ارجو معرفه سبب جشع التوكيل فى الصيانه افيدوني

انا معايا frv2009 وكنت اتصلت بالتوكيل من يومين علشان اسأل على صيانه 20000 كم واعملها, كلمتهم وقالولى على سعر الصيانه وسمعت الرقم جالى حاله صمت ودوخه من الرقم تتخيلو 950 جنيه عشان اعمل صيانه 20000 كم وكمان ثوانى فى كمان مفجأة سارة قالولى بالنص" حضرتك 950جنيه ولو تيل الفرامل عايز يتغير حانغيرة وسعرة 260 جنيه" ياسلالالام
ايه الحلاوة دي يعني الاجمالى ( 1210جنيه) طب ليه كده.
الواحد يعمل ايه طب الناس بتعمل فينا كده ليه لو واحد معهوش المبلغ ولازم يعمل صيانه يسرق ولا ايه مع العلم سألت عى صيانه 30000كم لواحد صحبى فى نفس المكالمه قالولي تتكلف
650جنيه طب ازاي يعني انا من ساعت مقفلت وانا عندي حاله دوخه فقدان ذاكرة مش عارف اعمل ايه ممكن حد يقولى اتصرف ازاي يا اهل عشاق البريلينس الكرام ضروري

أنا مش من ملاك البريليانس .. بس اسمحلي أوضح لحضرتك نقطة مهمة قوي .. وهي جدول الصيانة لأي عربية .. بتبقى فيه صيانات تكاليفها مرتفعة وصيانات منخفضة .. وده راجع للحاجات اللي حتتغير في الصيانة (على حسب الكيلومترات اللي مشيتها العربية) .

فعلى سبيل المثال ممكن تلاقي صيانة العشرين أغلى من صيانة الثلاثين .. علشان في صيانة العشرين ممكن تتغير حاجات مش حغيرها بعد عشرة آلاف كيلو في صيانة الثلاثين .. أرجو أن تكون الفكرة وضحت .

بغض النظر عن الكلام ده .. التساؤل بصفة عامة واللي سألته في منتدى بريليانس ومحدش جاوبني عليه .. هل في مراكز غير التوكيل ممكن تعمل الصيانة الدورية للعربية ولا لازم التوكيل .

سؤال كمان .. أداء العربية بصفة عامة عامل أزاي والمعاملة في التوكيل (الاهتمام بالمواعيد وكفاءة الصيانة) أخبارها أية .

اللة يبشرك بالخير
انا معاياfrv 2010و عامل 17000كم
بجدانا جالى صدمة مش عارف افكر
دة حرام بجد كمان انا عندى حاجة فانوس الشبورة الشمال اتكسر و انا على طريق الاسكندرية
دة كمان مش عارف ثمنة كام؟

لو اتحلت مشكلة غلو اسعار قطع الغيار والصيانات اعتقد هتنتشر بشكل اكبر من انتشارها الجيد جدا حاليا
اعتقد هتبقى زى الاسبيرانزا واكتر
المفروض ان التوكيل يفهم انة بيتعامل مع فئة اخرى سعرية غير البى ام

ربنا يخلينا الجاك انا لسة عامل صيانة ال20000 الف للجاك بى كلاس ب 451 جنية و كنت مستغليها الحمد الله

أنا مستغرب هيدا الكلام لأنو السيارة ال frv عنا في سوريا لديها صيانة مجانية (ببلاش) حتى 20000 كم وعلى الرغم من هيدا الحكي فأسعار الصيانة عندكم غالية كتير يعني أنا صيانة ال 25000 كم كلفتني حوالي 25 دولار (تغيير زيت وفلتر وكشف شامل مع شد الدوزان) مابعرف إذا عنكم بيعملو شي زيادة والله أعلم وشكرا..

أمال إيه موضوع ضمان 60 الف كيلو و 3 سنين؟!!! هو اسطورة و لا إيه، و لا هم بيضمنوا إيه بالضبط؟!