010 12:55 PM

انا كان عندي علايات وشلتها خالص ومعنديش اي مشاكل في المطبات
حاول تخدها بزاويه

**E30power** · 21-09-2010 11:42 AM

فى حل تانى انك تركب صدادات فى المساعد نفسة من جوة ودة ميزتة انو مش بيخلى المساعد بياخد مشاورة لاخرة ......بس هيخلى العربية ناشفة شوية للعلم

انا حاليا بقالى اكتر من اسبوعين دايخ على الصدادات دية ومش لاقيها علشان عايز اهبط العربية على الجنط ....لانها بتاعت الزلاموكة :ٍ

**organic_magic** · 21-09-2010 01:44 PM

بص ياباشا انا الحمد لله لسه حالل المشكله دى امبارح

انا بالضبط الاسبوع اللي فات العربيه اتعلقت منى علي مطب وكان راكب معايا 4 وحوش

المهم حليت الموضوع انى اشتريت يايين امامي (سوست) استيراد من الشونه في بورسعيد بس فكتهم من ركبتين سلام يعنى لما جبتهم مرضتش اجيبهم مفكوكيين والحمد لله الموضوع ضبط معايا ورجعت رقصت علي المطب بالعربيه تانى